Eksodo 25

Chiden ofrenda e charake

Ek 35.4-9

1O Del phenda e Moiseseke:

2Phen e israelenge te chiden mange iek ofrenda maskar sa e llene kai mangena te den iek ofrenda pe lietar. 3Ta so morabi te chiden si: Sunakai, rup, jarkuma, 4chiti vuneto, chiti purpura, chiti lolo, lino kuch, bal busniake, 5morcha katar o bakro makhle ando lolo, morcha kuch, kasta katar e akasia, 6zeitino e lamparenge, meriso e zeitinoke kai thodol pe so si dino ta e taimanoke kai khandel sukar, 7barra katar e kornalina ta aver barra kuch te sai thodon po efod ta po pektoral katar o mai baro popo. 8Ta cheren mange iek chara te sai me ziviu maskar tumende. 9E chara ta sa so si ande late, morabi te cheren len isto gia sar ka sikavavle chuke.

E arka katar e alava

Ek 37.1-9

10Cher iek arka katar o kas katar e akasia. Ka avel la iek pola ta des sentimetrura ando lungipe, ta sovardes ta panch sentimetrura ando bulipe, ta sovardes ta panch sentimetrura vazdini. 11Ta morabi te ucharela sa ando sunakai andral ta i avrial, ta truial ka thove iek fisia sunakuni. 12Ta cher lake star alkave sunakune, ka thovelen pe lake star porrne dui pe iek rig ta dui pe ogoia rig. 13Ta cher dui pulsura kastune ta ka uchare len ando sunakai, 14ta nakhav len ande alkave te sai inllaren e arka. 15Ta e pulsura na ikan len ios. Muklen ande alkave katar e arka, 16ta kana ka dav tut e des zakonura, ka thovelen andre ande arka.

17Ta ka chere iek propisiatorio katar o sunakai mai kuch. Iek pola ta des sentimetrura lungimatar ta sovardes ta panch sentimetrura bulimatar. 18Pe suako rig katar e arka ka thove dui kerubinura radime e chokanoia. 19O propisiatorio ta e kerubinura morabi te aven cherde katar iek kotor sunakuno, iek ka avel pe iek rig a o gua pe ogoia rig katar o propisiatorio. 20E dui kerubinura morabi te aven iek angla aver ta te dikhen po propisiatorio ta pe pakhenchar te ucharenle. 21Ta ka thove o propisiatorio upral pe arka, ta andre ka thove e des zakonura kai ka dav tut. 22Ta maskar e dui kerubinura ka maladivav tuia ta ka phenav chuke so morabi te cheren e israelitura o so morabi te na cheren.

O stali katar o marrno e Devleko

Ek 37.10-16

23Cher iek stali katar o kas kai ikhardol akasia, te avel la iniavardes sentimetrura lungimatar, ta saranda ta panch sentrimetrura bulimatar, ta sovardes ta panch sentimetrura vazdini. 24Uchar la sa ando sunakai lacho, ta thov truial iek fisia sunakuni. 25Ta i ka thove vazdino pe la efta sentrimetura bulimatar ta iek fisia sunakuni truial. 26Ta i cher star alkave sunakune, ta thov len truial kai la ke star porrne katar o stali, 27ta ka thove e pulsura ande lake alkave, ta gia sai ka inllardol o stali. 28E pulsura ka cherelen katar o kas katar e akasia ta ka ucharelen ando sunakai, lenchar ka inllardol o stali, 29O stali, e rroia, e bare tasura ta e tasura kai thodol o pipe kai si dino, ka cherelen sunakune. 30A po stali ka thoven o marrno kai si te den man suako drom.#Lv 24.5-8.

O kandelero sunakuno

Ek 37.17-24

31Ta cher iek kandelero radime e chokanoia cherdo katar iek kotor sunakuno. Kote kai besel lako kas, lake tasura, lake lulunlla, sa ka aven cherde katar iek kotor sunakuno. 32Ta katar lako kas pe lake dui riga ka liken sov krangura, trin pe iek rig ta trin pe ogoia rig. 33Trin tasura sargo lulunlla katar o almendro pe iek krango, iek phabai ta iek lulunllin, ta trin tasura sargo lulunllin katar o almendro pe aver krango, iek phabai iek lulunllin, gia pe sov krangura kai liken katar o kandelabro. 34Ta katar o kas ka liken star tasura sargo lulunlla katar o almendro, lake phabaia ta lake lulunlla, 35ka avel iek phabai telal katar lake dui krangura, ta aver phabai telal katar ogola dui krangura, ta gia ka avel pe sa e sov krangura kai liken katar o kandelero. 36Lake phabaia ta lake krangura ka aven katar iek kotor, sa von cherde katar iek kotor sunakuno radime e chokanoia. 37Ta ka chere leke efta lamparille ta ka phabare len te kletosarel anglal. 38Ta leke kliastura ta leke seniserura morabi te aven desneto sunakune. 39Te sai chere o kandelabro ta sa leke ezgode, morabi te le tranda kile katar o mai lacho sunakai. 40Morabi te thove but sama te cherele gia sar sikadem le chuke po burdo.#Ech 7.44; Ebr 8.5.

Currently Selected:

Eksodo 25: BACHRO

Highlight

Copy