Popular Bible Verses from Eksodo 7

Share

O Del phenda e Moiseseke: Dik me ka mukav angla o Faraon te ave tu ande mo than, ta cho phlal o Aaron te del orba pala tu.

A me ka zuriavav o lio e Faraonoko, ta ka cherav te dikhon bare ezgode. Ta o Faraon ni ka thovel tumenge sama, a me ka sikavav mi zor po Ejipto, ta e bare ezgodenchar kai ka cherav, ka ikanav me boñikonen, me foro e Israele.

Ta kana ka sikavav mi zor po foro katar o Ejipto, ta kana ka ikanav kotar e israelen, e ejipsiura ka llanen kai me sem o Del.

Ondaka o Faraon ikharda e llenen bizai ta chirimatarke, ta von pe chirimataia cherde isto gua: Suako lleno lendar chudie pe rovlia pe phuv ta suako rovli cherdili iek sap. A o sap e Aaronoko jala ogolen sapen.

goleke, o Del phenda: Akana ka llane kai me sem o Del. Kana me ka chalavav o pai gale rovliaia kai si ande mo va, o pai ka cherdol rat.

O Faraon te mangla tumendar te cheren iek bari ezgoda devlikani, tu ka phene e Aaronoke te lel pi rovli ta te chudel la pe phuv angla o Faraon, te sai cherdol iek sap. Ondaka o Moises ta o Aaron llele te dikhen e Faraone, ta cherde so o Del phendaia lenge te cheren: O Aaron chudia pi rovli pe phuv angla o Faraon ta angla e llene kai radina leke, ta e rovli cherdili sap.