Levitiko 11

Zivirinie chiste ta e pogane

Dt 14.3-21

1O Del dia orba e Moisesea ta e Aaronea, ta phenda lenge:

2Phenen e israelenge kai katar sa e zivirinie kai zivin pe phuv, sai ka jan gala: 3Gola kai irin o jape ande po mui ta kai si lenge naia e porrnenge putarde, 4a nasti jan gala zivirinie, i te irina o jape ande po mui o te avena lenge naia e porrnenge putarde:

E deva, soke iril o jape ande po mui a inai leke naia e porrnenge putarde. Morabi te dikhen le sargo iek zivirinia pogani.

5O sosoi, soke iril o jape ande po mui a leke naia e porrnenge inai putarde. Morabi te dikhen le sargo iek zivirinia pogani.

6O sosoi, soke iril o jape ande po mui a leke naia e porrnenge inai putarde. Morabi te dikhen le sargo iek zivirinia pogani.

7O balo, soke si leke naia e porrnenge putarde pe dui, a ni iril o jape ande po mui. Morabi te dikhen le sargo iek zivirinia pogani.

8Te na jan o mas katar gala zivirinie, ta te na dodin lenge esnage mule.

9Katar e zivirinie kai zivin ande paia, te avena morake o paienge, sai ka jan samo gola kai si len phakhorra ta eskame. 10A gola kai inai len phahkorra ta eskame morabi te dikhen len sargo zivirinie pokalime i te avena morake o paieke, isto gia e zivirinie minone ta i e bare. 11Te na jan lengo mas morabi te dikhen len sargo e zivirinie pokalime, ta ka gadon tumen katar lenge esnage mule. 12Sa e zivirinie e paieke kai inai len phakhorra ta eskame, morabi te dikhen len pokalime.

13Katar e chiriklia, gala si kai nasti ka jan ta morabi te dikhen len pokalime:

E agila, o phagel e kokala, e agila moraki, 14o milano ta sa e alkonura, 15katar suako kuervo, 16e avestrus, e lechusa e gaviota, e gavilane, 17o puaucho, o kormoran, o ibis, 18o kalamon, o pelikano, o buitre, 19e sigueña, e garse, e abubilla ta o mursielago.

20Suako insekto kai furial ta phirel pe star porrne morabi te dikhen le pokalime, 21a sai jan katar sa e insektura kai si len pakha ta kai silen star porrne ta i dui porrne bare te sai juten lenchar upral pe phuv. 22A katar gala insektura sai ka jan: katar sa e langoste, e langostones, e grillura ta o salta montes. 23A suako insekto kai si le pakha ta kai si le star porrne, ka dikhen len pokalime.

24Katar gala ezgode tumen ka achen pokalime: vareko te dodila e esnaga muli katar gala zivirinie, ka achel pokalime lligo ni ka perel e riat.

25Vareko te vazdela esnaga muli katar iek katar gala zivirinie, morabi te jalavel pe patave ta ka achel pokalime lligo ni ka perel e riat.

26Suako zivirinia kai leke, naia inai putarde ta te na iril o jape ande po mui, morabi te dikhen le sargo iek zivirinia pogani, ta vareko te dodil la ka achel pokalime.

27A varesavi zivirinia stare porrnengi kai pirel pe pe bare unlle, morabi te dikhen la sargo iek zivirinia pogani. Vareko te dodila lengi esnaga muli, ka achel pokalime lligo ni ka perel e riat. 28Isto gia ko vazdela lenge esnage mule, morabi te jalavel pe patave ta ka achel pokalime lligo ni ka perel e riat, soke tumen morabi te dikhen golen zivirinien pokalime.

29Katar e zivirinie kai terrinpe upral pe phuv, galen morabi te dikhen pokalime:

E komadreje, e misiakura ta katar suako zanbuke, 30sargo o eriso, o zembelako baro ta e zembelakura minono, e sapurka ta o kamalion.

31Katarsa gala zivirinie kai miskonpe, galen morabi te dikhen len pokalime. Avareko te dodila e esnage mule katar gala zivirinie, ka achel pokalime lligo ni ka perel e riat.

32A te perela lenge esnake mule pe varesavi ezgoda, i te avela po kas pe patave, o pe morcha o pe vreche, o pe ezgode kai von radin lenchar, morabi te thodon ando pai ta ka achen pokalime lligo ni ka perel e riat, mapalal ka achen chiste.

33A esnaga katar varesavi zivirinia te perel ande iek piri, sa so si andre ka achel pokalime ta e piri morabi te phagol. 34Pe suako jape kai perela pai katar goia piri ka achel pokalime. Ta suako ezgoda kai pielpe kai si ande piri, ka achel pokalime. 35Pe sa so perela vareso katar e esnaga katar gola zivirinie, ka achel pokalime, i te avela pe furnave bare o minone morabi te peraven len. Soke si ezgode pokalime, ta gia tumen morabi te dikhen len.

36A e paiorrra ta e bunaria katar pielpe pai, ka achen jalade, a ko dodila e esnage katar gola zivirinie, ka achel pokalime.

37A e esnaga katar gola zivirinie te perela pe iek simicha kai ka thodol ande phuv, e simicha ka achel jaladi. 38A e simicha te chingardela, ta iek katar gola zivirinie perela pe simicha, morabi te dikhen la pokalime.

39A te avelape kai iek katar e zivirinie kai saia tumen te jan merela, ko dodila e esnaga katar goia zivirinia, ka achel pokalime lligo ni ka perel e riat. 40Ko jala katar gua mas, morabi te jalavel pe patave ta ka achel pokalime lligo ni ka perel e riat, ta i gua kai ikanda e esnaga muli katar e ziviria, morabi te jalavel pe patave ta ka achel pokalipe lligo ni ka perel e riat.

41Sa e zivirinie kai terrinpe pe phuv zi pokalime, nasti janpe.

42Katar sa e zivirinie kai terrinpe pe phuv, nasti ka jan ni iek lendar, i te terrilape pe po brek o te phirela pe pe star o pe mai but porrne, soke si zivirinie pokalime. 43Na cherdon i tumen pokalime ni iekhe ziviriniaia kai terrilpe. 44Soke me sem o Jeova tumaro Del, goleke tumen morabi te aven chinade mange, ta ka aven sante, soke me sem santo. Goleke na cherdon pokalime ni iekhe ziviriniaia kai terrilpe pe phuv. 45Soke me sem o Jeova, kai cherda tumen te liken katar o Ejipto te avav tumaro Del. Goleke tumen morabi te aven sante soke me sem santo.#Lv 19.2; Mt 5.48; 1 P 1.15-16.

46Gava si o zakono katar e zivirinie ta katar e chiriklia, ta katar sa e zivirinie kai miskonpe ande paia, ta katar suako zivirinia kai terrilpe pe phuv, 47te sai achardol so si chisto ta so si melalo, ta maskar e zivirinie kai sai janpe ta katar e zivirinie kai nasti janpe.

Currently Selected:

Levitiko 11: BACHRO

Highlight

Copy