Hoixgara 23
23
1Egi Paulus waehinanka woruxujshana wena: Wangra egi hikhinubwira, wowewiphi hiu wankshig haianjena Maura jowehieja hamb‐tegi hipa.
2Egi nabhoruxaj hirukana hungra Ananias hijarnashinankhi i‐eja hoji wa’shina.
3Egi Paulus wagena: Maura hornijinkjanena jhiruhisgahire ranina, mishanag‐anaga woehira hiu hishewesiwi egi hoji waira’shi woehieja roxiagra.
4Egi hijarnashinankhi wairena: Maura nabhoruxaj hirukana hung harnira sharaxjashgunishe?
5Egi Paulus wena: Hikinubwira inke hiaperesnina e nabhoruxaj hirukana hungra heregi, deshesge wagaxankshana: Wankshig washinira hirukana harninera inke washinohire higarnina.
6Egi jaja Paulus hiperesgi hota Sadusera egi hijanenanka Pharisera waunankhi, mashja hit’et’ena woehieja, wangra egi hikhinubwira, Pharise harnina, Pharise hinighire harnina, woinashi de‐e hawau egi d’era hakiha wankshig‐hoinra hawau hiwesiwinena.
7Egi jaja deshesge e‐gi Pharisera egi Sadusera kikshabhirena egi worohanka khiruje‐khinena.
8Sadusera wairena, inke hakiha wankshig‐ijunina inke shige waxopiniwarajirera egi naxiragra, eshi Pharisera shesgakshe airena.
9Egi woxera rokana hirena. Egi wowagax hiperes Pharise eja herera nashinena egi wakitag‐hirena, wairena: Wang de‐e inke washinohire hiagiewinina. Egi naxiragra hisha nigeshge waxopiniwarajire hokit’arnanki, inke Maura hinkissarnikjawina.
10Egi jaja wopunusesgera rokanagi manape hung xetera naxirena Paulus ruxaxabhirege hirege, esge manapera harnukanag wa’shina egi horoghireja harni‐hihinabhirena egi manape hojhieja harni hoikawairena.
11Egi hahe‐egi Hirukanara hikijahieja nashina, egi wena: Paulus, wanaishgunine, Jerusalem‐regi hunsharagke hishge hikisge Rome‐eja hunsharagki.
12Egi jaja hamb hakirigi Judra hota sto‐jijerena egi harnaj wihohirena wairena, inke waruj‐hiranikjaneshe egi shige inke rajga‐ranikjaneshe Paulus d’ehiregishana.
13Egi kerepanajop‐anaga hashana wauankshana khikarahenanka.
14Egi nabhoruxaj hirukana hungra egi xetera wawirahirena, egi wairena: Wihohi xete hauwina, inke wahajnikjanihawina Paulus d’ehawigishana wahaijanihawina.
15Esge ne, waehira wakishu, manape hung xetera hogiragwiaje, hainigi harnigarni jikjawina washara hiraijera wogisogji wessiwi rakikunkjawige, egi kheni hiwusunsh jini, d’ehakjanihawina.
16Egi jaja Paulus hinugjabra hinigra naxgungi hirapenankhi, rarnaga egi manape hojhieja hokewena egi Paulus hogiragshana.
17Egi Paulus manape hungra hisha gigorna egi wena: Wang‐hojinjin de‐e manape hung xeteja harnirare, washaisha hogiraikjanege esge.
18Esge russana, egi manape hung xeteja harnihina egi wena: Paulus hornassairanagra hingigorna egi hingitarna wang‐hojinjin de‐e harnigarni hajikjege, e washaisha hinigekjanege.
19Egi manape hung xetejega nabeja harukos‐anaga egi hijahi inekhi hakishu hina, egi higiwaxshana: Jaguisha hunagisharaikjaneshe?
20Egi wena: Judra warnaira hakishjeg‐hirena hainigi woehieja Paulus hashini rahikje rornigiguinena, washara hiraijera wogisogji wessiwi kikuinekjanege.
21Eshi inke wagiuinianje, hirapenankejini wangra kerepanajophashana wa’uankshana, e wihohirena inke waruj‐hiranikjaneshe egi shige inke rajgairanikjaneshe jaja d’ehiregishana, egi wonara gijekje hapenankshana.
22Egi manape hung xetejega wang‐hojinjinjega keregigina, egi rogixina washa de‐e hunagisharagre inke hisha hogiragnianje.
23Egi manape hungra nupiwi gigorna wawagena: Manapera hogihinup wigikorohore Kesarea‐eja howarairekjena, egi shung‐haminagra kerepana‐shagowi, egi wangwosha harnira hogihinup, hahegi gijiwi hishankijushgunigi harairekjena.
24Egi wanoijgera wigikorohoirena Paulus haminaggigirekjera, egi hung Feliks‐eja phi hagarni hahirekjanena.
25Egi wawagax hisha una, deshesge ena:
26Klaudius Lisias hinikaragireharna hung phixji Feliksra.
27Wang de‐e Judra rus‐hirena egi d’ehi hikorohoiregaja, egi hahina manapera wakarakishu egi wakaraishena, Roman hisha heregi naxguna.
28Egi jaja hiae‐naira jaguisha hawau washinarajnankhi, woehi harnineja harniahina.
29Egi hiaena, washinarajnanka woehi harnineja washokigus wagairena, eshi inke washa hirarajnaga d’ehira phinina inke shige rusgij‐hire phinina.
30Egi jaja hungiraghirera wangjane Judra hirapenankhi, higuana eja howareningigina, egi shige washa wawirarajnagre uwashina hishge joweraija higairekjege jaguisha hirakiranankhi, hinikaragina.
31Egi manapera jagu uwashirera shesge hirena, Paulus rus‐hiranaga egi Antipatris‐eja harniahirena haheregi.
32Egi haininegi wang shunghaminagra hakishu rewagigirena egi hijanera manape hojhixetera hakja howaguirena.
33Egi jaja Kesarea‐eja hahiregi egi hungananka wawagaxra hok’uinegi, shige Paulus joweja gikerena.
34Egi jaja hungananka wawagaxra hajagi, mowagax hajinja heregi higiwaxshana. Egi jaja hiperesgi Kilikiaeja herera, wena:
35Nanixgunkjanena jaja washiraninaj washinira hishge hajiregi. Egi Herodes woehi hojhixete harnieja hirakara wa’shina.
Currently Selected:
Hoixgara 23: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
