Mhasidie 7
7
Thenu kerüzhümia Do
1A nuo, a dieko ze balie mu a
diekhakeshüko se balie;
2a diekhakeshüko se balie;
di lhouliecie,
tsiu a kepethadieko üse n mhishülou mhieliecie,
3süko pie n dziekinuoko gei phapfülie,
süko pie n melou nu thuliecie.
4Mhasi üse, “No sü a üpfü zolie,” iliecie;
mu mhacamhala kesi üse n kicükinumia üliecie;
5silie ro thethenu,#7:5 Ibri Puo rhi kekreipfü.
puo dieko üse mia setuoyakezhapfü dzie nunu n kelalietuo.
6A a kinu khirki keya nunu
mha mehoshü,
7ru khriesako donu miamomia puo puo kesikele kejü ae ngu,
8puoe hapfü keba kepenuo chau nu tuo vozhü,
sidi hapfü ki kevo chau nu vota,
9niaki le varü, thevatie,
teizeibouiketa ki.
10Tsiu harie, thenumiapfü puo thethenumia pfhenei,
se di vor puo ze kese,
mu puo do vi phi.
11Hapfüe lhou rüyo,
tsiu puo ki nu bajülieya mo;
12süla puoe cha nu tuo,
puo lhithochüko nu tuo,
tsiu puoke peteko nu mia pfhe baya,
13süpfü puo telie,
mu puo meboshü,
sidi thenga le mo zo di sie puo ki:
14“A ruosuo chü tuote,
tsiu thie a phrakeshüko chüwate;
15sidi a n ze kesetuoü vorte,
a hie chü n pfhütuo ru, n nguliete!
16A pfhe kezivipfü, puokhu kethu mhatho,
Ijiptmia linenpfhepfü pie a zhü khrapie zhü;
17A kethengu, mür, aloepfü,
tsiu seicü pie a zhüre chü kethengupie zhü.
18Vorlie khe,
avu teiso vorlie kemochie kekhrie batuo;
avu kekhrie di avu nei ba khe.
19Kekreilamonyü a nupfu ba mote,
puo rüve kepetse nu vote.
20Puo raka likhuo puo se puo siemedzite;
puo khrüluo zenu la kinu vortuo.”
21Süpfüe puo die vi phikecü la puo rüchülieta;
puo se di puo kebvülieta.
22Puoe süpfü siemedzi mhai vota,
puoe thudo teze puo kedukhri nu kevo tuoi,
morei tekhra prou kepre di kebie nu leketa tuoi,
23theütsie puo mecümelou vashü kemochie,
perae kebie nu puo kerheiro pekawalie kevi si mo di
pruo sünu thutsuyakecü tuoi vota.
24Süla harie, a nuonuoko,
tsie a pfhe rünyüliecie,
sidi a tie nu dieko ze menuoliecie.
25N nou pie süpfü kitsashü hie,
tuo rütsi se süpfü chako nu vota hie.
26Kekreilamonyü puoe mia kekra bie kerüzawate;
ketho zo, themia kemeteimia kekra süpfü bu u dukhriwata zo.
27Süpfü ki-e Sheol nu kevo chau zo,
kesia kibouko nu tsutazhü zo.
Currently Selected:
Mhasidie 7: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
