Eksodo 20

E des zakonura

Dt 5.1-21

1O Del dia orba ta phenda sa gala alava:

2Me sem o Del cho Gazda, kai ikandem tut katar o Ejipto, kote kai sana sluga.

3Te na avel tut aver dela angla ma.

425 Na cher chuke ni iek del, ni slike katar so si ando miloso, ta ni katar so si telal katar e phuv, ni katar so si ande paia kai si telal katar e phuv. 5Na de changa angla lende, ta na de len liubao, soke me sem cho Del, zuralo, kai inai mange drago te blagosi avere delen, kai dukhavav o bilachipe e dadengo kai murzin pe mande, ta i lenge chaurren, ta i lenge unukonenge chaurren kai murzin pe mande,#Ek 34.17; Lv 19.4; 26.1; Dt 4.15-18; 27.15. 6a dav mo volipe sa e porodoke kai volil man ta kai kanden me zakonura.#Ek 34.6-7; Nm 14.18; Dt 7.9-10.

7Na le e Devleko anav samo gia, soke vou ni ka mukel bi dosako gole kai lel leko anav samo gia.#Lv 19.12.

8De tut golli katar o sabado te avel dino e Devleke.#Ek 16.23-30; 31.12-14. 9Sou llive ka radi ta ka chere ande gola llivesa sa so si te chere, 10a o sabado ni ka radi soke gua llive, ka avel iek llive dino e Devleke cho Gazda. Na cher ni iek rado ande gua llive, ni cho chaurro, ni chi chorri, ni che sluge murus ni che sluge diskinie kai zivin tuia, ni che zivirinie, ni o lleno kai radil chuke kai avel katar aver phuvia.#Ek 23.12; 31.15; 34.21; 35.2; Lv 23.3. 11Soke o Del cherda ande sov llive o miloso, e phuv, e mora ta sa so zivil ande lende, ta achilo te radil o eftato llive. Goleke o Del blagosisarda o sabado, ta phenda kai ka avel iek llive dino e Devleke.#Jen 2.1-3; Ek 31.17.

12De liubao che dade ta che da, te sai zivi but bursa ande phuv kai o Del del tut.#Dt 27.16; Mt 15.4; 19.19; Mk 7.10; 10.19; Lk 18.20; Ef 6.2-3.

13Na mundar.#Jen 9.6; Lv 24.17; Mt 5.21; 19.18; Mk 10.19; Lk 18.20; Ro 13.9; Stg 2.11.

14Na cher kurvaluko.#Lv 20.10; Mt 5.27; 19.18; Mk 10.19; Lk 18.20; Ro 13.9; Stg 2.11.

15Na chor.#Lv 19.11; Mt 19.18; Mk 10.19; Lk 18.20; Ro 13.9.

16Na de orba kojamni averiki.#Ek 23.1; Mt 19.18; Mk 10.19; Lk 18.20.

17Na zelisar o cher avereko, na zelisar e diskinia avereki, ni leko sluga, ni leki sluga, ni leko guruv, ni leko magarcho, ta niso so si avereko.#Ro 7.7; 13.9.

E israelitura daran katar o Del

Dt 5.22-33

18Kana e israelitura asunde kai girmila ta basena e tuturuga, ta dikhle e esterliche ta o thuv kai ucharela o burdo, von but daraile ta thodepe dur kotar. 19Ondaka phende e Moiseseke:

De orba tu amenchar ta amen ka kanda, a te na del orba o Del amenchar soke sai mera.#Ebr 12.18-19.

20A o Moises phenda lenge:

Na daran. Soke o Del avilo te zumavel tumen te sai avel tumenge dar angla lete, ta gia te na cheren o bilachipe.

21Ondaka e israelitura achena dur, a o Moises avilo pasa o oblako kai saia truniariko, kote kai saia o Del.

O zakono te cheren thana vazdine e Devleke

22Ta o Del phenda e Moiseseke:

Phen gia e israelenge: Tumen dikhlen kai dien orba tumenchar katar o miloso.

23Na cheren dela sunakune ni rupune te blagosin len sargo man. 24Cheren mange iek than vazdino e chikatar, ta den man kote tumare kurbanura phabarde, bakre, guruva ta tumare ofrende katar e pas. Ta me ka avav pe suako than kai me ka esviriu te sai denpe golli katar mo anav ta ka blagosiv tumen. 25A te cherena mange iek than vazdino barrenchar, te na aven barra lacharde o kai thoden pe lende alato, soke gia ni ka aven lache gola barra.#Dt 27.5-7; Jos 8.31. 26Ta na thoven eskalere, gia kana ka liken te na dikhol tumari esnaga puchardi.

Currently Selected:

Eksodo 20: BACHRO

Highlight

Copy