Taneng 31
31
O Limo'ot no Wina ni Limuil a Hongti
1O isasaay a sowal i, o pa'icel a pasifana' no wina ni Limuil a hongti.
2<<Wawaaw, o kaolahan ako kiso, o nao niktonan ako to sowal a milongoc to Kawas ko sakaira iso. O sasamaanen ako kiso a pasifana' saw? 3Aka palasawaden ko 'icel iso i 'anof no faloco', aka pila'om to payso i tireng no fafahiyan, o nao mitkopay to hongti ko matiniay a dmak. 4Limuilaw, pitngil, aka pi'owak to ^pah ko hongti, aka ka 'anof to ^pah. 5Ano komaen to ^pah i, matawalto ko rikec no kitakit, masakahmawto ko kanga'ayan a tatodong no pakosiya ato mapadesay a tamdaw. 6O ci'icelay a ^pah i, o sapakaen to sakapatayananay, o fadisoso' a ^pah i, o sapakaen to maksemay ko faloco' a tamdaw. 7Ano komaen cangra i, matawalto nangra ko ksem ato pades nangra.
8<<Pipatado kiso a pasowal to caayay pakasowal to no niyah a tamdaw, pa'adingen ko masapakoyocay ato awaay ko palawinaan a tamdaw. 9Pipatado cangraan a pa'ading, do^doen ko mo^celay a pisawkit cangraan, pipa'ading to pakosiya ato misemsemay a tamdaw,>> han ningra.
O Matanengay a Fafahiyan
10Ano pakatama to matanengay a fafahi i,
ikaka no odo' ko nika tadamaan noya fafahiyan.
11Miti'er ko fa'inay ningra i cingraan,
caay ko cacango'ot to saka'orip cangra.
12Tahatolas no 'orip ningra ko nipipadama to fa'inay ningra,
awaay ko pisipon ningra i cingraan.
13Malalok cingra a mitnooy to fanoh no siri ato mowa a kliw a misariko'.
14Matiya o micolo'ay to dafong a tamina cingra,
miala to kakaenen cingra nai cowacowa a maraayay a patayra i loma' ningra.
15Lomowad cingra to kaniharan a misakaranam,
misilsil cingra to tatayalen no fafahiyan a koli ningra.
16Mangalay cingra a ci omah, saka tayra cingra a micakay,
o ni^tanan ningra a payso ko sapipaloma ningra to pisafadisoso'an.
17Tanektek a malalok a matayal cingra,
caay ka talaw cingra to kartengay a tayal.
18Mafana' cingra to malo^tan no nitayalan ningra,
saka, misalafii cingra a matayal.
19Minoka cingra to malokliw ningra to tatnooyen, ta tnooyen ningra.
20Maolah cingra a palada' to pakoyocay,
midama cingra to cango'otay.
21Ano matfad ko so^da i, caay ka roray a miharateng cingra,
nawhani, ciriko' ko paro no loma' ningra a ma^min to dihkoay.
22Mitsel cingra to saksak no kafoti'an,
o nisanga'an to nga'ayay a mowa a kliw ato tarangitangay#31.22 tarangitangay -- o roma i, maloloay (ka'amis). a kiradom ko riko' ningra.
23Kahmekan no tamdamdaw ko fa'inay ningra,
o kakridan no niyaro' ko fa'inay ningra,
mikapot to mato'asay no niyaro' ko fa'inay ningra a maro' i 'adawang no niyaro'.
24Sanga'en ningra ko riko' to safangcalay a kliw
ato safaked#31.24 safaked -- o roma i, safatel (ka'amis), safakec. a pacakay i patiyamay a tamdaw.
25Ci'icel konini a fafahiyan, o kangodoan no tamdaw cingra,
matomes no lipahak ko faloco' ningra a miso'ayaw to aira a dmak.
26O citanengay ko sowal ningra,
o ciadayayay ko sifana' ningra.
27Malalok cingra a milosimet to tatayalen no loma',
caay pisatokatoka ko faloco' ningra.
28Pahapinang ko polong no wawa ningra to olah i cingraan.
Mahmek ko fa'inay ningra i cingraan a sowal sa,
29<<'Aloman ko matanengay a fafahiyan,
deng kiso a ccay ko ikakaay nangra,>> saan.
30O nika salongan#31.30 salongan -- o roma i, sanengseng (katimol). no fafahiyan i, o mangah, o nika kapah ningra i, awaay ko ^poc,
deng o mangodoay to Tapang a fafahiyan ko kakahmekan.
31Nanay marnec cingra to hci no nitayalan ningra,
nanay makahmek i kapolongan no sa'opo ko nika ci^poc no nitayalan ningra.
Currently Selected:
Taneng 31: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
