Numeros 12

E Maria ta o Aaron den orba e Moiseseki

1E Maria ta o Aaron thode te den orbe bilache e Moiseseke, soke vou zinisailoa iekhe diskiniaia kai saia etiope. 2Ta i phende:

O Del ni dia orba samo e Moisesea, i amenchar dia orba. A o Del asunda so von phenena.

3A o Moises saia o lleno but prosto. Pe sa e phuv ni saia iek lleno mai prosto neko o Moises. 4Goleke o Del phenda e Moiseseke, e Aaronoke ta e Mariake:

Llan tumen trin kai e chara kai chidiniaon. Ta e trin llele:

5Ondaka o Del fulisto ando oblako, ta thodape po udar katar e chara kai chidiniaon, mapalal ikharda e Aarone ta e Maria ta kana von avile 6o Del phenda lenge:

Asunen gaia orba kai ka phenav tumenge: Kana si maskar tumende iek profeta murno, me ka sikavav leke ezgode ta ande sune ka dav orba lea, 7A me slugaia o Moises ni cherav le gia, soke vou si o mai chacho katar sa me sluga,#Ebr 3.2. 8ta lea dav orba mui muiea ta bristomaia, ¿A sar tumen troman te den orbe bilache leke?#Ek 33.11; Dt 34.10.

9O Del but jolailo lenchar, ta llelotar. 10Ta kana o oblako llelotar katar e chara kai chidiniaon, e Maria nasuaili katar e lepra, achili parrni sargo o iv. Kana o Aaron boldinailo te dikhel e Maria, ta dikhla kai saia leprosa, 11phenda e Moiseseke:

Na mo gazda na thov pe amende gava bilachipe kai cherdam dilimaia. 12Na muk voi te achel sargo iek baiato mulo mai anglal te biandol, kai biandol pe masea sargo drobome.

13Ondaka o Moises phenda e Devleke:

Moliman chuke Devla sastar la akana.

14A o Del phenda leke:

A lako dad te chungardiaia pe lako mui, achilia ando lallao efta llive goleke te traden la katar o pero efta llive ta mapalal sai ka irilpe.#Nm 5.2-3.

15Gia si sai tradie e Maria katar o pero efta llive. A ande gola llivesa o foro ni llelotar kotar. 16Mapalal katar gaia ezgode, o foro llelotar katar o Aserot, ta inzarde pe chare po pusto katar o Param.

Currently Selected:

Numeros 12: BACHRO

Highlight

Copy