Eksodo 17
17
O pai katar e pechina
Nm 20.1-13
1Sa e israelitura likiste katar o pusto kai ikhardol Sin, ta achena pe thana kai o Del phenela lenge te achen. Ta kana inzarde pe chare pe iek than kai ikhardol Refidim, ni saia pai te piel o foro, 2ta thode te janpe e Moisesea, ta phende leke:
¡De amen pai te pia! A o Moises phenda lenge:
¿Soke jan tumen manchar? ¿Soke zumaven e Devle?
3A o foro saia but trusalo ta thode te den orbe e Moisesea ta phenena:
¿Soke cherdan amen te lika katar o Ejipto te sai mundare amen trusatar, amare chaurrenchar ta amare zivirinienchar?
4Ondaka o Moises molisailo e Devleke ta phenda:
¿So ka cherav gale llenenchar? ¡Cherricha mai but ta ka mundaren man e barrenchar!
5A o Del phenda leke:
Nak angla o foro ta inllar tuia nesave phuren katar o Israel. Ta inllar tuia e rovli golaia kai chaladan o pai katar o Nilo, ta lla.
6Ta me ka aduricharav tut po burdo katar o Joreb upral pe pechina. Ta kana ka chalave e pechina, ka likel pai latar te sai pien e llene. Ta o Moises cherda le gia angla e phure katar o Israel,#Nm 20.8. 7ta thoda o anav katar gua than Masa ta Meriba, pala e burkania kai cherde e israelitura kana zumade e Devle, ta kana phende: ¿Si o inai o Del amenchar?
E israelitura marenpe e llenenchar katar o Amalek
8E llene katar o Amalek llele karing o Refidim te marenpe e israelenchar. 9Ondaka o Moises phenda e Josueeke:
Ezvirisar nesave llenen ta lla ta mar tut e llenenchar katar o Amalek. Ta me ka avav thiara upral po burdo, ta ka istarav ande mo va e rovli e Devleki.
10O Josue cherda so o Moises phenda leke, ta llelo te marelpe e llenenchar katar o Amalek. A o Moises ta o Aaron ta o Jur likiste upral po burdo. 11Ta kana o Moises vazdela po va, e israelitura dobina po maripe, a kana peravela po va, dobina e llene katar o Amalek. 12A sar o Moiseseke va chniona, thode leke iek barr te besel. Mapalal o Aaron ta o Jur istarde leke va iek pe iek rig a o gua pe ogoia rig te sai vazden e Moiseseke va, ta gia zuraile leke va lligo ni peli e riat. 13Ta gia o Josue dobisarda e llenen katar o Amalek e jarniea.
14Ondaka o Del phenda e Moiseseke:
Pisisar gava ande lila te sai denpe golli so nakhla, ta phen e Josueeke kai me ka cherav te na delpe golli niko katar o Amalek.#Dt 25.17-19; 1 S 15.2-9.
15Kote o Moises vazdia iek altar ta thoda leko anav o Del si mo bariako, 16ta phenda:
¡Ande mo va si o bariako e Devleko!
¡O Del si ando maripe e Amalekea ostade!
Currently Selected:
Eksodo 17: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
