Jenesis 48
48
O Jakob blagosil e Efraine ta e Manasese
1Kana nakhlo nesavo vreme kotar, phende e Joseeke kai leko dad saia nasualo. Ondaka o Jose llelo te dikhel le, ta inllarda pe duie chaurren, e Manasese ta e Efraine. 2Kana phende e Jakobeke kai leko chaurro avilo te dikhel le, cherda peke zor ta beslo pe pi postelia. 3Ta phenda e Joseeke:
O Del kai si le sa e zor sikadilo mange ando foro Luz, ande phuv katar o Kanaan, ta blagosisarda man 4gale alavenchar: Dik, me ka cherav te aven tut but chaurre, ta katar cho porodo ka liken but phuvia. Ta gaia phuv ka dav la che porodoke kai ka avel mapalal tutar ostade. 5Akana, che dui chaurre o Efrain ta o Manases, kai biandile kate ando Ejipto mai anglal me te avav tute ande gaia phuv katar o Ejipto, si murne sargo o Ruben ta o Simeon. 6E chaurre kai ka aven tut mai angle ka aven chire, a soke si phlal katar o Efrain ta katar o Manases, ka aven thode po barvalipe kai si te len. 7Soke kana me iriva man katar o Padan Aram, mula mange chi dei e Rakel ando Kanaan, mai anglal te avav ando Efrata, ta kote prajosardem la po drom katar o Efrata, kai akana si o Belen.#Jen 35.16-19.
8Ondaka o Israel dikhla e chaurren e Joseeke, ta phenda:
A gala ¿ko si?
9A o Jose phenda pe dadeke:
Von si me chaurre kai dia man o Del kate ando Ejipto. Ondaka leko dad phenda leke:
Moliv man chuke an len pasa ma te blagosiv len. 10O Israel saia but phuro ta nasti dikhela sukar cheres pe bursa. Goleke o Jose anda len pasa po dad, ta vou chumidia len ta abrasisarda len. 11Mapalal phenda e Joseeke:
Me ni misliva man kai ka dikhav tut, a o Del cherda te dikhav i che chaurren.
12Ondaka o Jose ikanda pe chaurren katar e changa pe dadeke, ta bangilo lligo ni dodisarda e phuv pe chikatea. 13Ta lia e duien, ta thoda po va o chacho po Efrain a po va stingo po Manases, ta anda len pasa po dad. Gia o Efrain achilo po stingo katar o Israel a o Manases achilo pe leki chachi. 14Ondaka o Israel inzarda po va o chacho, ta thoda le po soro katar o Efrain kai saia o mai terno, a po va o stingo thoda le po soro katar o Manases. Vou llanela soke thoda gia pe va, a o Manases saia o mai purano. 15Ondaka blagosisarda e Josee, gale alavenchar:
O Del kai kandia
o Abraam o Isaak, me dada,
o Del kai arakhla man
sar kai biandilem,
16o suecho kai braduil man katar suako bilachipe,
te blagosil gale chaurren.
Ta pala lende te denpe golli katar mo anav
ta katar mo papo o Abraam ta katar mo dad o Isaak.
Ta te avel len but chaurre
ta te avel baro lengo porodo ando sueto.
17A e Joseeke ni pela drago kai leko dad thodaia po va o chacho po soro e Efraineko, goleke lia o va pe dadeko ta ikanda le katar o soro e Efraineko ta thoda le po soro e Manaseseko, 18ta phenela pe dadeke:
¡Na, dade, gia na! Gava si o mai purano. Thou cho va o chacho pe leko soro.
19A leko dad ni kamla te cherel le, ta phenda leke:
¡Llanav chaurrea, llanav! I letar ka likel iek sueto but baro. A leko phlal o mai terno, ka avel mai baro ta katar leko porodo ka liken but phuvia.
20Isto ande gua llive o Jakob blagosisarda len gale alavenchar:
O foro katar o Israel ka blagosil tumare anavenchar, ta ka phenen:
Te cherel o Del tuia gia sar cherda e Efrainea ta e Manasesea. Ta thoda e Efraine mai anglal neko e Manasese.#Ebr 11.21.
21Mapalal phenda e Joseeke:
Dik, me ka merav, a o Del ka avel tumenchar ta ka cherel te irin tumen kai e phuv tumare puranengi.
22A tut diem tut mai but neko che phlalen, ta so liem, liem le katar e va katar e amorreura me jarniea ta me arkoia.
Currently Selected:
Jenesis 48: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
