Mattayo 22
22
1Yesu ekitalwa akawawurrawa na mifwanano, ekiteta.
2Ufumwa wa wanga wafwananishwa na mundu mfumwa, emwarehia mwana wakwe ngasu.
3Akaingija wazoro wakwe wawaitange wala weitangwa kuza na ngasu, wasikunde kuza.
4Akawaingijawa wazoro wengi, ekiteta, Wawurreni wala weitangwa, Yoa, naareha kidjo changu, zao jangu na vibandie vyasizwa, na vyose vyaidivika; izoni hena ngasu.
5Nawo wekiidaa wakatonga, mwe hena mteme wakwe, mwe hena kuzora kwakwe;
6Wala weshighajika wakawauha wazoro wakwe, wakawawinya, wakawakoma.
7Mfumwa akaregija, akaingija malweriri makwe, akawanyamara wakomi wala, akashota kiongo chawo.
8Awawurrawa wazoro wakwe, Ngasu yaidivika, kake wala weitangwa teiwawe:
9Amu ii tongeni na nzia matano, na wose muwawona, itangeni na ngasu.
10Wazoro wala wakafuma na nzia wakawunganya wose wewawona, wawiwi na wedi; ngasu ikaizua wagheni.
11Mfumwa ekinaingie kuwayoa wagheni akawone uko mundu esidokie suke ya ngasu.
12Amburra, Mbuyaa, waingiaze huwo usioke na suke ya ngasu? Akahujijwa.
13Mfumwa akawawurra wazoro, Mchungeni maghuu na mikono, mremtagha na kija cha shighati; uko kuneoka kuiya na kutafuna kwa majeghu.
14Amu weingi niwo weitangwa, wesawurwa si weingiwo.
15Wafarisayo wakatonga wakateta mburi nize wamteghe na kiteto.
16Wakamwingijia waanalosha wawo hamwe na Waherodiani, wakateta, Mlosha, twakutisiwa we ni wa kididi, na walosha nzia ya Izuwa ghati ya kididi, nete hako mburi ya mundu si kinducho, amu touyoa wusho wa mundu.
17Amu ii utuwurre, wawonaze? Ni kyedi kumwinga lushango Kaisari? kana hae.
18Yesu ekitisiwa owiwi wawo akaghamba, Nikini munighesha, wakeleki?
19Niwondjeni fetha ya lushango. Wakamwetie denari.
20Awawurra, Yakweni sanamu ii na kitamo?
21Wamburra, Yakwe Kaisari. Awawurra, Amu ii mng’olieni Kaisari vindu vyakwe Kaisari, na Izuwa vindu vyakwe Izuwa.
22Wekisikia wakarighiwa, wakamshigha wakatonga.
23Musi ula wakamzia Wasadukayo, wekighamba ti tehena luruko, wakambujanya,
24Wekiteta, Mlosha, Musa etetie, mundu ekifwa, esina waana, mundwawo enemuha mche wakwe, na enembushijia mundwawo waana.
25Heokie hetu wandwawo wafungate: na wa kuwoka akaaika akafwa, na asishighe waana akamshighia mundwawo mche.
26Huwo na wa keri, na wa katatu, mtano wafungate.
27Kutera kwa wose akafwa na mche.
28Ghati ya luruko wa uhi wa wala wafungate eneoka mche? amu wose weokie naye.
29Yesu akatalwa akawawurra, Mwatekwa, musitisiwe matamo nete zinya yakwe Izuwa.
30Amu ghati ya luruko teweaika, nete teweaikwa, kake weoho sa malaika wanga.
31Kake mburi ya luruko lwa wefwie, tomusomie kila kitetiwe henyu ni Izuwa, ekighamba,
32Mi Izuwa wa Ibrahimu, na Izuwa wa Isaak, na Izuwa wa Yakobo? Siye Izuwa wa wefwie, kake wawo weoho na moo.
33Matorano wekinasikie wakarighiwa na malosho makwe.
34Wafarisayo, wekinasikie ti ewahujija Wasadukayo wakawunganyika.
35Mwe wawo mchili akambujanya ekimghesha,
36Mlosha, luhi luaghanyo lubaha ghati ya uchili.
37Akamburra, Mkunda Mzuri Izuwa wako na ngoro yako yose, na moo wako wose, na lusaro lwako lose.
38Ulu nilo luaghanya lwa kuwoka na lubaha.
39Na lwa keri lwafwanana, Mkunda walatya wako sa ngoro yako.
40Ghati ya maaghanyo ama meri waikaa uchili wose na waroti.
41Wekinawunganyike Wafarisayo Yesu akawawujanya,
42Ekiteta, Mwawonaze Masihi? Mwana wakweni? Wamburra, Wakwe Daudi.
43Awawurra, Nize Daudi hena Ngoma emwitanga Mzuri, ekiteta,
44Mzuri amburra mzuri wangu, Ikaa na kuume kwangu, mtano nineikanigere maring’a mako si ya maghuu mako.
45Daudi ekimwitanga mzuri, nize niye mwana wakwe?
46Na tehena eidime kumtalwa kiteto; nete tehena ekara too musi ula kumbujanyawa.
Currently Selected:
Mattayo 22: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
