Mhasidie 6
6
Kemecü mu Kekrükecü nu u Kireilie
1A nuo, noe n die pie n zanuou tsüshü,
tsiu mia kekreimia#6:1 Moro sikemomia. la n die phrashü ro,
2n tie nunu pukeshü dieko thuo n malietuo mu no phrakeshü dieko thuo n telietuo.
3Süla a nuo, hau chü di n kelaliecie,
noe n zanuou dzie nu baketa la,
rükri vo di n thuo n chü kerünuolie,
sidi n zanuou ki n mezhiemeloliecie.
4N mhi bu ze morei rünguta hiecie.
5Chüwhuomia dzie nunu theloue ta pralieyakezha tuoi,
rawhuomia dzie nunu perae pruotayakezha tuoi,
no n thuo n kelaliecie.
6No mhachü kemecüu,
vo nhico rüliko mehocie,
di mhasiliecie.
7Puo kepfhemia se mo,
puo kezhamia jü,
morei puo kekhakecümia jü,
8siürei teile ki puoe kecüca keselieya,
mu lieyie teiki puoca kengulieya.
9Harie kemecüu, no kichiepuo zezhü zotieya mu?
No kedikechükipuo n keze nunu colietieya ga?
10Ze zalielie ba, rüngu zalielie ba,
u dzie thepie rülei zalietuoü,
11sitse mhakejüe kerügumia tuoi n gei vortuo,
tsiu tsopfhüu rünyie kesemia mhiei vortuo.
12Themia kesuo, kerüzhümia,
kerüzhakecü die pu tuoya,
13puoe mhiphrakete,
puo phinie kele,
puo dziekinuo pie mia tha tuoya;
14kerüzhakecü melou se,
mha kesuo rhü sei,
kezekesuo prushüya.
15Süla kemezhieketuo puo gei mhai vortuo;
puo bietshebietsha pie chü kemene lalie kenjütatuo.
16Mha sorou hako Jihovae ngumecüya,
thenieu puo mhodzüki kerütse zo:
17Kemiakokecü rhiu, kemeda meü,
kejo kejümia zie pekrukecü dzie,
18u melou se mha kesuo kerhü,
mha kesuo chütuo üta mhai kevo phinie.
19Cürü di zhapukechü,
mu siezedzürie donu kezekesuo prushüyakezhamia.
Kerüzhüko Kinu u Kireikelie
20A nuo, n puo diekhakeshüko khapie baliecie,
mu n zuo n pethakeshüko khawa hiecie.
21Süko pie n melou nu ba seilie,
süko pie n vo nu kelielie.
22No tuo kevora,
süko n cha thalietuo;
no ze ketsu ki,
süko n rüguolietuo;
tsiu no co kesier ki,
süko n ze kerüchütuo.
23Kekreilamonyü diekhakeshükoe mitubou puo kemhie zo,
mu kepetha zhokoe kezie zo;
mu ruo di pethakecü dieko themia kelhou zho la;
24thenu kesuo,
mia seyakezhapfü tie nunu n kelalietuo.
25N nou nu puo zivi menguta hie,
morei puo bu puo mhirho üse n ketsiwa hie.
26Kekreilamonyü niekhrüda yopuo se thethepfü puo zhakhrülie vi;
derei süpfüe themia kerheiro puoma kereu pfhüzhüya.
27Miapuonie puo merü nu mi wepie tuo di süu bu puo pfhenei thewa molie vi me?
28Morei miapuonie puo phi thewa mo di mizhü ketu gei tuo volie vi me?
29Sütuoi mia puoe vo puo zanuou kimiapfü ze zhü liro süu pejo motalie lho.
30Kerügumia puoe khe merü tuota,
di rügu cü puo valuo chükelie la zo we mia puo rütsetaya mo.
31Siürei puo telieta ümharo, puoe se thenie sutuo,
puo kinu puonyapuora pete pie süu mesetuo.
32Derei themia kehoupuorei thethenupfü ze pieü kechümia puo kesikele kejümia zo;
sikecü chükecümia puo thuo puo ruopfü pekawaya.
33Puoe rüzapfülietuo tsiu thethapfütatuo;
mu puo thenga krakelieu mhakipuorei rürhielie kenjü.
34Mianupfunuo puoe puo keropfü puo nou meyie siertuo,
mu puo khepu lie kesie nhie puo mia khashülie lho zo.
35Mha kekra pie sutuoü zorei,
puoe süu lielie lho,
morei süla puo nei chülie lho.
Currently Selected:
Mhasidie 6: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
