Mattayo 23
23
1Yesu akawawurra matorano na waanalosha wakwe,
2Ekiteta, Watama na Wafarisayo weikaa na handu ha Musa:
3Amu ii vyose wemburra, areheni na gureni: kake musiareha hena mihiro yawo; ama wateta wasiarehe.
4Wechunga miagho iemee na idindie ya kutikwa, na waigera wanga ya vituro vya wandu, wasikunde wenye kuikuwara na kichaa kimwe.
5Mihiro yawo yose weiareha nesa kuyowa ni wandu: waaramija fulakteria jawo, na wanetija malutiriwo,
6Wakunda wui wa kuwoka ghati ya karamu na vichumbi vya kuwoka ghati ya masunagogi,
7Na makezio ghati ya vichinda na kuitangwa ni wandu Rabbi.
8Kake unywi musiitangwe Rabbi; amu mwe niye mlosha wenyu, na unywi wose wandwawo.
9Musimwitanga mundu waweo wenyu masangeni, amu mwe Waweo wenyu, eoho wa wanga.
10Nete musiitangwe mzuri: amu mwe Mzuri wenyu, niye Masihi.
11Kake mbaha henyu eneoka mwindi wenyu.
12Na ose enekukweja enesejwa; na ose enekuseja enekwejwa.
13-14Wukiwa henyu, watami na Wafarisayo, wakeleki! amu mwafinga Ufumwa wa wanga msongorana wa wandu: amu unywi tomuingia, nete tomushigha wala weokie wekiingia waingie.
15Wukiwa henyu, watami na Wafarisayo, wakeleki! amu mwajunguluka mbombe na teri nesa muarehe mwongofu mwe, na ekiidiwa kuoka, mumwosha mwana wa jehannum kando keri kukela unywi wenye.
16Wukiwa henyu, warongori webajike‐meso, mukighamba, Ose erara na hekalu, si kinducho; kake ose erara na thahabu ya hekalu, ena sile.
17Mutomoda na mubajike‐meso: amu ihi mbaha? thahabu kana hekalu ishenetija thahabu?
18Na, ose erara na kisiko, si kinducho; kake ose erara na itasi lioho wanga yakwe, ena sile.
19Mubajike‐meso: amu kihi kibaha? itasi kana kisiko kishenetija itasi?
20Amu ii ose erara na kisiko, erara nacho na vyose vioho wanga yakwe.
21Na ose erara na hekalu, erara nayo na ula eikee uko.
22Na ose erara na wanga, erara na kichumbi chakwe Izuwa naye eikaa wanga yakwe.
23Wukiwa henyu, watama na Wafarisayo, wakeleki! amu mwaiha ifungu la ikumi la naana na bizari na kamuni, mukishigha mabaha ma uchili, luchilio, na lusario, na luitikijo: ama yambe kuareha, na mala si kushigha.
24Warongori webajike‐meso, mwaremwa imbu mukimija ngamela.
25Wukiwa henyu, watami na Wafarisayo, wakeleki, amu mwazerrija ndemwa na mwanje hena some, kake ndeni jaizua lukengo na lutesho.
26Mfarisayo ebajike‐meso, zerrija ini ndeni ya ndemwa na mwanje, nesa na some pia jazerre.
27Wukiwa henyu, watami na Wafarisayo, wakeleki, amu mwafwanana na mbira jawirwa kiremeri, hena shighati jawonwa jedi, kake ndeni jaizua mawindi ma wefwie na ikwe lose.
28Huwo na unywi wawonwa ni wandu wenye ngalo, kake ndeni mwaizua ukeleki na owiwi.
29Wukiwa henyu, watami na Wafarisayo, wakeleki, amu mwajenga mbira ja waroti, na mwahamba makumbusho ma wenye ngalo,
30Na mwateta, Kwakicha uswi tuokie magheri ma waapa wetu, kwakicha totukishangarana nawo ghati ya sakame ya waroti.
31Huwo mwakung’olia mburi wenye, ti unywi waana wawo wewakomie waroti.
32Na unywi izujeni kighesho cha wawaweo wenyu.
33Unywi nyoka, waana wa nyoka, munematukaze luchilio lwa jehannum.
34Amu ii, yoa, namwingijia waroti na wenye kucha na watami; wengi wawo munewakoma na munewawanika, na wengi wawo munewabigha ghati ya masunagogi menyu, na munewakinya kiongo hena kiongo:
35Nesa imzie sakame yose ya ngalo iitishwe masangeni, too sakame ya Habil mwenye ngalo mtano sakame ya Zakariya mwana wakwe Barikiya ekomiwe ni unywi ghati na ghati ya hekalu na kisiko.
36Kididi namburra, Vindu ivi vyose vinelizia irika ili.
37Yerusalemi, Yerusalemi, uwakoma waroti na uwawiritia mabwe wala weingijwe hako, ako nikundie kuwunganya waana wako, sandu ikolo liwunganya usio wakwe si ya makungu makwe, nete tomukundie!
38Yoa, mwashighiwa nyumba yenyu tuhu.
39Amu namburra, Tomuneniwonawa mtano muneikamughambe, Etasiwe ula eza hena izina la Mzuri.
Currently Selected:
Mattayo 23: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
