Taneng 27

1Aka ka i 'ayaw ko pipasneng iso a somowal to aira a dmak, nawhani caay ko kafana'an iso ko nika o mamasamaan ko dmak to ccay a romi'ad.

2Ka o tao ko pahmekay ano ^ca o fiyaw iso. Aka ka o kiso ko pahmekay to tireng.

3Tadaikaka no karteng no fokloh ato tafok#27.3 tafok -- o roma i, fonak (ka'amis). ko nika karteng no pades to nano nika apa.

4Ikaka no kter ko 'inap a mikari'ang to tamdaw.

5O pipahapinang a mitoro' a misalof to raraw no kaolahan iso a tamdaw ko nga'ay to dokdok sanay a miolah.

6Nga'ayay ko pipalamo^cel no widang iso to faloco' a misalof, nikawrira, o nana'onen iso ko pisawidawidang no 'ada i tisowanan a mi'afang.

7Ano mafcol ko tamdaw i, mana'ay a komaen to waneng no 'odal, o macahiway a tamdaw i, halo'angreray a kakaenen a ko^sanen.

8O miliyasay to niyaro' a tamdaw i, matiya o miliyasay to dipong nira a ma^feray a 'ayam a tayra i maraayay.

9O sapafanohong ato sata'os a simal i, o sakalipahak no tamdaw, malcad tonini o so'linay a widang i, makapah ko pipa'icel ningra.

10Aka pitawal to widang iso ato widang no wama iso, ano malitmoh iso ko pades i, aka pingitangit i salikaka iso to pipadama ningra, nawhani ikaka no iraayay a salikaka iso ko nika nga'ay no i fiyaway iso.

11Wawaaw ako, ka o citanengay kiso, ta lipahak ko faloco' ako, ta ira ko sapaca'of ako toya matawaay i takowanan a tamdaw.

12Malitmoh no mafana'ay a miharateng a tamdaw ko nika aira no pades haw i, tangsol sa cingra a miliyas. Nikawrira, o mafokilay a miharateng a tamdaw haw i, tayra a miraod toya pades.

13O mihaydaay a mihosiw to kiyam no kafahalan a tamdaw i, o mamapatampo ko riko' ningra.

14Ano pacerem to dafak a misatata'ang to ngiha' a micokat a mipakalmed to fiyaw i, malcad to mi'kakay cingraan.

15O karapo'iyay a fafahi i, matiya o satara'ta' sanay a 'orad, 16o mi'metay cingraan a patrep i, caay ka rahoday malcad to mi'metay to miforiforay a faliyos ato malcad to mirpetay to simal a kamay.

17O marad i, o marad ko sapirnac a patalem, malcad tonini matopirenac ko malawidangay a masasipa'icel.

18O misimaway to sokon a losay i, o kakomaen to hci no sokon a kilang, o matayalay i tawki ningra i, o mamakahmek no tawki ningra cingra.

19Madadingo i nanom ko pising no tireng, mahapinang i pising ko i laloma'ay no faloco'.

20Caay ko mamatomes ko kaitiraan no mapatayay ato katkopan, caay ko mamatomes ko 'anof no tamdaw.

21O namal i parod ko sapi'olac to tada^kim ato ^kim. O pihmek no tao ko sapilifet to tadamaanay a pinangan no tamdaw.

22Ano samaamaanento ko pasifana' to maapaay a tamdaw i, oyananto ko nika apa ningra.

23Pina'on a misongila' a misimaw to masaflaway a siri ato pina'orip iso. 24Nawhani caay ko mamida'oc ko dafong, caay kataharayray ko tamohong. 25Ano ritriten ko ma'icangay a talod no dafdaf, masadak haca ko ko^ngelay a rngos a lomahad, mahaen a maritrit ko kalodateng no i lotolotokan. 26Ta ira ko sasaiten iso a fanoh no siri to sasanga'en iso to maloriko', o 'aca no nipacakayan iso a siri ko sapicakay iso to omah. 27Ma^deng a ma'orip kiso ato paro no loma' iso ato fafahiyan a koli iso to hacol no siri.

Currently Selected:

Taneng 27: AMIS2019

Highlight

Copy