vēstule romīšim 5

Izleigšona ar Dīvu.

1Tai tad, mums, caur ticeibu attaisnōtim, ir mīrs pi Dīva caur myusu Kungu Jezu Kristu. 2Pateicūt ticeibai caur Jū mes sajēmem īeju tamā žēlesteibā, kurā asom un līksmojam par cereibu uz Dīva (bārnu) gūdu.#5:2 Kai caur durovom, kas ir mōjas sastōvdaļa, mes īejam mōjā, tai caur ticeibu, kas ir attaisnōšonas īsōkums, mes nūkļyustam pi vysom taisneiguma žēlesteibom. 3Bet na tikai par tū, mes līksmojam arī par apspīsšonom, jo mes zynom, ka apspīsšonā rūdās pacīteiba, 4pacīteibā iztureiba, iztureibā cereiba, 5bet cereiba myusu napīviļ; jo myusu sirdīs ir īlīta Dīva mīlesteiba caur Svātu Goru, kas mums ir dūts. 6Un koleidz mes vēļ bejom bezspēceigi Kristus sovā laikā par grēcinīkim nūmyra.#5:6 bezspēceigi — vēļ napastyprynōti ar K. Jezus žēlesteibu. 7Reši kod kaids mērst taisneigō dēļ. Labdara dēļ veļ kaids varbyut īsadrūšynōs mērt, 8bet Dīvs sovu mīlesteibu uz mums parōda caur tū, ka Kristus par mums nūmyra tod, kod mes bejom vēļ grēcinīki. 9Un jo mes tagad caur Jō asni asom attaisnōti, tū vairōk caur Jū nu dusmes byusim pasorgōti. 10Jo tad mes īnaidnīki byudami, caur Jō Dāla nōvi ar Dīvu izleigom, tū vairōk izleiguši, caur Jō dzeivi byusim izpesteiti. 11Un na tik vin tys, bet mes arī līksmojam ikš Dīva caur myusu Kungu Jezu Kristu, caur kū mes tagad asom sajāmuši izleigšonu.

Odumsun Kristus.

12Tōpēc, kai caur vīnu cylvāku pasaulī nōce grāks un caur grāku nōve, tai nōve pōrgōja uz vysim cylvākim, jo jymā vysi sagrākōja.#5:12 vīnu cylvāku — Odumu. #5:12 grāks — īdzymtais grāks. 13Arī pyrms lykuma pasaulī beja grāks, tik grāks natyka īskaiteits, jo nabeja nikaida lykuma. 14Nu Oduma leidz Moizešam nōve vaļdeja arī par tim, kas caur pōrkōpumu nabeja sagrākōjuši, kai Odums, kurs ir nōkūšō (Pesteitōja) tips.#5:14 nōkūšō tips — nōkūšō Oduma — Jezus Kristus.

15Ar žēlesteibu tūmār nav tai, kai ar pōrkōpumu. Jo vīna sagrākōšonas dēļ nōvei ir padūti vysi, tū vairōk un bogōteigōk vīna cylvāka — Jezus Kristus dēļ nōce par vysim Dīva žēlesteiba un žēlesteibas dōvona.#5:15 vīna — Oduma. 16Ar zēlesteibu nav tai, kai ar vīna grāku. Vīna (grāka) dēļ tīsa nūtīsoj, bet žēlesteiba attaisnoj nu daudzim grākim. 17Jo vīna grāka dēļ, caur tū vīnu vaļdēja nōve, tū vairōk tī, kas sajam žēlesteibas pōrpiļneibu, pīdūšonu un attaisnōšonu, caur vīnu Jezus Kristus, vaļdeis dzeivē.

18Tai tad, kai caur vīna grākā krisšonu vysim ļaudim nōce pazusšona, tai caur vīna taisneigū dorbu vysim ļaudim nōce attaisnōšona, kas dūd dzeivi. 19Kai vīna cylvāka napaklauseibas dēļ daudzejī palyka grēcinīki, tai vīna paklauseibas dēļ daudzejī byus attaisnōti. Lykums ir nōcis, lai vairōtūs grāks. 20Un kur vairōjōs grāks, tur vēļ bogōteigōk pōrspēja žēlesteiba, 21lai, kai grāks vaļdeja nōvē, tai žēlesteiba caur myusu Kungu Jezu Kristu vaļdeitu caur attaisnōšonu uz myužeigu dzeivi.

Currently Selected:

vēstule romīšim 5: LGT

Highlight

Copy