Mhasidie 9
9
Mhakesiu mu Mhasikemo-u Kemengu
1Mhasi-e puo thuo puo ki chüliete,
puoe puo kico thenieko pesieliete.
2Puoe puo khurinuoko dukhrilie,
puo khubezu pie kereilie,
puoe mizhü rei sa keseliete.
3Puoe nadi nu thechü kerükrieko geinu pheshie mia kieketuo la puo kituopfüko ketseshüte,
4sidi sie, “Miamomia kehoupuorei,
rürei hatsa vorliecie!”
tsiu mhasimhale kejüu ki puoe sie,
5“Vor di a niekhrüda cülie mu a kereipie keba khubezu krieliecie.
6Mhale tso kemo#9:6 Moro mophocü. zhoko khawa, di lhoulie,
mu kesikele cha nu tuoliecie.”
7Mhakrenyükecümia pethakecü mia krenyü dzülieya,
mu kerüzhümia pethakeshü ki rüzapfülieya.
8Mhakrenyüyakezhamia petha liro,
puo n ngumecütatuo;
mhakesimia pethashülie sitse puo n khrielietuo.
9Mhakesimia puo pethashücie,
sitse puo mhasikuolietuo;
kemiathomia puo pethashücie; sitse puo mhasi kechülietuo.
10Jihova khrükeprei-e mhasi bode,
mu Kemesau sikelie-e mhasi kesouu zo.
11Kekreilamonyü a geinu n teisozhako chü pekrashütuo,
mu no rhei chalietuo.
12Noe mhasi üro, mhasi süu n la kevi zo;
siro no mia rünyü mota liro,
n thuo kemezhielietuo.
13Thenu mhasikemopfüe puo die petoya;
puo mhasi jü mu thenga siya mo.
14Puoe kikha khieki ba;
rüna nu thechü kerükrieko gei ba di,
15puoe themia rüverüvü chü u thuo u chau nu vokezhümia kie di,
16“Miamomiako, rürei hatsa vorliecie!”
Mu kehoupuorei
mhasikemoko ki puoe sie,
17“Rügukelie dzüe moukeze zo,
mu pekhre di niekhrüda cükecüe ketheguo,”
iya.
18Derei puoe kesia#9:18 Ibri Khrüko nu. sünu ba ükecü mu puo sokoe Sheol kesouko nu bata ükecü siya mo.
Currently Selected:
Mhasidie 9: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
