Levitiko 10
10
O bilachipe katar o Nadab ta o Abiu
1O Nadab ta o Abiu chaurre e Aaronoke, lie suako iek po isensario, ta thode ande lende iag, ta upral pe lende thode taimano. Ta die angla o Del iek iag kai o Del ni phendaia lenge te cheren. 2Ondaka likista katar o Del iag ta phabarda len sa, ta mule angla o Del. 3Mapalal o Moises phenda e Aaronoke:
Gava si so phenda o Del kana dia orba:
Gola kai aven pasa ma ka blagosin man,
ta angla sa o foro ka avav blagosime.
Ta o Aaron ni phenda niso.
4Mapalal o Moises ikharda e Misaele ta e Elsafane, chaurre katar o Usiel, o kako e Aaronoko, ta phenda lenge:
Aven tumen te ikanen tumare phlalen katar o santuario ta inllaren len avri katar o pero.
5Von avile pase ta isto ande lenge fistanura inllarde len avri katar o pero, gia sar phendaia o Moises te cheren.
Lengo rado ta so morabi te cheren e popura
6Mapalal o Moises phenda e Aaronoke ta leke chaurrenge o Eleazar ta o Itamar:
Na mukliaren tumare bal ta na pharraven tumare patave te dikhol kai sen zalosne, te na meren ta te na vazdiniaol e joli e Devleki po foro. So morabi te dukhavel e foro katar o Israel si kai o Del saia te fuliavel goia iag.
7Ta na durion kotar katar delpe ande chara kai chidiniaon te na meren, soke tumen sen chinade e Devleke zeitinoia. Ta von cherde gia sar o Moises phenda lenge te cheren.
8Ta o Del dia orba e Aaronoia ta phenda leke:
9Kana tu o che chaurre si te den ande chara kai chidiniaon, ni ka pien mol ni rrachia, te na meren. Gava si iek zakono ostade tumare porodoke, 10te sai tumen acharen so si santo ta so si bilacho, ta maskar so si chisto ta so si melalo, 11ta te sikaven e israelenge sa e zakonura kai o Del dia ande va Moiseseke.
12Mapalal o Moises phenda e Aaroneke ta e Eleazareke ta e Itamareke, e dui chaurre kai achena e Aarone:
Len e ofrenda katar e simiche kai achila katar e ofrende phabarde e Devleke, ta jan len bi te avel ande lende levadura pasa o altar, soke si iek ezgoda but santa.
13Jan le pe than san santo, soke gava si chuke ta che chaurrenge, katar e ofrende phabarde e Devleke. Soke gava si so phenda mange te cherdol.#Lv 6.14-18. 14Ta ka jan isto gia pe iek than chisto, tu ta che chaurre ta che chorra tuia, ta o brek kai miskonle ta e plieska vazdini sargo e ofrenda kai miskolpe e Devleke, si chire pala o zakono ta che chaurrengo katar e kurbanura kai den pala e pas e israelitura. 15E ofrendenchar katar e khoia kai si te phabardon, ka anen e plieska kai si te vazdiniaol, ta o brek kai ka miskon sargo e ofrenda kai miskon la angla o Del, ta ka avel sargo iek zakono ostade chiro ta che chaurrengo, gia sar o Del phenda te cherdol.#Lv 7.28-34.
16Ondaka o Moises puchla katar o busno kai delpe kurbano pala o bilachipe, ta malada kai o kurbano ia phabardea le. Ondaka o Moises jolailo po Eleazar ta po Itamar e chaurre kai achilaia e Aarone, gale alavenchar:
17¿Soke ni jalen o kurbano katar o bilachipe pe iek than santo? soke gaia ezgoda si santa, ta vou dia la tumenge te sai inllaren o bilachipe e israelengo, te sai len e Devletar o prostipe katar po bilachipe.#Lv 6.24-26. 18Dikhen kai o rat ni inllarde le andre ando santuario, ta tumen saia te jan o kurbano pe iek than santo, gia sar me phendema te cheren le.
19Ta o Aaron phenda e Moiseseke:
Dik, von allive die angla o Del pe kurbanura pala o bilachipe ta pe kurbanura phabarde, a mange nakhle sa gala ezgode. A me te jalema allive katar o kurbano pala o bilachipe, ¿pelaia drago e Devleke?
20Kana o Moises asunda gala alava achilo esmiro.
Currently Selected:
Levitiko 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
