vēstule romīšim 6

VI.

Atbreivōšona nu grāka vērdzeibas.

1Kū tad lai sokom? Vai paliksim grākā, lai pasavairōtu žēlesteiba? 2Nimoz nē! Mes, kas grākam asom myruši, vai tad varam jymā tōļōk dzeivōt? 3Vai tad jyus nazynot, ka mes vysi, kas ikš Jezus Kristus asom kristeiti, ikš Jō nōves asom kristeiti?#6:3 Caur Jezus nōvi kristeibā teik nūcalti grāki un grēceigais cylvāks paglobōts. 4Tai tad, mes caur kristeibu īkš Jō nōves asom paglobōti, lai, kai Kristus caur Tāva gūdeibu pīsacēle nu myrūnim, tai arī mes dzeivōtu vysā jaunu dzeivi.#6:4 vysā jaunu dzeivi — svātu, navaineigu dzeivi. 5Un jo mes ar Jū asom saauguši Jō nōvē, tad byusim arī augšamceļšonā. 6Mes zynom, ka myusu vacais cylvāks ir pīkolts krystā, lai iznyktu grēceigō mīsa, ka grākam mes vairs nakalpōtu.#6:6 vacais cylvāks — grākim padūtais cylvāks. #6:6 grēceigō mīsa — mīsas grēceigōs kōreibas. 7Un tys, kas ir nūmiris, nu grāka ir attaisnōts.#6:7 attaisnōts — nu grāka atbreivōts.

8Jo ar Kristu asam nūmyruši, mes tycam, ka ar Jū dzeivōsim. 9Mes zynam, ka Kristus pīcalts nu myrūnim vairs namērst, nōve par Jū vairs navolda. 10Kad myra, Jys deļ grāka nūmyra pavysam, un ka Jys dzeivoj — dzeivoj Dīvam. 11Arī jyus sevi īskaitat taidūs, kas grākam ir nūmyruši, bet ikš Jezus Kristus (myusu Kunga) dzeivojat Dīvam.

12Tōdēļ jyusu mērsteigajā mīsā grāks nadreikst vaļdeit tai, ka jyus pīkrystu jōs kōreibom. 13Nadūdit sovu lūcekļu grākam par īrūčim, bet gon veļtejit sevi Dīvam kai taidus, kas nu myrūnim asat nōkuši dzeivē un jyusu lūcekli lai ir Dīvam taisneibas īrūči. 14Grāks par jums lai navolda, jo jyus naasot padūti lykumam, bet gon žēlesteibai.

15Kas tad nu tō? Vai tad mes tōpēc dreikstam grākōt, ka na lykumam asam padūti, bet žēlesteibai? Nimoz nē. 16Vai tad jyus nazynat, ka jyus asat tō kolpi, kam jyus paklauseibā kolpōt apsūlat? vai tys byutu grākam uz nōvi, vai arī paklauseibai uz attaisnōšonu? 17Paļdis Dīvam, ka jyus, kas bejot grāka vērgi, nu vysas sirds pīsakļōvet mōceibai, kurā jyus asat īvadeiti. 18Nu grāka atbreivōti, jyus asat īstōjuši kolpōšonā taisneibai. 19Jyusu mīseigōs vōjeibas dēļ, es runoju tū, kas ir ciļvēceigi: Kai jyus agrōk sovus lūcekļus nūdevet naceisteibas kalpeibā un natykumeibai, lai dzeivōtu bezdīveigi, tai tagad nūdūdit sovus lūcekļus taisneibas paklauseibā, lai dzeivōtu svātumam. 20Koleidz jyus bejot grāka vērgi, taisneiba jyusu naskōre.#6:20 taisneiba jyusu naskōre — jums nabeja leidzdaleibas ni taisneibā ni svātumā. 21Bet kaidi tad tūlaik jums beja augli nu taidim dorbim, nu kurim jyus tagad kaunejatēs? Un tūs gols ir nōve. 22Bet tagad, kad jyus nu grāka asat atbreivōti un palykuši par Dīva kolpim, jums kai (dorba) auglis ir svātums un gola mērkis — myužeigō dzeive. 23Grāka atmoksa ir nōve, bet Dīva dōvona ir myužeigō dzeive ikš myusu Kunga Jezus Kristus.

Currently Selected:

vēstule romīšim 6: LGT

Highlight

Copy