Popular Bible Verses from Taneng 29

Share

O matalaway to tamdaw i, o mamatfad i satilo, o miti'eray to TAPANG i, o rarihaday a tanektek.

Ano awaay ko pikrid no Kawas i, olatek sato ko finawlan a macilas, o mido^doay a tamdaw to rikec no Kawas i, tadamalmeday.

Mipatalahkal to kter ningra ko maapaay a tamdaw, nikawrira, i faloco' sa to kter a masinanot ko mo^celay a tamdaw.

O misti'ay a pasifana' i, o saka citaneng, o pakonira sanay to wawa i, o sakangodo no wina.

O pasifana'ay to wawa i, maparihaday ningra a palipahak ko faloco' iso.

O sakatfad no tamdaw ko pisatakaraw to faloco', o mamakangodo no tamdaw ko misapo^neray to faloco' a tamdaw.

O karakteray ko pinangan a tamdaw i, mipalowad to sakacacolicoli a misanga' to sakararawraw no dmak.

Ma'arawayto iso ko patras sanay ko sowal a tamdaw haw? Oyaho a maapaay a tamdaw ko adahi i cingraan.