Kediko Kenieu 24
24
Juda Pekakewa
1Puo teiki Nebukadnezar, Babilon kediu vor; mu Jehoiakim-e cie se puo kituo chü; süsie puoe la vorlie. Sidi sie puo perhieta. 2Tsiu Jihovae Chaldiamia rüpfhünuo, Arammia rüpfhünuo, Moabmia rüpfhünuo mu Ammonmia rüpfhünuo ketsepie puo perhie, siro süko ketsepie Juda perhie, puo pekawatuo üdi, süusü Jihova die, puo kituo siedzekesiko geinu pukeshü tuoi di chüshü. 3Manasseh kephouma la, puo chükewa pete la, Jihova die geinu, puo mhinguki nu uko chü kelhouwatuoü mha hau Juda ki vor tou zo. 4Puoe kejo kejümia zie kepekru la; puoe kejo kejü zie pie Jerusalem ketshu chükewa la, Jihovae vashüketuo puo medo mota. 5Mu Jehoiakim mhatho kekreiko, tsiu puoe chükeshü peteko, süko Juda Kediko thedze Leshüda nu thupie zhü mo üme? 6Sidi Jehoiakim puo puonuoko ze zezhüta; süsie Jehoiakin puo nuou puo sou nu kedi chülie. 7Ijipt kediu mhakipuorei puo kijü nu la vor mota, kekreilamonyü Babilon kediue Ijipt Kerüu nunu vo Eufrat Rüu ketso Ijipt kediu vie kheko lielieketa la.
Jehoiakin mu Puo Themiako Kedie Chü Voketa
(2 Seyie 36:9-10)
8Jehoiakin-e di sedekelie ki puo kelhouzha cie kerethethata, tsiu puo Jerusalem nu khrü se di. Siro puo zuo zae Nehushta, Jerusalemmia Elnathan nuopfü.
9Puoe puo puo kechü tuoi Jihova mhodzünu mha kesuo shüüko chü. 10Süteiki Nebukadnezar kediu kituoko khor di Jerusalem perhie, sidi nadiu relieta. 11Siro Nebukadnezar Babilon kediue puo kituoko nadiu repfü keba ki puoe nadiu nu vor. 12Sitse Jehoiakin, Juda kediue puo mu puo zuo, puo kituoko, puo kezhako mu puo kedikiu nu kezhako khapie Babilon kediu tsüwa. Babilon kediue puo kedi chükelie cie thetha cie puo bu kedie chüta. 13Sitse puoe Jihova kinu kinyi pete, siro kediu kinu kinyi pete toupfüta, mu puo Israel kediu Solomon-e Jihova rüsuoki nu chükeshü suna tehiemekhou pete dathe phawa, Jihova pukeshü tuoikecü chüwa. 14Sidi puoe Jerusalem pete, kezhamia pete, kethepfumia pete, kediemia nyie ker, siro mhachü kesimia mu rükreimia pete tezeta, kijüu nu mhakejüthomiako zo kemosie, miapuorei ba mota. 15Tsiu Jehoiakin ze Babilon nu vota, tsiu kediu-nuo zuo, mu kediu kimianuoko, puo kezhako, mu kijüu nu themia kevimiako puoe Jerusalem nunu süko teze Babilon nu vota. 16Siro themia kekuomia nyie thenie, mhachü kesimia mu rükreimia mia nyie puo, themia kuo ükecü khe mu terhü chülie kevi khe, süko Babilon kediue teze kedie chü Babilon nu vota. 17Babilon kediue Matania nieu Jehoiakin chüpie puo bu puo sou nu kedi chülie, siro puo zatho kedipie Zedekia chüwa.
Zedekia Kedi Kechü
(2 Seyie 36:11-16; Jer 52:1-3)
18Zedekiae di sedekelie ki puo kelhouzha cie mepfüepuota, tsiu puoe cie kerepuo Jerusalem nu di. Puo zuo zae Hamutal, Libnamia Jeremia nuopfü. 19Puoe Jehoiakim kechü tuoi, Jihova mhodzüki mha kesuo shüüko chü. 20Süla Jihova noupfhüu Jerusalem nu mu Juda nu vor di puo mhodzü nunu uko whuo phrewa.
Jerusalem Liekelie
(Jer 39:1-7; 52:4-11)
Siro Zedekiae sie Babilon perhieta.
Currently Selected:
Kediko Kenieu 24: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More