Hoixgara 24
24
1Egi hambra sajahangaja Ananias nabhoruxaj hirukana hungra jina, xetera wakishu egi hit’et’eisha wakishu Tertullus higairera, e hungananka hokit’ena Paulus hakhira.
2Egi jaja gigoiregi, Tertullus higuana washinaraj‐jirena wena:
3Hajarnankshana hishurukanawira rashgunira roikanawina egi hirukana phiranige wankshig howajehi de‐e woshga washinkisgexji waragishura. Feliks phixjira, washa de‐e hoishib egi higu hajinja herega wainapji rusnankshana.
4Egi inke s’ii hoishaninikjanena, naixjina harnainagixgusheshi hoit’e jarnakhira wagena wankshigphi‐ranigaja.
5Wang de‐e nakewesgeisha hereje hiaewina egi e khikshab wahijena Judra harnaj horoghireja managre harnaj, egi Naserenara howajehi‐khinera wajhoshura erena.
6E wohokhu‐hojhixetera shishighi nainjena E hatukoswina egi woehi harniwira hiauwianaga hae‐hawinana.
7Eshi manape hung xetera Lisias hiraijiwina, egi homashja rokana hiuanaga naishewina.
8Washinarajire warnira uwashina hiranijianaga. Egi nexji shewesiwianaga washa de‐e harnaj hish’enana, jaguisha hawau washa hirataj‐hajera.
9Egi Judra hishge wairena jagu hihajane shesgeshe airena.
10Egi jaja hirukanara Paulus nab‐girutabanaga hit’et’eshigi, horniharna: Hiniperessana ma‐rohaxji wankshig howajehi de‐e wawishurukanara, esge hiraijera wogishawaxji horniahakjanena.
11Hiperes shuruxurug‐shanakshana hambra kerepanaishanaga‐nuphashanahana Jerusalem‐eja hahira gikaraj.
12Egi inke wohokhu‐hojhixeteja hisha kitag hinsh’ewinina, inke shige wankshigra watupurunina, inke wohokhu‐hojhieja inke shige jhinageja shesge harnina.
13Inke shige washa jagu hirairajnagre wogisog hiruxurug hiranina.
14Eshi de‐e wakikaragshana howajehi‐khine arnagra e hiauanjena hianjwahara Mau harninera hagikaraj‐hajena, washara harnaj woehieja egi prophetra wagaxhirera harnaxguhajena.
15Egi woinashi Maura eja hapahi hakereajena, woinashi de‐e hishge hapenankshana, d’era hakiha wankshiginekjanena, phira egi wowongra.
16Egi jajanaga hoishib hiakijgajena wowewi phi hiu Maura jowehieja egi wankshignagre jowehireja.
17Egi ma‐rohaxjingaja hakirina wankshig warnira washa wogara harniakirina egi nabhiruxajra.
18Deshesge hajau Judra hota Asia‐eja howakirirena wohokhu‐hojhixeteja phiankik’u hajau hirerena, inke hornihexete hakishu haunina inke shige woxenina.
19She‐e joweraregi haji phinegaja egi washanisha hiraikira hiranagi, hirairaj hiranana.
20Nigeshge higinagre airekjena, washa wowongra hisha hau hingieregi woehi jowehireja nashi hajanegi.
21Hoit’e de‐eshana hihena horog‐hireja nashinegi, d’era hakiha wankshig‐inekjanera haehara she‐e hawau hamb de‐e hishewessiwiwina.
22Egi jaja Feliks washa de‐e naxgungi, wogus de‐e hiraijera wogisogji hiperessana wagiwaxurujshana egi wena: Jaja Lisias manape hung xetera jigi washa hashiniwira harnaj hirahinana.
23Egi manape hung hisha Paulus hirakara’shina egi shgare ungigirena egi inke roxihiranina higu peshe wawikiperesra hirahianaga egi wagirekjegi unana.
24Egi hamb‐jarnahangiregi, Feliks hina hijawina hakarakishu Drusilla higairera, e Judra hinugisha herena, Paulus gigorna egi Kristus harnaxgunjegi e hawau naxguinekjege.
25Egi wogisogphira hirokit’ena egi hikikurukanara, egi woehira jikjanegi hirokit’ena, Feliks gissassana egi horniharna, shegunegishi karare, jaja houiphingi ningigokjanena.
26Hishge shura Paulus hok’unkjane karakjampshana girushjanehikjege, esge dejankhi gigorna egi hokit’eshununa.
27Eshi ma‐nupahangaja Porkius Festus Feliks hominagra hominagshana, egi Feliks Judra giphi‐wahinai Paulus rusgij d’unarena.
Currently Selected:
Hoixgara 24: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
