Hoixgara 22
22
1Wankshigra, hikhinubwira egi hianj‐niwira harnaixguwine hakikox warnigekjanihawina.
2Egi jaja Hebraia hit’e wawokit’e naxguinegi hiraijera xapgunixji‐hirena egi (Paulus) wena:
3Judra wang hisha wauanjena Tarsus‐eja hijhuinena jhinag Silikia‐eja hereanina. Eshi jhinag tegi hixetena Gamaliel si‐hieja, egi hianj‐hiwahiwira woehi harnira wogisogji hingigus hirena, egi washa wogisogji hiau Maura harnaxguna, hamb de‐e warniu harajane shesgena.
4Egi waiaishana‐naina hauanjau hot’eja warniahina de‐e howairera, watusgijarnaga egi jhi‐wornassena wangra egi hinugra.
5Deshesge nabhoruxaj hungra egi xetera harnaj hingairena, eja shige wawagaxra hotussana wakhinubra wagiuine egi Damaskus eja wawatena, jarnaga ejakhi rusgij Jerusalem‐regi warni‐hakirikjege howairekjege.
6Egi herena hikiwarera tahau, egi Damaskusra hiwusunsh hahigaja, wirarojonjeregi xapgexjinig wangregi hohamb howajina, hohamb rokana hiraijina.
7Egi mainja hunkhanena egi hora naxguna waigena: Saul, Saul jagu‐u hinaishana nanash’ishe?
8Egi horniaharna: Peshe nineshe, Hirukanara? Egi waigena: Newinena Jesus Nasaretheja herera, E hiraishana nanash’ina.
9Egi jarnaga hinkishu unagra hisgexji hokambra hajairena, egi naxirairena. Eshi hora inke naxgu hiranina, hunkit’era.
10Egi wahena: Hirukanara jagu haunkjaneshe? Egi Hirukanara waigena: Nashine egi Damaskus‐eja howarare, egi eja washara harnaj hornigirag‐hirekjanena, jagu shunkjera unigigirekjanena.
11Egi jaja hohamb rokananka hawau inke washa hajarnira, hinkishu unanka ainuti‐hirena, Damaskus‐eja hahina.
12Egi hisha Ananias higairera wang phisha herena, woehira exji herehijena, Judrananka harnaj washa phi hornaxgunankshana eja jhinangra.
13E hiraijina, egi hikijanegi nashina, egi waigena: Hikhinubra Saul hojamb hashinira kurusre, egi howagixeja hotuxujshana.
14Egi wena: Hianj‐hiwahiwira Mau harninera ningijhana, woshga harnira hiraperes‐hikjege, egi Phinjega hashjarna egi i‐harnieja hora howaji nanaxguna.
15Egi jagu hashjare egi nanaxgune wihohi hashinikjanena wankshignagre harnaj eja hapahi.
16Egi jagu‐u hish’uwushashe? Nashine, egi ni‐hawaxuinekhine, egi washa woishana washinira rusha‐wagigire Hirukanara rash harnira rajre.
17Egi herena jaja shige Jerusalem‐eja hakirira, egi wohokhu‐hojhixeteja hagikaraj hajau warnaira nigeoware hajijena.
18Egi hajharna, waigena: Xapge higire egi Jerusalem‐regi xapge nigeowarare, worag hashinira inke ningirushiranikjanena ne‐hawau.
19Egi wahena: Hirukanara, hiperes‐nankshana jhiwawornassera egi wohokhu hojhieja wawajina jarnaga harnanixgura.
20Egi jaja martir hashinira Stephan higairera wa‐ira xura, nishge hija nashihajena egi d’era haiphianjena, egi d’ehinanka waini warninera wawiragikarana.
21Egi waigena: Nigeowarare, egi wankshig horogeja hari howare‐ningigikjanena.
22Egi shejaixjipa hoit’era harnagixguinena egi higuana mashja hit’at’airena, wairena: Deshesgera manegi nigeoturawire, inke niamb‐jehi phinina.
23Egi jaja uwanegi egi wonashi warninera wakurushoroj‐hirena egi majushishig wangeja hot’unairena.
24Manape hung xete manape hojhieja harniokewe wa’shina maspahi higipsinsh hiwessiwi wa’shina, e hiperesjege jegu‐u uwa hirakiranankhi.
25Egi jaja waxu hirusgij‐hiregi Paulus manape hung hisha hijarnashinjegi wagena: Jasge woehieja u‐nishirawishe Roman wangra hisha kheni haehirani maspahi higipsinshra.
26Egi jaja manape hung‐jega she‐e naxgungi, ranaga egi manape hung xetera hogiragshana, wena: Hirakara une jagu sh’unkjanera, wang de‐e Roman hisha herena.
27Egi manape hung xetera jina egi wagena: Hungiragre Roman ranishe? Paulus wena: Hojia.
28Egi manape hung xetejega horniharna: Rohaxji hiroweharna de‐e duxurugshana egi hereakhira. Egi Paulus wena: De‐eshi Roman wankshig‐ha‐ina.
29Egi higuana nigeowakarairena e washangishgashga hikorohornagra, egi manape hung xetera hishge naxirena, Roman hisha herera hiperesanaga hageja, egi rusgijgejini esge.
30Haininegi wogisogji hiperes‐roguna jagu hawau Judrananka washa hiraraj‐hiregi, wirusgijra girushgena, egi nabhoruxaj hirukana hungra egi waehi warninera harnaj jowehieja ji‐wa’shina, egi Paulus harnikirina egi jowehireja wagikerena.
Currently Selected:
Hoixgara 22: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
