Eksodo 7
7
1O Del phenda e Moiseseke:
Dik me ka mukav angla o Faraon te ave tu ande mo than, ta cho phlal o Aaron te del orba pala tu. 2Tu ka phene e Aaronoke sa so me ka phenav chuke te chere, mapalal cho phlal ka del orba e Faraonoia te sai mukel te liken katar pi phuv e israelen. 3A me ka zuriavav o lio e Faraonoko, ta ka cherav te dikhon bare ezgode.#Ech 7.36. 4Ta o Faraon ni ka thovel tumenge sama, a me ka sikavav mi zor po Ejipto, ta e bare ezgodenchar kai ka cherav, ka ikanav me boñikonen, me foro e Israele. 5Ta kana ka sikavav mi zor po foro katar o Ejipto, ta kana ka ikanav kotar e israelen, e ejipsiura ka llanen kai me sem o Del.
6O Moises ta o Aaron cherde sa sar o Del phendaia lenge te cheren. 7O Moises saia leke ojtovardes burs ta o Aaron saia leke ojtovardes ta trin burs kana die orba e Faraonoia.
E rovli e Aaronoki
8O Del phenda e Moiseseke ta e Aaronoke:
9O Faraon te mangla tumendar te cheren iek bari ezgoda devlikani, tu ka phene e Aaronoke te lel pi rovli ta te chudel la pe phuv angla o Faraon, te sai cherdol iek sap.
10Ondaka o Moises ta o Aaron llele te dikhen e Faraone, ta cherde so o Del phendaia lenge te cheren:
O Aaron chudia pi rovli pe phuv angla o Faraon ta angla e llene kai radina leke, ta e rovli cherdili sap. 11Ondaka o Faraon ikharda e llenen bizai ta chirimatarke, ta von pe chirimataia cherde isto gua: 12Suako lleno lendar chudie pe rovlia pe phuv ta suako rovli cherdili iek sap. A o sap e Aaronoko jala ogolen sapen. 13A o lio e Faraonoko zurailo ta ni thoda lenge sama, gia sar o Del phendaia.
E zatrania katar o rat
14Ondaka o Del phenda e Moiseseke:
O lio e Faraonoko zurailo ta ni kamel te mukel te liken e israelen.
15A thiara rano ka lla te dikhe le, kana vou ka llal kai o pai. A tu ka adurichare le pasa o pai ta inllar tuia e rovli kai cherdili sap. 16Ta kote ka phene leke:
O Gazda, o Del katar e ebreura, bichalda man te phenav chuke: Muk te llal me foro te blagosil man po pusto. A llik akana ni thodan sama, 17goleke, o Del phenda:
Akana ka llane kai me sem o Del. Kana me ka chalavav o pai gale rovliaia kai si ande mo va, o pai ka cherdol rat.#Apo 8.8; 16.4. 18E mache ka meren, ta o pai ka khandel pe gachin kai e ejipsiura ka gadonpe te pien katar gua pai.
19Ta i o Del phenda e Moiseseke:
Phen e Aaronoke te lel pi rovli ta te inzarel po va upral pe paia bare minone, achadine ta pe paia kai guruven ando Ejipto, ta pe sa so si le pai, te sai cherdon rat. ¡Ande tasure kastune ta ande barrastune!
20O Moises ta o Aaron cherde so o Del phenda lenge te cheren. O Aaron vazdia pi rovli ta chalada upral po pai katar e len angla e akha e Faraonoke ta e llenenge kai radina leke, ta sa o pai cherdilo rat. 21E mache mule, ta o pai khandela pe gachin kai e ejipsiura nasti piena pai letar: ¡Ande sa o Ejipto saia rat!
22A e chirimatarke katar o Ejipto cherde o pai te cherdol rat pe chirimataia, goleke o Faraon zuriarda po lio ta ni thoda sama e Moiseseke ta e Aaronoke, gia sar o Del phendaia. 23Ta o Faraon irisailo kai po cher, ta ni thoda sama ni gale ezgodenge. 24Ta ande sa o Ejipto cherde bunaria pasa o pai te sai ikanen pai chisto, soke nasti piena o pai katar e len.
E zatrania katar e zambuke
25Ta nakhle efta llive kai o Del chaladaia o pai katar e len.
Currently Selected:
Eksodo 7: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
