Mhasidie 10
10
Kemiatho mu Kerüzhü Pie Kemejükeshü
1Solomon mhasi dieko.
Mhakesi nuoe puo puo bu puo neilieya,
derei nuo kenyau puo zuo bu puo nou kemezhietaya.
2Kerüzhümia geinu ngukelie kinyi se mha kevi puorei chülieya mo,
derei miathokecüe kesia nunu kelalieya.
3Niepuue kemiathomia bu katalie lho,
derei puoe kerüzhümia menguu chü kelhouwatuo.
4U dzie kethachümia mhajütaya,
derei u dzie keshürheimia mhanyilieya.
5Mha kele nuou teile ki mha kengulieya,
derei lieyie ki zekezhü nuou thenga kralieya.
6Kemiathomia tsügei theja ba,
derei kegeikecüu kerüzhümia me tshupfü tuoya.
7Kemiathomia dze rükrakelie-e theja zo,
derei kerüzhümia za we cieürietatuo.
8Mhakesimia meloue diekhakeshüko lielietuo,
derei kenya die puyakezhau katatuo.
9Miatho di tuokezhüu khrukhrekecü nu tuo zo,
derei cha ze kekrü ketuomiae mia puo silietuo.
10Kemhipfhi di mhiphrakete tuoyakezhau mha kesuo se vorya,
derei thepfu di mia kerhieshüyakezhau kezekevi se vorya.#10:10 Gk: Ibri Sirei kenya die kepumia katatuo.
11Kemiathomia me-e kerhei dzükhou puo zo,
derei kerüzhümia me-e kegeikecü thuo tshupfü tuoya.
12Mia ngukemecü geinu kegei pesieshüya,
derei kekhrie-e mha kesuo pete whewaya.
13Mha kesikele tie nunu mhasi ngulieya,
derei seiroe kesikele kejümia chie gei shütaya.
14Mhakesimiae mhasi khapie balieya,
derei mhasikemomia diepue keka penuo baya.
15Kenyimia kinyi-e puo la rüna kemeteiu zo;
mhakejüe kejümia kepekau zo.
16Kemiathomia mhatho zhakhrae kerheitsa voya,
kerüzhümia mevikelieu kephoumatsatie voya.
17Kepethadie se bayakezhau kerhei chau nu vozhü zo,
derei ruo di pethakeshü die lie kemvüu kekrütaya.
18Meda di kengukemvü whekewamia,
tsiu kemeda die kepumia mhasikemomia zo.
19Die kekra kepura kephouma ba motaya mo,
derei puotie kekhalieyakezhamiae mhakesimia zo.
20Kemiathomia meüe rakachü kevipfü tuoi,
kerüzhümia noue puoma keduoyo zo.
21Kemiathomia tie-e mia kekra vachüshüya,
derei mhasikemomia u mhasimhale kejü la siataya.
22Jihova thejae mhachü penyishüya,
mu puoe thenou kesuo se süu sashüya mo.#10:22 Moro mu rükhrerüyi zhü rei mhapuorei pie süu balieya mo.
23Mhalekemomia la mha kesuo kechüe rüzhü puo kemhie zo,
derei puocapuola kesimiae mhasi puo neiya.
24Kerüzhümiae prei kebau puo gei vortuo,
derei kemiathomia mengu kebau chüpie puo tsütuo.
25Teirükrierükhrie voketa tuoi, kerüzhüu ba sa motatuo,
derei kemiathomiae kechachie la puobo depie bate.
26Kekhro pie u hu gei keshü mu mikhu u mhi nu kele tuoi,
kemecümiae puo niepuu la sütuoi zo.
27Jihova khrü kepreimia rhei chalietuo,
derei kerüzhümia teicieko chü pedzüwatuo.
28Kemiathomia kemerüu thenou kemvü nu puo thela chütuo,
derei kerüzhümia merü ketuou jütatuo.
29Kemezhü cha nu tuoyakezhamia la we Jihovae u kekuou zo,
derei mha kesuo chüyakezhamia ki we kepeka vortuo.
30Kemiathomia mhakipuorei bie kediwalie lho,
derei kerüzhümia kijü nu lhoulie lho.
31Kemiathomia tie nunu mhasi parya,
derei kerüpfhimia meü dathewatuo.
32Kemiathomia tie-e mha kiu lielie vi shikecü siya,
derei kerüzhümia me-e rüpfhikecüu zo.
Currently Selected:
Mhasidie 10: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
