Levitiko 12

Sar chistolpe e diskinia mapalal kana maladol lake

1O Del dia orba e Moisesea ta phenda leke:

2De orba e israelenchar ta phen lenge:

E diskinia kana ka maladol lake iek minono, ka achel pokalime efta llive, isto gia sargo kana aven lake llivesa kai achel pokalime. 3Ta pala e ojto llive ka cheren e minoneke e sirkunsision.#Jen 17.12; Lk 2.21. 4A e dei ka achel tranda ta trin llive te chistolpe katar po rat. Nasti ka dodil ni iek ezgoda santa, ta ni ka avel ando santuario lligo ni ka nakhen e llivesa te chistolpe. 5A te maladola lake iek minoni, ka achel pokalime desustar llive, prema lake llivesa te chistolpe. Ta sovardes ta sov llive ka chistolpe katar po rat.

6Kana ka nakhen e lllivesa kai chistolpe, te avela minono o minoni, e dei morabi te anel kote katar delpe ende chara kai chidiniaon iek bakro iekhe burseko te del le kurbano phabardo, ta iek gulubo terno ta iek tortola sargo o kurbano pala o bilachipe. Ka del len kai o popo, 7ta o popo ka sikavel len angla o Del te sai mangel o prostipe lako. Gia voi ka achel chisti katar po rat. Gava si o zakono katar e diskinie kai maladona lenge, minono o minoni.

8A goia dei te na avela la te del iek bakro, sai ka lel dui tortole te del len ofrenda o dui gulubura terne, iek te del le phabardo a o gua kurbano pala o bilachipe. Ta o popo ka del gua kurbano te sai lel o prostipe ta voi ka achel chiste.#Lk 2.24.

Currently Selected:

Levitiko 12: BACHRO

Highlight

Copy