Jenesis 49
49
O Jakob blagosil pe chaurren
1O Jakob ikharda pe chaurren ta phenda lenge:
Aven mai pase ta ka phenav tumenge so ka avelpe mai angle:
2Aven mai pase te asunen, chaurre katar o Jakob,
asunen tumare dade e Israele.
3Tu, Ruben, san mo chaurro o mai purano.
Mi zor ta e purvi septelia katar mo ternipe.
O purvo ando liubao ta ande zor.
4A ni ka ave ios o purvo,
soke san sargo e mora divi kai nasti achadol,
tu dukhadan man zurale,
soke sovtan iekhe diskiniaia kai saia katar murne diskinie.#Jen 35.22; Dt 33.6.
5O Simeon ta o Levi si phlal,
suako drom marenpe pe jarniea divomaia.
6¡Nikada ni kamam te avav lenchar
kote kai von chidiniaon!
Soke kana joliaona mundarena llenen,
ta samo ande joli
phagle e porrne e guruvenge.#Jen 34.24-30.
7¡Proketo, te avel
lengi joli gia divi!
¡Me ka rispiu len saurren
ande sa e phuv katar o Israel!
8A tut Juda che phlal ka blagosin,
ta ka istare katar e korr che dusmanen,
ta isto che phlal ka den tenemava angla tu.
9¡A tu, Juda mo chaurro!
San sargo iek liono terno
kana mukel po jape kai istarda
ta inzol pe phuv,
sargo kana si iek liono baro.
¿A ko ka tromal te llungavel le?
10Niko ni ka lel e zor katar o Juda,
ni e rovli kai si maskar leke porrne
lligo ni ka avel o Silo, gazda katar e rovli
gole kai o foro ka kandel.
11Gua kai phandel po magarcho po krango e drakhako,
gua kai jalavel sa pe patave e moliaia,
ta ando rat e drakhako jalada po gertachi.
12Leke akha lole katar e drak,
ta leke danda parrne katar o thud.
13O Zabulon ka zivil pasa e mora
kote kai ka aven e llimie bare.
Lenge phuvia ka resen llik kai o Sidon.#Dt 33.18-19; Jos 19.10-16.
14O Isakar si iek magarcho zuralo
kai inzol maskar e rindura.
15Kana dikhla kai e phuv saia lachi
ta sukar te zivil esmiro,
bangarda pe zea te inllarel pharipe,
ta mangla te cherdol sluga.
16A o Dan ka gazdaril isto pe pe llene
sargo iek vicha katar o Israel.
17O Dan ka avel sargo sap
kai si pasa o drom,
kai dandarel e kukuia e grasteke
ta cherel te perel e zeenchar e llene kai llal po gra.
18¡Devla aduricharav cho braduipe!
19O Gad, ka marelpe lea iek baro sueto,
a vou mapalal ka llal pala lende te marel len.#Jue 10.17—11.33.
20O Aser ka avel le but marrno
ta ka del jape sargo jape e charoko.
21O Neftali si sargo iek bakriorri mukliardi
kai si la sukar minone.
22O Jose si sargo patra
kai barion pasa o pai
kai lake krangura barion upral po zido.
23Llene bilache vazdinaile pe lete
ta chudie llide ande lete.
24A o Jose si le va zurale
ta istarel zurale po arko,
¡Fala e Devleke o Del katar o Jakob kai si le sa e zor!
¡Pala o anav e Chobanoko, e pechina e Israeleki!
25¡Fala e Devleke o Del che dadeko kai ka pomozil tut,
o Del kai si le sa e zor kai ka blagosil tut!
¡E blagosimaia kai avel upral katar o miloso!
¡E blagosimaia kai avel telal katar e mora!
¡E blagosimaia kai avel katar e dea kai den te pien pe minonen!
26Mai baro si o blagosipe
kai avel katar cho dad,
neko o blagosipe
kai avel katar e burdura ta katar e pechine ostade.
Sa gava blagosipe
si chuke Jose,
soke sana esvirime maskar che phlal.
27A tu Benjamin san sargo iek ruv divo,
kai thiarinako rano jal so istarda
ta pasa racha fulavel so achel.
28Gala si e desudui viche katar o Israel, ta gava si so phenda kana blagosisarda len, ta suakone vicha dia la iek blagosipe.
O meripe e Jakobeko
29Mapalal kana blagosisarda len, mukla lenge gala alava te cheren:
Me oma ka merav. Goleke me molivman tumenge, prajon man ando limori kai si me purane, ando limori kai si anado ando barr ande umal katar o Efron o jitita. 30Kai si ande umal katar o Makpela, kai si angla o Mamre, ande phuv katar o Kanaan, e umal kai chindaia o Abraam katar o Efron o jitita te cherel la limori.#Jen 23.1-20. 31Kote prajosarde e Abraame ta leke rromia e Sara, ta e Isaake ta leke rromia e Rebeka, ta kote me prajosardem e Lea.#Jen 25.9-10; 35.27-29. 32O limori kai si anado ando barr ta e umal chindela katar e jititura.
33Kana o Jakob getosarda te mukel gala alava pe pe chaurre, thodape pale ande pi postelia ta mulo ta chidinailo pe puranenchar.
Currently Selected:
Jenesis 49: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
