Rommiako 3
3
1Siüro Judamia kedipuo mia ki vikuo ga? Morei zhükere la kide puo kevi ba ga? 2Mha pete nu kevi ba phi, kekreilamonyü therie nu Ukepenuopfü thuo dieu pie Judako peleshü. 3Mhanuü mia huo dietholie mota ro ki ta? Uko dietholie moketa la Ukepenuopfü dietho-u bie pejüwatuo me? 4Suotuo! Themia pete tijüta zo ürei, Ukepenuopfü bu we kedietho-u chücie, süu thupie kezhü,
“N dieko geinu no ü dietho ülietuo,
mu no capi kechü ki no kuolietuo,#3:4 Gk N nyie pepikecü ki.” si.
5Derei we mezhü kemoko la Ukepenuopfü kemezhü thashüya liro, we kedipuo pulie ta? Ukepenuopfüe noupfhü se u pechü üro puoü miatho mo ütatuo me? (A themia rhiu geinu pu ba.) 6Suotuo! Siliro Ukepenuopfüe kikidi kijüu nyie kecü ta? 7Mhanuü a miatho kemo-u geinu Ukepenuopfü zayie mu puo mhatho-u tha kemeyie kuoshülieya üro, kiüdi mia a üse kephoumamia üdi puya ga? 8Di siro “Úko mha keviu bu parlieketuo la mha kesuo chü khe, situo me?” (ikecü hie üse puya üdi huomia hie thate.) Uko pejowa zhü zo!
Miapuorei Miatho Mote
9Siro kita? We mia ki vikuo me? Mo, si moto; kekreilamonyü hamhodzü Judamia rei mu Grikmia rei kephouma kekuo khrükhro tuota ükecü pushüte, 10süu dze thupie kezhü:
“Themia kemiatho jüte, puorei jüte;
11themia mhacamhala sikelie puorei jüte,
Ukepenuopfü kepfhü puorei jüte.
12Pete cha vajowate,
uko mhacümhatho mo phrete;
themia mha kevi kechü jüte,
puorei tuo mote.”
13“Uko mezha sü mekhru kecie mhie;
uko meü se mia kese die pu.”
“Uko menie khro priele mhitsie tuo.”
14“Uko me nu mia rüpfhürüsekecü mu kepfhükerhu thuo tshu.”
15“Uko mia dukhrituoü u phi yha rhürhüi zo;
16kepeka mu kemezhiekecü rübei uko cha nu zhü,
17tsiu ukoe noune chau si mo”
18“Uko mhodzüki Ukepenuopfü khrükeprei puorei jü.”
19Siro thezho-u nu mha puyakezhako thezho kenyiko ki puyakecü we si zo, süla mia pete die va pejüwaya, mu kijü pete rei Ukepenuopfü mhodzü u nyie kecütuo. 20Kekreilamonyü thezho zeyakezha la “miapuorei puo mhinguki miatholieya mocü la,” thezho lanu kephouma dze silieyakezha ze ru.
Kepele la Miatho Lakelie
21Sirei tsie we thezho-u nu kemo, Ukepenuopfü kemiatho puo bakecü thashüte, süu thezho-u mu siedzekesikoe zhapu chüya, 22süu Jisu Khrista kepele geinu Ukepenuopfü kemiathoe pelekecü khe gei voryakezhau, siro kehoupuorei kekreilie lho, 23themia pete phoumate mu Ukepenuopfü zayie zho-u tsolie mote; 24sirei Khrista Jisue rhakelie do chükeshü geinu puo u ngukemezhie la we puoma chü mo di miatholieya, 25Ukepenuopfüe puo bu u la ruotho chü di sia mu kepele geinu puo zieu pie kephoumako valie kevi chüshü. Puo hau chükeshü puo kemiatho-u pekieshüketuo la zo, kekreilamonyü voketa teiko nu puo shügeshühie tsiu themia kephoumako ngu rei ngu kemo chü vor; 26süla tsie we puo thuo miatho zokecü mu Jisu pelekelie kheko chü kemiatholie vikecü thashüya.
27Siro kemholiekecü ha kiü ta? Süu tha jü. Thezho kikecüpuo la shi? Mhathoko la me? Mo, pelekelie zho-u la zo. 28Kekreilamonyü we ngukelie, mia puo Ukepenuopfü mhodzü mezhülieketuoe thezho-u u ki kepu mhathoko la zomonyü kepele geinu mezhülieya ücü silie. 29Mo, Ukepenuopfü ha Judako Kepenuopfü rübei me? Puo Judakemoko Kepenuopfü rei mo üme? U, Judakemoko la rei zo. 30Ukepenuopfüe puocü zo, puoe u zhükeremia rei mu zhürekemomia rei peleu pelelie liro chü kemiatholietuo. 31Siliro we kepele la thezho-u kha kegewatuo me? Suotuo zo! Sikecüumonyü, we thezho-u mvü kemeteishüya.
Currently Selected:
Rommiako 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More