Ibriko 10
10
Khrista Vapuochü Ruosuo Chüwate
1Siro thezho-u zowe mha kevi vorketuoko rhi touu monyü süko khrü puo zokecü la, teiciekepra ruosuo chü tuoyakezha ruosuo süko se penuo vorkezhako chü pevi tseilie kenjüta zo. 2Mo üro rüsuoyakezhakoe vapuochü u chü kemesalieta üdi kephouma dze le u pejo sa mota di ruosuo rei chü sa lhota motuo üme? 3Derei ruosuo süko kechü geinu mia bu teiciekepra u thuo u kejokemouko rükra lalieyakezha zo. 4Kekreilamonyü thudo mu temvü zie zowe themia kejokemouko setalie kenjü zocü la. 5Süla Khrista kijü nu kevor ki, puoe sie,
“No zowe ruosuoko mu mha khakeshüko kevorko n neiya mo,
derei no a la themo puo keseshüwate;
6no zowe kethe ruosuo mu kephouma ruosuoko nu n neiya mo.
7Sitse a sie, ‘Harie, Kepenuopfü,
a zowe n medo-u chütuoü vor zowe,
he-i Kepenuopfü’ (Leshütshüu nu a dze thupie kezhü tuoi,)” si.
8Puo nnyhü pukeshü, “No we ruosuoko mu mha khakeshüko tsiu kethe ruosuo mu kephouma ruosuoko mengu morei n nei reiya mo” ishü zo, (ruosuo hakoha thezho-u medzi di chüya.) 9Süsie rei, puoe pukecü, “Harie, a we n medo chütuoü vorwe,” si. Puoe kenuou sedeshüketuo la kerieu khawate, 10tsiu süusü Ukepenuopfü medo la Jisu Khrista mo-u pie vapuochü u ruosuo chüwaketa la u chü kemesaliete.
11Siro zievo kehoupuorei teisonhie ruosuo kechü sie chü lala thaya rei, süko kejo kephoumako chüsetalie kevi ruosuo mo. 12Derei Khrista we kechachie la kephouma ruosuo va puo rübei nu chüwa di vo “Ukepenuopfü zatsa bate,” 13mu sidi “Puo ngumvüko pie puo phi khro shüwa kemochie” pfhe bate. 14Kekreilamonyü ruosuo chü keviwa di kechachie la chü kemesalieketako chü pevi tseiliete. 15Süla Kemesa Ruopfü rei u ki puo zhapu khashü, di sie,
16“Vorkezhü teisozhako nu a uko ze dietseidiekho chüketuou hauha zo; Niepuue siya:
A a zhoko pie uko melou nu shütuo,
tsiu a süko thupie uko nou shütuo,” si,
17puoe pu sacü,
“A uko kephoumako mu uko thezho kevarhuoko rükra#10:17 Gk Uko nou kebako mu a rükra. sa motatuo,” si.
18Mha hako vakelie nyita ro, kephouma ruosuo chü sa morei vite.
Ukepenuopfü Penuo Volie Khe
19Süla, a kezeko,#10:19 Gk Süla siezedzürieko. Jisu zie la we thepfu di Kemesachü nu lelie vite, 20puoe pfhe lhapiekezhau pfüthe le di cha kesa mu kerhei cha puo u la khrüshüwaketau ze di (süusü, puo mo-u geinu zo), 21mu we Ukepenuopfü kinu zievokezhatho puo bate, 22süla we u nou ketho chü tsiu kepele se chüsechü di u pejoketuo noule chü kemesakewa mu dzü kemesapie khrüwaketa umo pfü di Ukepenuopfü penuo volie khe. 23We rüditalie kelho u siedze süu thezetsase tha zolie khe, puoe phrakeshüko nu dietho zotuocü la. 24Tsiu úko huoniehuo nou chüpie kekhrie mu mha kevi chülie khe, 25huomia zho tuoita mo di úko we keze kehou seiyakezha zho-u khawa hie khe, sikecüumonyü úko huoniehuo tarho ba zolie khe, Teisozhau penuo miemie vortazhücü ngu baketa la.
26Kekreilamonyü u bu ketho-u silieketa sie, u thuo u khre u ra chü phouma ro, kejokemouko valieketuo ruosuo kekrei ba sa mote. 27Derei u nyie kecüketuo mu kemeriekecü mi thuo mia petsouyakezhako pekawaketuou zote. 28Kehoupuorei Mosa zho-u ze mota ro “Zhapumia keniekese die geinu” puo ngumezhie moto zo di pesiawaya. 29Siliro, mia puoe Ukepenuopfü Nuou melieta, mu thezie pie chü kemesalie di dietseidiekhokelieu üse mesa kemo puo mhieita tsiu ngukemezhie Ruopfüu rei thiketamia süki rei puo siazha rekuo zhü mo me? 30Kekreilamonyü, “Khepu sü a mese, a thuo zhadavüshütuo,” idi pukeshü, we si ba. Süsie rei, “Niepuu puo themiako nyie kecütuo,” si lashü. 31Rhei tuoyakezha Ukepenuopfü dzie nu letuo ükecü mha kemichie kezha se puo zo.
32Derei nie kezie ngulieketa theriekiko rükra lashücie, süki nie kemezhiekecüko nu rei shügeshühie thalie zo, 33huoki mechühou nunu pese tsiu mia bu nie pechüpenyü, mu huoki sikecü ze kesekecüko rei ze puo chü. 34Kekreilamonyü nieko kedie kechüko rei ngumezhie, siro mia nie vie peka cülie zorei nie nei siei di hielie, mha vikuokecü mu jütalie kelho pie nie vie chüketuo siketa la. 35Süla, nie thepfu baketa hau pejüwa hiecie; süu zhakhra kezha se vorshü zotuo. 36Nieko Ukepenuopfü medo-u chülieketuo la, mu phrakeshüu ngulieketuo la shügeshühie tha zoliecie.
37Kekreilamonyü, “Puotei huoyo sie,
mia puo vortuoü ketuou vortuo mu menuotalie lho;
38derei a themia kemiathoko we kepele geinu rheilietuo.
Sirei kehoupuorei tsiesieketako a ruopfü sümia ngu puo neilie lho zo,” si.
39Derei úko zowe tsiesie la keka nu voketako monyü kepele nyi di u kelalieketuoko zo.
Currently Selected:
Ibriko 10: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
