'Olic 38
38
O Pitolon no Cipadesay a Tamdaw
O 'olic ni Tafiti, sapiharateng to tayal no Tapang.
1 Tapangaw, nanay caay ka firang Kiso a mapoi' i takowanan,
nanay caay ka kter Kiso a mitfoc i takowanan.
2Mata'sel no pana' Iso a midoka' kako,
sakarteng sa ko kamay Iso a mirken i takowanan.
3Caayto ka nga'ay ko tireng ako to nano kter Iso,
o nano raraw ako ko sakafolfol no tireng ato 'okak ako.
4Marken no kartengay a raraw ako kako,
saka, lneng sato kako i raraw.
5O nano apa ako saka,
sa'antol#38.5 sa'antol -- o roma i, 'antox (Singko ato Posko). sato a maponi' ko doka' ako.
6Tona makidem ko semsem ako saka, matakonolto kako,
saromi'ad sa kako a mararom a tomangic.
7Takaraw ko fa^det ako,
caayto ka nga'ay ko tireng ako.
8Salomaing#38.8 Salomaing -- o roma i, kawmi' (ka'amis), taloming (katimol). sato ko tireng ako,
awaayto ko 'icel,
rawraw sato ko faloco' ako,
tanolaling sato kako.
9Tapangaw, mafana' Kiso to longoc no faloco' ako,
matngil Iso ko picdaah ako.
10Satemotemok sato ko faloco' ako,
awaayto ko 'icel ako,
kadipohaw sato ko mata ako.
11Tona adada kako saka, caayto pikihar ko widang ato fiyafiyaw ako,
halomalininaay ako a miraay a miliyas i takowanan.
12Mitlay to tilo ko sapipatayananay i takowanan,
saromi'ami'ad sa a mipatalaw a misahalaka to sapikari'angaw i takowanan cangra.
13Nikawrira, samatiya han ako o mado'engay a caay pakatngil,
samatiya han ako o maapaay a caay ka caciyaw.
14Saka, matiyato o caay pakatngil kako a caayto paca'of.
15 Tapangaw, o kahinatalaan ako Kiso,
Tapang a Kawas ako, nanay paca'ofenho kako.
16Aka haydaen ko nika rahker no 'ada to nika pades ako,
aka haydaen ko nika lata'ang nangra to nika tfad ako.
17Mararid a misemsem kako,
saka, sinawar sato kako a sakatolo'an.
18Mihai kako to nika ciraraw ako,
o nano patlac ako ko sakararom ako.
19Tanektek a mari'ang ko 'ada ako,
'aloman ko padteng sanay a mi'intel i takowanan.
20O tatiihay ko sapaco'ay no tao to nga'ayay a dmak ako,
nawhani, o raromakat kako to mo^celay a lalan.
21 Tapangaw, nanay caay ka falahen Iso kako,
Kawasaw ako, nanay caay piraay Kiso a miliyas i takowanan.
22O pa'oripay a Tapang ako Kiso,
nanay kalamkamen a mipadama kako.
Currently Selected:
'Olic 38: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
