Taneng 30
30
O Taneng ni Akur
1O taneng a sowal ni Akur o wawa ni Yaki, mahaenay ko sowal ningra ci Itiil aci Ukal#30.1 mahaenay ko sowal ningra ci Itiil aci Ukal -- ano ^ca i, <<Sowal sa kina tamdaw, <Kawasaw, malotayto kako, Kawasaw, malotayto kako, awaayto ko angiangil ako,> saan>>, ano ^ca i, <<Sowal sa kina tamdaw, <Caay pikapot ko Kawas i takowanan, caay pikapot ko Kawas i takowanan, caay ka layap ako ko pipadama no Kawas,> saan.>>.
2Matiya o pina'orip kako, caay ka matiya o tamdaw,
awaay ko no tamdawan a taneng ako.
3Caayho pinanam kako to taneng,
caayho ka fanafana' kako to pakayniay i tadamaan no Kawas.
4Cima ko tayraay i kakarayan ta malikelon?
Cima ko pakarpetay to fali?
Cima ko mipopotay i kiradom to nanom?
Cima ko patirengay to salawacan no sra?
Cima cingra?
Cima ko ngangan no wawa ningra?
Mafana'ay kiso haw?
5So'linay mido^doay ko Kawas to niktonan Ningra a kahaccaccay a sowal, matiya o sapatada Cingra a midipot to miti'eray i Cingraan a tamdaw. 6Ano mitongal milowan kiso to nisowalan Ningra i, makapo'i Ningra kiso a mitoro' to nika o misamangahay a tamdaw kiso.
O Romaroma a Taneng a Sowal
7Kawasaw, ira ko tosa a dmak to lalongocen ako, nanay palahcien Iso i 'ayaw no nika patay ako. 8Aka papisamangahen kako, aka palapakosiyaen, aka padafongen kako, patatodong han ko saka'orip aca ako a kakaenen. 9Ano cirafas#30.9 cirafas -- o roma i, camahaw (ka'amis). kako i, latek misafokil kako i Tisowan, <<Cima koya Tapang?>> a saan. Ano cango'ot kako i, latek mitakaw kako, mapakangodo ako ko ngangan no Kawas.
10Aka pilikaf to koli no tawki, ano caay haenen iso i, ma'kak a matfoc kiso.
11O roma a tamdaw i, mi'kak to wama no tireng, caay ka fana' a miahowid to wina nangra.
12O roma a tamdaw i, makoracay kako saan, 'arawhani maldef no kaackan ko tireng ningra.
13O roma a tamdaw i, o masongila'ay a makapahay kako saan a misatakaraw.
14O roma a tamdaw i, hato 'idoc ato fonos a matalem ko wadis, mikari'ang a mi'afas to pakosiya a tamdaw, ta'moden ningra ko awaay ko palawinaan a tamdaw to saka'orip ningra.
15Ira ko tatosa a fafahiyan a wawa no widi#30.15 widi -- o roma i, dadinta' (timol)., o ngangan nanira i, <<Paflien kako>> sanay. Tolo ko caayay ka rahker, halo o caayho ka pasowal to <<Ma^dengayto>> sanay i, saspat to a mapolong, oya
16kaitiraan no mapatayay,
o ma'asicay a fafahiyan,
o makdalay awaay ko 'orad a sra
ato midapdapay a caay ka padeng a namal.
17O miloksay a matawa to wama ato mi^pecay pacoliay to mato'asayto a wina i, o mamakaen no 'alilis, o dadicohen no palang ko mata ningra.
18Ira ko tolo a pakakmoday a kafokilan ako, halo o caayay kafilo ako a mafana' i, ma^deng spat, oya
19o ka^fer no 'alilis i kakarayan,
o kanafoy no 'oner i kafkang no 'ongcoy,
o karokamakatan a lalan no tamina i riyar,
o kasasiolah no fa'inayan ato fafahiyan.
20O kangodoan ko dmak no ma'otitay a fafahi, maharek cingra a ma'odang i, mayno' cingra, sowal sa, <<Awaay ko maan aca a patlac no dmak ako,>> saan.
21Tolo ko mingiyangiay to hkal, spat ko caayay ko mamafilo no sra, oya
22o kalahongti no koli,
o kafcol no maapaay a tamdaw,
23o kaciramod no ka'osian a fafahiyan,
maclol no fafahiyan a koli ko fafahiyan a tawki.
24Ira i hkal ko spatay a fao to mimingay ko tireng, nikawrira, tadamatanengay, oya
25talacowa miming ko kakonah#30.25 kakonah -- o roma i, alonah (ka'amis)., nikawrira, mafana' a misoped to kakaenen i kacidalan.
26Caay ko ki^melay ko koyo, nikawrira, misanga' to loma' i 'ongcongcoyan.
27Awaay ko hongti no riri', nikawrira, mafana' a marayaray a masakapokapot a mahadak#30.27 mahadak -- o roma i, masadak (ka'amis)..
28Ma^deng a marpet no tamdaw ko fatektekay#30.28 fatektekay -- o roma i, caco'co'ay (ka'amis)., nikawrira, maro' i loma' no hongti.
29Ira ko tolo a kasenengan ko karomakat, halokakasenengan ko rakat i spat to a mapolong, oya
30o saki^melay i polong no 'a'adopen, o awaay ko katalawan a layon,
31o okang a siri,
o tangalawan#30.31 tangalawan -- o roma i, tamalangawan (ka'amis). a koko',
ato marariday a pakalowid a hongti.
32Ano maapa kiso a misatakaraw, ano ^ca misafaloco' to tatiihay i, sinanoten ko faloco' a misaharaterateng. 33Ano htecen ko hacol i, masadak ko simal, ano skongen iso ko ngoso' no tao i, masadak ko rmes, malcad tonini, ano makter kiso i, mapalowad ko kacacolicoli.
Currently Selected:
Taneng 30: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
