Matay 21

O Kacihrang ni Yis a Micomod i Yirusalim

(Maroko 11.1-11; Luka 19.28-40; Yohani 12.12-19)

1Nanoya, yo miraod ca Yis to Yirusalim i, tayra cangra i Olif a lotok i Pitifaci a niyaro'. Itiya i, sowalen ni Yis ko tatosa a nisawawaan Ningra a miocor, 2<<Katayra kamo to:ra niyaro'. Ta tangsol a ma'araw namo ko mapaktingay a lofa ato tofor nira i tatihi. Tdalen caira a mikiting a patayni i Takowanan. 3Ano ira ko cima a somowalay to maan i tamowanan i, <O papakatayalen no Tapang#21.3 Tapang -- ano ^ca i, o tapang nanira. caira,> han a pasowal. Ta tangsol cingra a papikiting i tamowanan a patayni i cairaan,>> han Ningra.

4Onini a dmak i, o nika lahci no sowal no pali'ayaway to sowal no Kawas toya,

5<<Sowalen ko finawlan no Cion,

Nengnengen, irato a tayni i tamowanan ko hongti namo.

O misapo^neray ko faloco' ningra.

Midakaw cingra to ccay a lofa o toforho a lofa,>> sanay.

6Tayra sato ko tatosa a nisawawaan a mido^do to nano sowal ni Yis i cangraan 7a mikiting toya lofa ato tofor nira a patayra i ci Yisan. Clak hanto nangra ko kafafang nangra i koror noya lofa. Ta papidakaw hanto nangra ci Yis. 8Itiyasato claken no 'alomanay a finawlan i lalan ko kafafang no tireng. O romaroma a tamdaw i, miala to niltekan a cipapahay a ca'ang no kilang a pasaksak i lalan. 9O romakatay i ka'ayaw ni Yis ato mitooray i aikor Ningra a finawlan i, lkal sa a somowal, <<Hmeken ko Wawa ni Tafiti! Nanay mapakalmed ko tayniay pakayni i ngangan no Tapang! Hmeken ko Isatakaraway a Kawas!>> saan.

10Yo tahira sato ci Yis i Yirusalim i, rarawraw sa ko paro no niyaro' a ma^min. Ira ko milicayay a tamdaw, <<O maan hakini konini a tamdaw?>> saan.

11Pasowal sa koya finawlan, <<Onini a tamdaw i, o pali'ayaway to sowal no Kawas ci Yis no Nacali no Kalili,>> han nangra.

O Pikorac ni Yis to Fangcalay Pita'ongan

(Maroko 11.15-19; Luka 19.45-48; Yohani 2.13-22)

12Nanoya, micomod ci Yis i Fangcalay Pita'ongan. Fahfahen Ningra a pasadak nai Fangcalay Pita'ongan ko malali'acaay a tamdamdaw. Warwaren Ningra ko cokoi no mafafalifalicay to payso a tamdaw ato 'anengang no pacakayay to topi. 13Pasowal sa i cangraan, << <O pitolonan ko Fangcalay Pita'ongan Ako,> saan ko sowal a matilid i Fangcalay Cudad. 'Arawhani kaladihif han namo konini a loma' a palapilimekan no mitakaway,>> han Ningra.

14Itiya i, ira a miraod ci Yisan i Fangcalay Pita'ongan ko mapohaway ato mapi'iway. Saka, adahen ni Yis cangra. 15Ma'araw no kakridan no citodongay to ta'ong ato pasifana'ay to Rikec ko kafahka'an a dmak ni Yis. O romasato, matngil nangra ko nipilkal no ka^mangay i laloma' no Fangcalay Pita'ongan toya, <<Hmeken ko Wawa ni Tafiti,>> sanay i, makter cangra. 16Sowal sa cangra ci Yisan, <<Matngil Iso ko sowal nonini a ka^mangay haw?>> han nangra.

<<Hai. Matngilto Ako. Caho ka asip namo koya <Pakaynien Iso i ka^mangay ato micocoayho a wawa ko pisongila' a pahmek i Tisowanan,> sanay a sowal saw?>> han Ningra a paca'of.

17Liyas hanto ni Yis cangra a masadak toya niyaro' a tayra i Pitani, itira Cingra a milafin.

O Pi'kak to Sokon a Kilang

(Maroko 11.12-14, 20-24)

18Dafak sato yo patiko a tayra i niyaro' i, macahiw ci Yis. 19Ma'araw Ningra ko ccay a sokon a kilang i tatihi no lalan. Raod han Ningra i, awaay a makilim ko maan aca. Tanopapapapah saan. Saka, sowal han ni Yis koya kilang, <<Mamana ^cato ka cihci kiso to da'oc,>> han Ningra. Tangsol sa a ma'icang koya sokon a kilang.

20Nengneng sa ko nisawawaan tonini a dmak i, safahka' saan cangra. Licay sa cangra, <<Namamaan iro tangsol sa a ma'icangto konini a sokon a kilang saw?>> saan cangra.

21Paca'of sa ci Yis, <<So'linen Ako a somowal kamo, ano paso'lin kamo to Kawas a caay ka cihinapec i, ma^deng kamo a mihaen a midmak, matiya o nidmakan Ako tonini a sokon a kilang. Caay konini a ccay. Ano pasowal kamo tonini a lotok, <Kalomowad a malinah a tayra i riyar!> ano han namo i, o mamalahci konini a dmak. 22Orasaka, ano mitolon kamo, ano o maan ko ningitangitan namo i, ti'eren ko Kawas ta malayap namo a ma^min,>> han Ningra.

O Pilicay to Pakayniay i Sakowan ni Yis

(Maroko 11.27-33; Luka 20.1-8)

23Nanoya, micomod ci Yis i Fangcalay Pita'ongan. Yo pasifana' Cingra i, ira a miraod i Cingraan ko kakridan no citodongay to ta'ong ato kalas no niyaro' no Yutaya a tamdaw a somowal, <<O maan ko sakacitodong Iso a midmak tonini? Cima ko papidmakay Tisowanan tonini a sakacitodong?>> han nangra.

24Paca'of sa ci Yis i cangraan, <<Li'ayawen Ako a milicay kamo to ccay. Ano paca'of kamo i Takowanan i, pasowalen Ako kamo to nika o maan ko sakacitodong Ako a midmak tonini. 25O nipipaino' ni Yohani i, o nano nima ko sakacitodong ningra hakiya? O nano Kawas ano ^ca i, o nano tamdaw haw?>> han Ningra.

Satapang sato a malaliyaliyang cangra a somowal, <<Samaanen ita ko pipaca'of hakiya? <Ano nano Kawas,> ano han ita a pasowal i, <Ano hatira i, nawiro caay paso'lin kamo i cingraan?> asa ci Yis i titaanan. 26Nikawrira, <Ano nano tamdaw,> ano han ita a pasowal i, katalawan ko pico'ay no finawlan. Nawhani o pali'ayaway to sowal no Kawas ci Yohani saan ko pipaso'lin nangra a ma^min,>> saan. 27Orasaka, <<Hakeno,>> han nangra ci Yis a paca'of.

Ta pasowal sa ci Yis i cangraan, <<Ano hatira i, caay pasowal Kako i tamowanan to nika o maan ko sakacitodong Ako a midmak tonini.

O Tinako to Tatosaay a Wawa

28<<Tinako sa, ira ko ccay a tamdaw. Tatosa ko wawa ningra. Tayra cingra toya kaka a wawa ningra a somowal, <Wawaaw, katayra kiso anini i pisafadisoso'an a matayal,> han ningra. 29Paca'of sa koya kaka, <Na'ay,> saan. Nikawrira, i ikoray i, mafalicto ko faloco' ningra ta tayra sato cingra. 30Nanoya, tayra koya mama i safa a wawa. Haenen haca ningra a somowal. Paca'of sa koya safa, <Hai, Mama,> saan. 'Arawhani caay ka tayra cingra. 31Masamaan ko harateng namo? I cowaay nonini a tatosa ko mido^doay to nafaloco'an no mama?>> han ni Yis a milicay.

Paca'of sa cangra, <<Oya kaka,>> saan.

Pasowal sa ci Yis, <<So'linen Ako a somowal kamo, o mamaki'ayaw no milisataay ato tasalamaan a fafahiyan kamo a malafinawlan no Kitakit no Kawas. 32O sakatayni ni Yohani i, o pakafana'ay i tamowanan to mo^celay a lalan. 'Arawhani caay paso'lin kamo cingraan. Nikawrira, paso'lin ko milisataay ato tasalamaan a fafahiyan i cingraan. Ma'araw namo konini a dmak nangra i, falicaw niyam ko faloco' a paso'lin cingraan, caay ka saan kamo.

O Tinako to Tatiihay a Mifoloday

(Maroko 12.1-12; Luka 20.9-19)

33<<Pitngil kamo to roma a tinako. Ira ko ccay a misafadisoso'ay a tawki. 'Adipelen ningra ko taliyok no pisafadisoso'an. Karkaren ningra itira ko pihtecan to salang no fadisoso'. Patirengen ningra ko pikacawan. Ta papifolod han ningra ko tamdaw tonini a pisafadisoso'an. Ta lomowad cingra a palafang i roma a kitakit. 34Maraodto ko pilitodan saka, ocoren ningra ko koli ningra a patayra i mifoloday a papiala to 'isal no kinaira no fadisoso'. 35'Arawhani, rpet han noya mifoloday konini a koli. Paloen nangra ko ccay. Patayen nangra ko ccay. Tkolen nangra to fokloh a mipatay ko ccay. 36Saka, ocoren haca no tawki no pisafadisoso'an ko romaroma a koli to ikakaay no i 'ayaway ko nika 'aloman. Nikawrira, haenen haca noya mifoloday a mikari'ang cangra. 37Saikoray sato ocor hanto no tawki no pisafadisoso'an ko wawa ningra, <Ano o wawa ako i, kangodoen nangra kiya,> nasa ko harateng ningra. 38'Arawhani, yo ma'araw noya mifoloday koya wawa i, sasowasowal sa cangra, <O mamirocok to omah no tawki no pisafadisoso'an konini a tamdaw. Tatata, patayaw ita cingra. Ta ma'afasto ita ko omah ningra,> saan. 39Saka, rpet hanto nangra cingra a pasadak i papotal no pisafadisoso'an a mipatay.

40<<Ano hatira i, ano irato a minokay koya tawki no pisafadisoso'an i, maanen ningra koya mifoloday hakiya?>> han ni Yis.

41Sowal sa cangra, <<Caay ka ^ca o kakari'angen ningra a mipatay konini a tatiihay a tamdaw. Ta o papacaliwen ningra ko pisafadisoso'an i roma a mifoloday to marocekay ko pipafli to kinaira to mihcahcaan,>> han nangra.

42Pasowal sa ci Yis,

<< <O kinafalah a fokloh no misaloma'ay a tamdaw i,

malata'enenganto no loma'.

O nitayalan no Tapang konini.

O kafahka'an a nengnengen ita,> yasanay a matilid i Fangcalay Cudad i, caho ka asip namo saw?

43<<Orasaka, sowalen Ako kamo, o mamasawad no Kawas kamo a mikowan. O papasayra Cingra i milahciay a matayal to saki nikowanan Ningra a Kitakit a roma a finacadan ko pikowan Ningra. [ 44O romasato, o tahafikoday tonini a fokloh a tamdaw i, o mamafonal a malaaped. Ano onini a fokloh ko matfaday i tamdaw i, o mamalaaped a malaklak koya tamdaw,]#21.44 O roma i, awaay a matilid i katlangay a cudad konini a tosir. (tiri'en i Luka 20.18)>> han ni Yis.

45Yo mitngil tonini a tinako ni Yis ko kakridan no citodongay to ta'ong ato Farisay a tamdaw i, kita kora nisowalan Ningra, saan cangra a mafana'. 46Saka, sapirpetan saan cangra ci Yisan. Nikawrira, matalaw cangra to finawlan. Nawhani o pali'ayaway to sowal no Kawas ci Yis, saan ko harateng no finawlan.

Currently Selected:

Matay 21: AMIS2019

Highlight

Copy