Levitiko 2
2
E ofrende
1Kana vareko anela ofrenda e Devleke, morabi te anel arina katar e mai lachi, ta pe late ka thovel zeitino ta taimano, 2mapalal ka inllarel la kai e chaurre e Aaronoke, ta iek lendar iekhe vastea ka istarel so sai katar e arina e zeitinoia ta e taimanoa, ta ka phabarel len upral po altar sargo so si dino phabardo te sai denpe golli, gaia si iek ofrenda phabardi kai khandel sukar e Devleke. 3Ta so achela katar e ofrenda ka avel e Aaronoke ta leke chaurrenge, gaia ofrenda si but santa katar e ofrende kai phabardon e Devleke.
4Kana ka de iek ofrenda marrnengi cherde ande furnava, ka aven cherde katar e arina mai lachi ta cherde zeitinoia, ta ande lende morabi te na avel levadura, ta phalia kai ande lende inai levadura makhle ando zeitino.
5A chi ofrenda te aven simiche chirade ande chiai, mora bi te avel e mai lachi arina cherdi e zeitinoia, ta ande late te na avel levadura, 6ka phagela pe kotora ta ka thove zeitino upral soke si ofrenda kai si simiche.
7Chi ofrenda te avela simiche chirade ande kavi, ka cherdon katar e arina lachi ta zeitinoia. 8Kana ka avel lachardi gaia ofrenda gale ezgodenchar, ka anela angla o Del ta ka dela kai o popo, ta vou ka inllarel la kai o altar. 9Kote ka lel cherricha katar e ofrenda te phabarel la po altar sargo e ofrenda phabardi te denpe golli, gaia si iek ofrenda kai kandel sukar e Devleke. 10Ta so achela katar e ofrenda ka avel e Aaronoke ta leke chaurrenge, soke si but santa katar e ofrende kai phabardon e Devleke.
11Te na thoven levadura pe ni iek ofrenda katar e simiche kai den e Devle, soke ni levadura ni aullin nasti den phabardi sargo ofrenda e Devleke. 12Sai ka den e levadura ta o aullin e Devle sargo ofrenda katar e purve septelie, a na po altar sargo khan sukar.
13Sa e ofrende katar e simiche morabi te thove pe lende lon. Pe sa che ofrende katar e simiche morabi te avel lon katar e alava katar cho Del. Pe sa che ofrende morabi te thove lon.#Mk 9.49.
14Ta te dea e Devle iek ofrenda katar e simiche katar che purve septelie, morabi te avel katar che grangura resle. Ta e kuchina resle, ka peke len unzarde pe iag. 15Ta ka thove upral pe lende zeitino ta taimano, soke si ofrenda. 16Mapalal o popo ka phabarel cherricha kuchina unzarde ta zeitino e taimanoa, ta ka avel iek ofrenda te denpe golli, soke si iek ofrenda phabardi e Devleke.
Currently Selected:
Levitiko 2: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
