Taneng 28
28
1O tatiihay a tamdaw i, talacowa awaay ko milpelay i cingraan milaliw cingra, nikawrira, o mo^celay a tamdaw i, matiya o layon a macodah.
2Ano ciraraw ko kitakit i, safalifalic sa ko mikowanay a tapang, ano ira ko citanengay a mikriday i, o mamida'oc a rihaday ko kitakit.
3O mari'angay a hongti misamsam a mipa^kel to pakosiya, matiya o mikricay to panay a faliyos ato 'orad.
4O misorikoray to rikec i, mihai to tatiihay a tamdaw, o mido^doay to rikec i, pacoli to tatiihay a tamdaw.
5Caay ka fana' ko tatiihay a tamdaw to nika o maan ko mo^celay, deng o milongocay to Tapang ko mafana'ay.
6Ano pakosiyasiya ko 'orip ano mo^celay ko dmak ningra i, ikaka noya cidafongay a misafana'ay a tamdaw ko nika nga'ay ningra.
7O mido^doay to rikec i, o citanengay a wawa, o mikapotay to matokaay a tamdaw a komaen i, o mamapakangodo ningra ko wama ningra.
8O misa'atkakay#28.8 misa'atkakay -- o roma i, pacamahaw (ka'amis). a pawawa to nicaliwan no tao a payso to sakacidafongaw ningra i, o tatayra i kamay no pa'ayaway to pakosiya a tamdaw a mana'ang ko dafong ningra.
9Ano caay pido^do to rikec i, ma'osi ko Kawas to pitolon ningra.
10O mikayhiday to mo^celay a tamdaw a papidmak to tatiihay i, o mamatfad cingra i nisarfongan ningra, deng o makoracay a tamdaw ko mamapakaolah.
11O harateng no cipaysoay a tamdaw i, o citanengay kako saan, nikawrira, mata'selto a manengneng no citangalay a pakosiya a tamdaw ko kmod ningra.
12Ano malamikowanay ko mo^celay a tamdaw i, malipahak ko tamdamdaw, ano malamikowanay ko tatiihay a tamdaw i, milimek ko tamdamdaw.
13O misimeday a mitahpo to raraw no tireng i, caay ko mamalmed ko 'orip ningra, o patalahkalay to raraw a mifalic to faloco' i, o kakaadayayen no Kawas.
14O marariday a mita'ong to Tapang i, caay ka citolas a malmed, nikawrira, o 'atkakay ko faloco' i, o mamatkop cingra.
15O mari'angay o mipa^kelay to pakosiya a tamdaw a hongti i, matiya o miltohay a layon ato mikilimay to kakaenen a tomay.
16O caay ka fana' to dmak a mikowanay i, malamari'angay a hongti, o mi'intelay to caay ka mo^cel a dafong i, o mamida'oc a rihaday ko nikowanan ningra.
17O mipatayay to tamdaw a ciraraway i, o comikayay a tayra i kapatayan, nanay awaay ko midamaay i cingraan.
18O mo^celay ko dmak a tamdaw i, o rarihaday cingra, o misa'fitay ko dmak a tamdaw i, o hahaliki a mapolin cingra.
19Caay ka cango'ot to kakaenen ko malalokay a maomah, o milongocay to awaay ko ^poc a dmak i, o mamalapakosiya.
20O so'linay ko faloco' a tamdaw i, matomes no sapalmed, nikawrira, o sakacidafongananay to nilihiwan i, o mamatefoc.
21Caay ka nga'ay a misakakinih ko faloco', nawhani o roma a tamdaw i, pakayni i ccay a pelac no ^pang ko sakatfad ningra a ciraraw.
22O ma'anofay a macaloh a sakacidafongan a tamdaw i, caay ka fana' cingra to nika o mamalapakosiya cingra.
23O pa'icelay to tamdaw a misalof i, ikaka noya samalaymay sanay ko sowal a tamdaw ko nika o kaolahan no tamdaw cingra.
24O mitakaway to maamaan no wama ato wina i, caay ko raraw konini sanay a tamdaw i, awaay ko kasasiroma ningra ato mitatakaway a tamdaw a o ciraraway cingra.
25O ma'anofay ko faloco' a tamdaw i, mipalowad to sakacacolicoli, nikawrira, o miti'eray to Tapang i, awaay ko patolasan no nika kadofah ningra.
26O matamaay ko no mako a harateng sanay a tamdaw i, o maapaay a tamdaw, o mitngilay to citangalay a tamdaw i, o rarihaday cingra.
27O palada'ay to pakosiya a tamdaw i, caay ko cacango'ot cingra, nikawrira, o nengneng sanay to pakosiya a tamdaw i, o mama'kak cingra.
28Ano mikowan ko tatiihay a tamdaw i, milimek ko tamdamdaw, ano matkop cangra i, matongal haca a 'aloman ko mo^celay a tamdaw a mikowan.
Currently Selected:
Taneng 28: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
