Levitiko 1

E kurbanura

1O Gazda ikharda e Moisese katar e chara kai chidiniaon, ta phenda leke:

2De orba e llenenchar katar o Israel ta phen lenge kai kana vareko ka anel mange kurbano katar e zivirinie, trubul te anel len katar pe guruva o katar pi stoka.

3Te si katar leke guruva o kurbano phabardo kai mangel te del, morabi te avel sasto. Ni ka del le pe zor, ka del le kurbano kote katar delpe ande chara kai chidiniaon angla o Del.#Lv 22.18-20. 4Ta ka thovel po va po soro katar o kurbano, gia o Del ka lel le ta ka prostil leko bilachipe. 5Ondaka ka mundarel e telcho angla o Del, a e popura, e chaurre katar o Aaron ka den o rat, ta ka makhen truial upral katar o altar kai si po udar katar e chara kai chidiniaon. 6Ko anela e zivirinia te del la kurbano phabardo, ka ikanel leki morchi ta e ziviria ka chinel la pe kotora, 7ta e popura ka thoven iag po altar ta ka lacharen e kasta pe iag. 8Mapalal e popura, e chaurre katar o Aaron, ka lacharen e kotora, o soro ta e khoi katar leke porra upral pe kasta kai si upral pe iag kai ka avel upral po altar. 9Ko del o kurbano morabi te jalavel e paiea e porra ta e porrne katar e zivirinia, ta o popo ka phabarel sa upral katar o altar sargo so si dino phabardo kai kandel sukar e Devleke.

10A e zivirinia te si katar leki stoka katar e bakre o katar leke busne, morabi te avel murus ta te na avel nasualo, 11ta morabi te mundarel le pe rig katar o norte katar o altar, angla o Del. E chaurre e Aaronoke e popura, ka makhen e ratea katar e zivirinia leke riga truial upre katar o altar. 12Mapalal ka chinen e zivirinia pe kotora, ta o popo ka thovel e kotora upral pe kasta kai phabon po altar, leke sorea ta e khoiaia katar leke porra. 13Mapalal ko del o kurbano morabi te jalavel e paiea e porra ta e porrne katar e zivirinia, ta o popo ka phabarel sa upral katar o altar sargo so si dino phabardo kai khandel sukar e Devleke.

14A e zivirinie kai den kurbano phabardo te avena chiriklia, morabi te aven tortole o gulubura. 15A o popo ka del la upral po altar, ta ka ikanel lako soro ta ka phabarel e chiriklia upral katar o altar, ta ka mukel lako rat te perel pe rig katar o altar. 16Ta ka ikanel laki gusa la ke purra ta lake bal, ta gola ezgode ka thovel len pasa o altar pe rig katar likel o kham, po than katar o prajo iagako, 17mapalal ka phagel e chiriklia po dopas, katar lake pakha, a ni ka fulavel la pe dui kotora, ta o popo ka phabarel la po altar pe kasta kai si upral pe iag, sargo kurbano, sargo so si dino phabardo kai khandel sukar e Devleke.

Currently Selected:

Levitiko 1: BACHRO

Highlight

Copy