Taneng 29
29
1Kapo'iyen a mitfoc i, maliyangay a 'atkak a 'atkak ko faloco' a tamdaw i, o mamatalifahal a matkop, caayto ko mamapa'orip cingra.
2Ano mo^celay a tamdaw ko mikowanay to kitakit i, malipahak ko finawlan, ano o mari'angay ko mikowanay i, mararom ko finawlan.
3O maolahay a citaneng a tamdaw i, mapalipahak ko wama ningra, o mikapotay to tasalamaan a fafahiyan i, mapalasawad ko dafong no loma' ningra.
4Ano mo^cel a marayas ko pikowan no hongti i, tanektek a macakat ko kitakit, ano miala to sapa'alofo a mangilos ko mikowanay i, o mamatkop ko kitakit.
5O malaymayay a pasowal to fiyafiyaw i, o mitlayay to sakatilo a mipolin to waay no niyah#29.5 no niyah -- ano ^ca i, ningra..
6O tatiihay a tamdaw i, matfad i rfong a talakal no raraw, o mo^celay a tamdaw i, mapakonira a lipahak ko 'orip ningra.
7O mo^celay a tamdaw i, mafana' a mangodo to pakosiya a tamdaw, nikawrira, caay ka fana' a sini'ada ko tatiihay a tamdaw.
8Mipaoror a palowad to sakarawraw no niyaro' ko mafolaay a tamdaw, o citanengay a tamdaw i, miparihaday a mipatrep to kararawraw.
9Ano pakokoten no citanengay a tamdaw ko maapaay a tamdaw i, awaay ko ^poc, deng satawatawa sa cingra a mapoi' a ccay.
10O mananamay a mipatay to tamdaw i, mi'intel to mo^celay a tamdaw, caay pitolas a mipatay to mo^celay a tamdaw.
11Mipatalahkal to kter ningra ko maapaay a tamdaw, nikawrira, i faloco' sa to kter a masinanot ko mo^celay a tamdaw.
12Ano maolah ko hongti a mitngil to mangah a sowal i, o tatiihay a ma^min ko matayalay ningra a tapatapang.
13Ira ko kalcadan no pakosiya a tamdaw ato mari'angay a tamdaw, mapafli no Tapang to malikatay, paka'araway a mata.
14Ano mafana' ko hongti a mipa'ading to 'orip no pakosiya a tamdaw i, o hahalafin ko pikowan ningra.
15O misti'ay a pasifana' i, o saka citaneng, o pakonira sanay to wawa i, o sakangodo no wina.
16Ano tatiihay a tamdaw ko mikowanay i, matongal ko raraw, o mama'araw no mo^celay a tamdaw ko nika tkop nangra.
17O pasifana'ay to wawa i, maparihaday ningra a palipahak ko faloco' iso.
18Ano awaay ko pikrid no Kawas i, olatek sato ko finawlan a macilas, o mido^doay a tamdaw to rikec no Kawas i, tadamalmeday.
19Ano tanosowal han ko pipasifana' to koli a tamdaw i, ano mafanafana' cingra a mitngil caay pilingwa.
20Ma'arawayto iso ko patras sanay ko sowal a tamdaw haw? Oyaho a maapaay a tamdaw ko adahi i cingraan.
21Ano pakonira han iso ko koli to kangalayan ningra nai ka^mangan i, ano hacowaay a romi'ad o mama'afas ningra ko polong no dafong iso.#29.21 o mama'afas ningra ko polong no dafong iso -- ano ^ca i, caay to ko mamakowan iso cingra.
22O karakteray ko pinangan a tamdaw i, mipalowad to sakacacolicoli a misanga' to sakararawraw no dmak.
23O sakatfad no tamdaw ko pisatakaraw to faloco', o mamakangodo no tamdaw ko misapo^neray to faloco' a tamdaw.
24O pikapot to mitatakaway a tamdaw i, o pisa'ada to tireng no niyah, caay ka so'lin ko sowal ningra a mikton i pisawkitan.
25O matalaway to tamdaw i, o mamatfad i satilo, o miti'eray to Tapang i, o rarihaday a tanektek.
26Mangalay ko tamdamdaw to sini'ada no mikowanay, ano so'linen a somowal i, deng o Tapang ko palowaday to mo^celay.
27Ma'osi ko mo^celay a tamdaw to caay ka mo^cel a tamdaw, mi'intel ko tatiihay a tamdaw to mo^celay a tamdaw.
Currently Selected:
Taneng 29: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
