Numeros 13
13
O Moises bichalel llenen te dikhen e phuv
Dt 1.19-25
1O Del dia orba e Moisesea ta phenda leke:
2Bisal nesave llenen te sai dikhen e phuv katar o Kanaan, goia phuv kai me ka dav la e israelenge. Bisal katar suako vicha iekhe llene kai birovi maskar pi vicha.
3Ta o Moises bichalda len katar o pusto katar o Paran, gia sar o Del phendaia leke te cherel ta sa gola llene sea birovura maskar e israelita, 4gala si lenge anava:
O Samua, chaurro katar o Zakur, katar e vicha katar o Ruben, 5O Safat, chaurro katar o Ori, katar e vicha katar o Simeon, 6O Kaleb, chaurro katar o Jefune, katar e vicha katar o Juda, 7O Igal, chaurro katar o Jose, katar e vicha katar o Isakar: 8O Oseas, chaurro katar o Nun, katar e vicha katar o Efrain, 9O Palti, chaurro katar o Rafu, katar e vicha katar o Benjamin, 10O Gadiel, chaurro katar o Sodi, katar e vicha katar o Zabulon. 11O Gadi, chaurro katar o Susi, katar e vicha katar o Jose kai si katar e vicha katar o Manases. 12O Amiel, chaurro katar o gemali, chaurro katar o Mikael, katar e vicha katar o Aser. 13O setur, chaurro katar o Mikael, katar vicha katar o Aser. 14O Nabi, chaurro katar o Vapsi, katar e vicha katar o Neftali. 15O Geuel, chaurro katar o Maki, katar e vicha katar o Gad.
16Gala si e anava katar e llene kai o Moises bichalda te dikhen e phuv. O Oseas, chaurro katar o Nun, thoda leke aver anav thoda leko anav Josue.
17O Moises bichalda len te dikhen e phuv katar o Kanaan, ta phenda lenge:
Llan katar o Negeb ta liken kai e phuv kai si pe burdura.
18Ta dikhen sarsi e phuv ta sar si e llene o si zurale o inai zurale, o si but o si cherricha llene. 19Dikhen lenge forura o zivin ande chare o ande chera, o lengi phuv kai zivin si lachi o bilachi, 20o bariol vareso ande goia phuv, o si kasta o inai. Na daran anen varesave septelie.
Gala ezgode nakhle kana saia o vreme kai chidiniaon e purve drakha. 21E llene llele ta dikhle e phuv katar o pusto katar o Sin, ando sur llik kai o Reob, ando norte, kotar katar delpe ando Jamat. 22Nakhle katar o Negeb ta avile ando Ebron. Kote zivina o Aiman, o Sesai ta o Talmai, chaurre katar o Anak. O foro katar o Ebron vazdie le efta burs mai anglal katar o foro katar o Soan ando Ejipto. 23Avile llik kai o pai katar o Eskol, kote chinde iek krango kai pe lete saia drakha, ta maskar dui llene inllarde le umblado katar iek kas. Ta i inllarde granade ta simochine. 24Gole paieko anav thode Eskol, cheres o krango drak kai chinde kote e israelita.
25Pala e saranda llive kai dikhle e phuv irisaile 26ando Kades, po pusto katar o Paran. Kote saia o Moises ta o Aaron ta sa e israelita. Ta von phende lenge so von dikhle ta sikade lenge e septelie katar goia phuv. 27Ta phende e Moiseseke:
Llelam kai e phuv kai phendan amenge te lla. Ta chachimaia si e phuv kai o thud ta o aullin llan sargo pai, ta gala si e septelie kai del.
28A e llene kai zivin ande goia phuv si zurale, ta lenge forura si bare ta zitome. Ta kote dikhlam e chaurren katar o Anak. 29Garing e phuv katar o Negeb zivin e amalesita, karing e burdura zivin e Ititas, Jebuseos ta e Amorreura, ta karing e mora zivin e pasa o pai atar o Jordan zivin e Kananeosura.
30Ondaka o Galeb achada e foro kai saia angla o Moises, ta phenda:
¡Aven oma te la amenge goia phuv! ¡Amen sai la la amenge!
31A e llene kai llelea lea phende:
¡Nasti, amen nasti mara amen gole llenenchar! Von si mai zurale amendar.
32Ta thode te phenen e israelenge kai e phuv kai llelea te dikhen saia but bilacho. Ta phenena:
E phuv kai llelam te dikha mundarel e llenen kai zivin ande late ta sa e llenen kai dikhlam incha sea but bare.
33Ta i dikhlam e llenen kai si but bare e chaurre katar o Anak. Pasa lende sama sargo langoste, ta isto gia von dikhena pe amende.#Jen 6.4.
Currently Selected:
Numeros 13: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
