Levitiko 9

O Aaron cherel po purvo rado popoko

1O ojtoto llive o Moises ikharda e Aarone ta leke chaurren, ta e phuren katar o Israel. 2Ta phenda e Aaroneke:

Le iek telcho e kurbanoke pala o bilachipe, ta iek bakro te na avel nasualo te den len kurbano phabardo, ta anen len angla o Del. 3Ta phen e israelenge te den iek busno kurbano pala o bilachipe, iek telcho ta iek bakro te avel lenge iek burs ta te na aven nasuale, te den len kurbano phabardo. 4Ta iek guruv ta iek bakro te den len kurbano pala e pas angla o Del, ta iek ofrenda katar e septelie cherde e zeitinoia, soke o Del ka sikadol allive tumenge.

5Ta e israelitura inllarde so o Moises phendaia lenge angla e chara kai chidiniaon, ta avile sa e israelitura ta thodepe angla o Del. 6Ondaka o Moises phenda:

Gava si so o Del phenda te cheren. Cheren le, ta o Del ka sikavel tumenge po baripe.

7Mapalal phenda o Moises e Aaronoke:

Lla pase pasa o altar, ta de cho kurbano pala o bilachipe ta e zivirinia kai ka de phabardi pala cho bilachipe ta pala o bilache e israelengo. Ta de e ofrenda e israelengi pala lengo bilachipe gia sar o Del phenda te cheren.#Ebr 5.1-3; 7.27.

8O Aaron avilo pase pasa o altar ta mundarta e telcho kai dela pala piro bilachipe. 9Ta e chaurre e Aaronoke ande leke o rat, ta vou makhla po nai ando rat, ta makhla e singa katar o altar. Ta katar o rat kai achila, perada le angla o altar. 10Mapalal phabarda upral po altar e khoi, e bubreskura ta khoi katar o buko katar e zivirinia kai diape pala o bilachipe, gia sar o Del phendaia e Moiseseke te cherel. 11A o mas ta e morchi phabarda len avri katar o pero.

12Ta mundarda e zivirinia kai phabardol, ta e chaurre e Aaronoke ande lete o rat ta vou e ratea makhla truial upral katar o altar. 13Mapalal ande lete o soro ta e kotora chinde katar e zivirinia kai delpe phabardi, ta o Aaron phabarda len upral po altar, 14mapalal jalada e porra ta e porrne, ta phabarda len upral po kurbano kai delpe phabardo po altar.

15Ta i dia e ofrenda pala e israelitura. Lia o busno, kai saia kurbano pala o bilachipe e foroko, ta mundarda le, ta dia le pala o bilachipe isto gia sar cherdaia ogole ofrendaia. 16Ta dia o kurbano phabardo ta cherda le prema o zakono. 17Mapalal dia e ofrenda katar e simiche, ta pherda po va latar, ta phabarda la upral po altar, kote kai delpe o kurbano phabardo thiarinako rano.

18Ta mundarda i e guruve ta e bakre sargo kurbano pala e pas kai saia e foroko, ta e chaurre e Aaroneke ande leke o rat, ta vou makhla truial upre katar o altar.#Lv 3.1-11. 19Ta i ande leke e khoi katar o guruv ta katar o bakro, e pori, e khoi kai ucharel e porra, e bubreskura ta e khoi katar e buke, 20ta thode e khoi upral po brek, ta vou phabarda len upral po altar. 21A o brek ta e plieska chachi, o Aaron miskosarda len sargo ofrenda kai miskolpe angla o Del, gia sar o Del phenda e Moiseseke te cherel.

22Mapalal o Aaron vazdia pe va karing e israelitura ta blagosisarda len, ta mapalal kana dia o kurbano pala o bilachipe ta o kurbano phabardo, ta o kurbano pala e pas, llelotar katar o altar.#Nm 6.22-26. 23Mapalal o Moises ta o Aaron die ande chara kai chidiniaon, ta kana likiste blagosisarde e israelen. Ondaka o Del sikadilo bare zuriaia sa e foroke: 24Ta likista iag katar o Del ta phabarda e zivirinia ta e khoi upral po altar. Ta kana dikhla sa o foro, blagosisarde ta die changa lligo ni dodisarde e phuv pe chikatea.

Currently Selected:

Levitiko 9: BACHRO

Highlight

Copy