'Olic 39
39
O Patalahkal no Cipadesay a Tamdaw to Raraw
O 'olic ni Tafiti. Mapatorod i kakridan no paradiway ci Yitutun.
1Nao somowalayto kako, <<Na'onawto ako ko dmak ako,
'metento ako ko ngoyos ako a caayto pakaciraraw,
ano ira i ka'ayaw ako ko tatiihay a tamdaw i,
to^men ako ko ngoyos ako a caay ka pasowal.>>
2Trep hanaw ako a caay pasowal to ccaccay aca,
halonga'ayay a sowal a caay pasowal kako, nasa kako.
Nikawrira, mangalef a mangalef ko pisemsem ako,
3Matomes no rawraw ko faloco' ako.
Yo misaharaterateng kako i, mahapinang ako
ko nika awa no lipahak ako,
saka, caayto paka'met kako to sapilicayaw,
4<<Tapangaw, hakowaho ko kakaya' no 'orip ako saw?
Ano hacowa a mapatay kako saw?
Nanay pahapinangen Iso kako, ano hacowa ko pahrekan ako saw?>>
5Kiso ko sakamamoko' no 'orip ako.
Matiya o awaay ko ^poc a nengnengen Iso ko 'orip ako.
Matiya o ccay a sla' ko 'orip no tamdamdaw,
6mato lmed ko 'orip no tamdaw.
O nika rorayan nangra i, o horac a ma^min,
o nisopdan nangra a dafong i,
caay ka fana' cangra to nika cima ko rarihaked.
7Tapangaw, iraho a mimaan ko pafaloco'an ako saw?
Deng Kiso a ccay ko kahinatalaan ako.
8Nanay pa'oripen Iso kako a paliyas nai raraw ako a ma^min,
aka haydaen ko nika tawa no maapaay a tamdaw i takowanan.
9Trep hanto ako a caayto ka caciyaw to ccaccay aca,
nawhani Kiso ko sakamatini ako a misemsem.
10Nanay caayto piliyaw Kiso a mitfoc i takowanan,
ccaccayto ko sla' ako to nano pisti' Iso i takowanan.
11O kter Iso ko sapitfoc to raraw no tamdaw,
matiya o pi'it'it no aayad, a palasawad to polong no kangalayan ningra.
So'linay hato ccay a sla' ko 'orip no tamdaw.
12 Tapangaw, nanay tngilenho Iso ko pitolon ako,
na'onen a mitngil ko pitahidang ako a mingitangit.
Ano tomangic kako a milongoc i, nanay aka pitrep i takowanan.
O lafang Iso kako, malcad to tato'asan ako a o palafangay kako.
13Nanay sololenho Iso kako, ta i 'ayaw no piliyas ako a malahdaw i,
ma^dengho kako a lipahak to miming.
Currently Selected:
'Olic 39: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
