Rommiako 4
4
Abraham Geinu Thakie
1Siro u puotsa Abraham-e chüüphou kitsa nu krakelie dze kedipuo pulie ta? 2Kekreilamonyü Abraham-e puo mhathoko la miatholie üliro, puo kemholielie kevi ba, derei Ukepenuopfü mhodzünu we silie kenjü. 3Siro kethodie-e kedipuo pu ga? “Abraham-e Ukepenuopfü pele, mu süla puo ü miatho ülie.” 4Siro mhakechümia puoe puo zha ngulie rei puo zhakhrau üse methuo ngulie üya mo, derei süu krakelie puo. 5Sirei mhatho la mo zo, derei miatho kemomia chü kemiatholieyakezhau pelekecü, puo kepele hau la puo üse miatho üya. 6Süla u mhathoko la mo di Ukepenuopfü thuo u chü kemiatholiekezhamia thejakepfü dze David rei pu:
7“U kejokemou vashü u tsüwaketamia,
mu u kephoumako whekewamia thejakepfütho;
8Niepuue puo ü kephoumamia ü sa lhoketamia thejakepfütho zo.”
9Siro thejapfükecü hau zhükeremia rübei pu me, mo zhürekemomia rei sa pu ga? Hie kepuu ro, “Abraham kepele la puo ü miatho ülie.” 10Kimhie di puo ü silie ga? Puo zhürekelie mhodzü mo zhürekelie sie nu ga? Süu puo zhürekelie sie nu mo, derei zhürekemo nu zo. 11Puoe zhüre moluo ürei kepele la miathokelie nu zhükere zasi vükewa ngulie. Sidi puo bu zhürekemo nu rei pelekelie khe puotsa chülie, mu ukoe pelekelie la Ukepenuopfü uko chü kemiatholie. 12Puoe zhürekeliemia puotsau rei zo, süu zhürekelie rübei la mo, derei u puotsau Abraham puo zhürekelie mhodzü kepele kelhouu mhiei lhoukelie geinu zo.
Kepele geinu Ukepenuopfü Phrakeshüko Ngukelie
13Siro Abraham mu puosepuoyieko bu kijüu pie u vie chüketuo phrapie kezhü thezho-u la monyü pelelie di miathokelieu geinu zo. 14Mhanuü thezho chüüzeyakezhako bu theka süu lietuo üro, kepele se mhapuorei kechü jüte mu phrapie kezhüu rei kemethuote. 15Kekreilamonyü thezho-u noupfhü se vorya; derei thezho kejüra thezho kevarhuo rei ba mo.
16Süla phrapie kezhüu kepele geinu zo, tsiu süu geinu ngukemezhie khapie seyie pete tsü zo, mu süusü thezho chüüzeyakezhako rübei zomonyü Abraham kepele mhie pelekezhako la rei zo (puo u pete puotsau zo, 17süu thupie kezhü, “A n bu seyie kekra puotsa chütuo”), sidi puoe peleyakezhau kesiamia chü perhei lashüyakezha mu mha tuo moto zokecüko nunu mhachü se parshülieyakecü Ukepenuopfü mhodzünu u puotsa chü. 18Siro kemerü tuo moketa kemhie ki zorei puo peletsa zo, süla puo “Seyie kekra puotsa chütuo,” ikecüu chülie, sidi, “N seyiemia bu kra phituo” idi pupie kezhü tuoi chülie. 19Siro puo chü puo mo-u phichüta mu puophi puodzie laketa ki ze (puo teicie krie puo penuote) morei Sara rei nuo lhoulie kevi tei keyieta zorei puo kepele rükreta mo. 20Puoe Ukepenuopfü phrapie kezhüu pele kemo chüta mo di kepeleu nu metei miemie sie di thetshetherhu se Ukepenuopfü tsülie, 21Ukepenuopfü phrapie kezhüu chü motalie lho zo ücü pele khruta. 22Puo kepele la#4:22 Gk Süla süu. “Puo ü miatho ülie.” 23Siro “puo ü siketa” die süu puo rübei la thupie zhü mo, 24derei u la rei sa zo. We rei kesia nunu u Niepuu Jisu perheikelieu peleya liro, kepele la u üse miatho ülietuo, 25u kephoumako la puo bu sia mu u chü kemezhülieketuo la puo perhei lalie.
Currently Selected:
Rommiako 4: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More