Eksodo 19
19
E israelitura avile ando o Sinai
1Ando trito chon sar kana likistea katar o Ejipto e israelitura, avile po pusto katar o Sinai. 2Kana likiste katar o Refidim, avile po pusto katar o Sinai ta isto kote inzarde pe chare angla o burdo. 3Ta kote o Moises likisto te maladol e Devlea, ta po burdo o Del ikharda le ta phenda leke:
Gia ka phene e porodoke katar o Jakob, e chaurrenge katar o Israel:
4Tumen dikhlen so me cherdem e ejipsionenge, ta sar andem tumen kate kai sem me, sargo pe pakha katar iek agila. 5Goleke, tumen te asunena me alava pe so achilam ta te kandenalen, tumen ka aven mo mai baro barvalipe maskar sa e phuvia, soke sa e phuv si murni.#Dt 4.20; 7.6; 14.2; 26.18; Sal 135.4; Tit 2.14. 6Tumen ka aven mange iek charoina poponengi, ta llene sante. Phen sa gala alava e llenenge katar o Israel.#Ech 1.6; 5.10; 1 P 2.9.
7Ondaka o Moises llelo ta ikharda e phuren katar o foro, ta phenda lenge sa so o Del phendaia leke te cherel. 8Ondaka sa e israelitura phende iekhe avazea: Ka kanda sa so o Del phenda te chera. A o Moises inllarda e poroka katar o foro kai o Del,#Ek 24.3; Dt 5.27. 9ta o Del phenda leke:
Dik, me ka avav tute ande iek oblako thulo, te sai asunen e llene sar dav orba tuia ta gia, te avel len vera ande tute suako drom. A o Moises pale dia le e poroka e foroki, 10ta o Del phenda leke:
Lla ta lachar e foro allive ta i thiara te sai blagosin man. Ta morabi te jalaven pe patave, 11ta te aven lacharde o trito llive, soke o trito llive o Del ka fuliel angla e akha katar sa o foro upral po burdo Sinai. 12Thou vareso te dikhol truial o burdo ta phen e foroke te na liken po burdo, ta ni te dodin le, soke vareko te dodila le ka merel. 13Ni ka dodil le o va, soke ka mundaren le e barrenchar o e llidenchar, ni chitilpe te avela manus o iek zivirinia, ni ka zivil. E llene sai ka liken po burdo samo kana ka asunen e sing e busneki.#Ebr 12.18-20.
14Ondaka o Moises fulisto katar o burdo te lacharel e foro, te sai blagosin e Devle. Ta e llene jalade pe patave. 15A o Moises phenda lenge:
Tumen morabi te aven lacharde e trito lliveseke, ta na dodin diskinien. 16Ta kana llivosaila ando trito llive avile esterliche ta girmisarda, ta iek oblako thulo thodape upral po burdo. Ta asundilo iek basaldipe zuralo katar e tuturuga, kai cherda sa o pero te izdral daratar.#Apo 4.5. 17Ondaka o Moises inllarda e foro avri katar o pero te sai maladon e Devlea, ta achile pasa burdo. 18Sa o burdo Sinai chudela thuv soke o Del fulistoia pe lete maskar e iag. O thuv likela sargo katar e furnava, ta sa o burdo izdrala but zurale.#Dt 4.11-12; 5.4. 19Ta e tuturuga sa mai zurale basela, a o Moises dela orba ta o Del dela le anglal iekhe avazea sargo kana girmil.
20Ta fulisto o Del po than mai vazdino katar o burdo Sinai, ta mangla katar o Moises te likel upre po burdo, ta o Moises likisto, 21ta o Del phenda leke:
Fulie ta phen e llenenge te na nakhen kotar te dikhen man, soke te cherde le but lendar ka meren.
22Llik e popura kai aven mande morabi te chistonpe, soke te na cherenale i von ka aven zatrime.
23Ondaka o Moises phenda e Devleke:
O foro ni ka tromal te likel po burdo Sinai, soke tu phendan te thoven vareso truial katar o burdo te sai dikhol ta gia te na nakhen, soke o burdo si santifikado chuke.
24A o Del phenda leke:
Lla fulie ta an e Aarone tuia, soke niko ios morabi te likel kate, ni e popura ni o foro, soke te cherde le me ka zatriv len.
25Ondaka o Moises fulisto ta phenda gala alava e foroke.
Currently Selected:
Eksodo 19: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
