Matay 20

O Tinako no Matayalay i Safadisoso'an

1<<O Kitakit no Kawas i, matiya o dmak no ccay a tawki. Maratar cingra to dafak a masadak a mikilim to milifonay a pakatayal i pisafadisoso'an ningra. 2Mahrek cangra a matatlek to ccay a romi'ad ccay a tinali ko lifon i, ocor hanto ningra cangra a pakatayal i pisafadisoso'an ningra. 3Ma^deng siwa ko toki to dafak tayra cingra i kalali'acaan i, ma'araw ningra ko caay pimaan a tomirengay a tamdaw itira. 4Saka, sowalen ningra koya tamdaw, <Kamo ko roma. Katayra i pisafadisoso'an a matayal. Ta o malalenay ko sapalifon ako i tamowanan,> han ningra. 5Saka, tayra sato cangra. Ma^deng kalahokan ato tolo ko toki i, tayra haca cingra a mihaen to dmak. 6Ma^deng lima ko toki tayra haca cingra a mikilim i, ma'araw ningra ko romaroma a tomirengay itira. <Nawiro saromi'ad sa kamo i tini a caay ka tayal saw?> han ningra a milicay. 7Paca'of sa cangra, <Awaay ko papilifonay tamiyanan,> han nangra. Pasowal sa koya tawki, <Kamo ko roma. Katayra i pisafadisoso'an a matayal,> han ningra.

8<<Pisakalafian sato i, pasowal ko tawki no pisafadisoso'an i misimaway a tamdaw, <Tahidangen ko matayalay. Hakitira han i saikoray a tamdaw a macacorocorok tangasa i sa'ayaway a tayni a matayalay ko nipipafli iso to lifon i cangraan,> han ningra. 9Saka, oya tayraay to lima ko toki a matayalay i, tayra sato a milayap to alaccay a tinali to lifon. 10Tayra koya sa'ayaway a tayraay a matayalay i, latek adihay ko mamalayap niyam nasa ko harateng nangra. 'Arawhani, alaccayto a tinali cangra to lifon. 11Yo milayap cangra toya lifon i, pacoli cangra toya tawki. 12Sowal sa, <Ccay aca a tatokian ko nika tayal no saikoray a tayni a matayalay i, palcad han iso i tamiyanan o masaromi'aday a matayal a mihadidi to roray ato fa^det no cidal,> han nangra.

13<<Nikawrira, paca'of sa koya tawki i ccay noya matayalay, <Idangaw, caay ko misakakinihay kako tisowanan. Ccay a tinali ko nikatatlekan ita kiya saw? 14Ala han ko tatodong iso a minokay. O harateng ako konini saka, palcad han ako i tamowanan a palifon konini a saikoray a tayni a matayal. 15O no mako a dafong i, caay ka nga'ay a o no mako a harateng ko tatooren saw? Ka'inapen iso ko nika nga'ay no dmak ako saw?> han ningra,>> han Ningra.

16Saka sowal sa ci Yis, <<Mahaenay, oya saikoray a tamdaw i, o mamalasa'ayawayto. O sa'ayaway a tamdaw i, o mamalasaikorayto,>> han Ningra.

O Sakinatolo ni Yis a Mipali'ayaw to Patay Ningra

(Maroko 10.32-34; Luka 18.31-34)

17Yo macokacok ca Yis a tayra i Yirusalim i, papiingiden ni Yis ko tosa ko safaw a nisawawaan i lawac no lalan, ta sakaromakat han Ningra ko pipasowal i cangraan, 18<<Kafana' kamo, o mamacokacok kita a tayra i Yirusalim imatini. O mamapacakay ko Wawa no Tamdaw i kakridan no citodongay to ta'ong ato pasifana'ay to Rikec. Ta pasteken nangra Cingra i patay, 19ta o papatoroden nangra Cingra i roma a finacadan. O lalokesen nangra Cingra, sti'en Cingra, paceken Cingra i ciwcika. Nikawrira, sakatolo a romi'ad i, o lalomowad Cingra a ma'orip nai patay,>> han ni Yis.

O Pilongoc no Ccay a Ina

(Maroko 10.35-45)

20Itiyasato, haklongen no fafahi ni Cipitay ko tatosa a fa'inayan a wawa a tayra i ci Yisan, pitosor sa i Cingraan a mita'ong, longoc sa to ccay a dmak.

21Licay sa ci Yis i cingraan, <<O maan ko lalongocen iso saw?>> han Ningra.

Paca'of sa koya ina, <<Nanay milahci Kiso, ano malahongtito Kiso i, pakamaro'en ko tatosaay a wawa ako, i kawananen Iso ko ccay, i kawilien Iso ko ccay,>> han ningra.

22Pasowal sa ci Yis, <<Caay ka fana' kamo to tatodong no ningitangitan namo. O nananomen Ako a pades a takid i, mafilo namo a minanom saw?>> han Ningra.

<<Mafilo niyam,>> saan cangra.

23Pasowal sa ci Yis, <<O nananomen namo ko nananomen Ako a takid. Nikawrira, o nipipatireng i kawanan i kawili Ako i, caay ko no Mako a dmak korira. Deng o Wama Ako ko patalaay a patireng itira to nipili'an Ningra a tamdaw,>> han Ningra.

24Matngil noya mamo^tepay a nisawawaan konini a sowal i, makter cangra toya tatosaay a malikaka. 25Saka, tahidang hanto ni Yis cangra a pasowal, <<Mafana' kamo to nika o mikowanay to finawlan hananay a tadamaanay a tamdaw i tini i hkal i, mipa^kel to finawlan a mikowan. 26Nikawrira, i tini i tamowanan i, caay ko hahaenen ko namo. Ano cima namo ko mangalayay a malatadamaanay i, ka o malomatayalay namo. 27Ano cima namo ko mangalayay a malasakakaay i, ka malokoli no namo. 28Mahaenay ko Wawa no Tamdaw. O sakatayni Ningra i, caay ko pakatayalay to tamdaw to saki Cingraan, o malamamatayal to saki tamdamdaw, o romasato, malasapatfoc Cingra a patodong to saki 'alomanay a tamdaw a kinafalah to 'orip,>> han ni Yis.

O Piadah to Tatosaay a Mapohaway

(Maroko 10.46-52; Luka 18.35-43)

29Yo miliyas to Yiriko cangra i, 'aloman ko finawlan a mitoor i ci Yisan. 30Ira ko tatosaay a mapohaway a maro' i lawac no lalan. Ira ci Yis a mita'lif saan a matngil nangra saka, cli' sa cangra a somowal, <<Tapangaw, o Wawa ni Tafiti, kasini'adaen kami haw!>> saan cangra.

31Katomrep han no finawlan cangra a mikakter, nikawrira, mangalef a mangalef ko nipicli' nangra, <<Tapangaw, o Wawa ni Tafiti, kasini'adaenho kami!>> saan.

32Tireng sa ci Yis. Tahidangen Ningra cangra a somowal, <<O maan ko lalongocen namo i Takowanan saw?>> han Ningra.

33Paca'of sa cangra, <<Tapangaw, milongoc kami, nanay paka'arawen Iso ko mata niyam!>> han nangra.

34Sasini'ada sa ko faloco' ni Yis. Saka, kapa han Ningra ko mata nangra i, tangsol sa a paka'arawto cangra. Ta toor sato i ci Yisan.

Currently Selected:

Matay 20: AMIS2019

Highlight

Copy