Isaías 62
62
1Ta sventa ti syail xc'uxul co'nton ta atojole, jteclum Sión, mi ja'uc ma' ti ts'ijil ta xicome.
Ta sventa ti syail xc'uxul co'nton ta atojole, jteclum Jerusalén, mi ja'uc ta jcux co'nton,
ja' to ti c'uxi ta xquil ti xojobin no'ox liquel ti tsalvanej avu'un jech c'u cha'al xojobal ti sacubel osile,
ti apojel acoltaele, xtil no'ox jech c'u cha'al junuc c'oc' ti oy ta yavile.
2Ti acolele, ta xilic ta sba ta satic ti muc'tiquil lumetique.
Ti alequilale, ta xilic ta sba ta sat scotol ti ajvaliletique.
Va'i un, ach' xa abi#Is 1.26; 62.12; Jer 33.16; Ez 48.35. liquel ti ja' ta xac'bot stuc ti Diose.
3Ta xac'ot ta c'upil sba ronail jolil yu'un ajvaliletic ti jech oyot ta yoc ta sc'ob ti Ajvalil Dios avu'une.
4Mi ja'uc xa ta xa'albat “Ti tenbil bajbilote.”
Mi ja'uc xa ta x'albat ti ateclumale “Lilinbil ma' le' une.”
Ti ac'oplal ta x'albate, “Jun yutsil ta xquil ma' le' une.”
Ti sc'oplal avosil abanomile, “Jnup jchi'il xa ma' le' une.”#Is 60.15; Os 2.23.
Yu'un ti vo'ote, sc'upilot ta xayil ti Diose,
ti co'ol s'elan c'otem ta malalil yu'un ti avosil abanomile.
5Yu'un jech c'u cha'al ti jun querem ta xnupij sts'aquij xchi'uc ti slecome,
ja' jech ti Diose ta sbisot ta yajnil.
Ta smeltsanot ta ach'.
Mu'yuc c'usi sna' ta atojol jech c'u cha'al xmuyubaj ti vinic xchi'uc ti yajnile.
6Jerusalén, ti ta amoctaque, laj xa jva'an jq'uel-osiletic#Is 52.8; Ez 33. ti c'ac'al ac'ubal mu xicta sbaic ti xi ta xalique:
“Mu xats'ijiic ta sc'oponel sti'inel ti Diose.
7Ja' to xats'ijiic mi c'ot ta tsutsel ti liquem xa xcha'meltsanel ti Jerusalene,
mi c'ot xa ta pasel ti scotol banomil ta xlequil-c'opojic ta stojole.”
8Yu'un xi laj sva'an sba ta yalel ti Dios ti scotol xu' yu'un ti laj sva'an ta toyol ti sbats'i c'obe:
“Ta j'ech'el mu xcac' que jti' ta sve'bot atrigo ti avajcontrae,
mi ja'uc ti jyanlumetic ta xuch'bot avino ti slubel xchamel avoc ac'ob laj ameltsane.
9Ta xatsob atuquic ti ats'unubic ti xloc' x'ayane.
Ta xatunic ta slajesel, xalequil-c'opojic xa ta jtojol.
Ta xatsobbeic ti sat a'uvaique, ta xavuch'beic ti ya'lel ta yamaq'uil ti jch'ulnae.”
10Loc'anic un, loc'anic talel ta ochebal ti'na.
Chapanic ta smeltsanel be ta sventa ti jlumale.
Bijanic yu'un ti c'u s'elan ta xapasic ta stenleje.
Jipic loq'uel ti tone.
Toyic ta toyol senyail ta yiq'uel talel ti muc'tiquil lume.
11Yu'un xi ono'ox scaj'aloj Dios ta jujot xchiquin ti banomil ma' li'e:
“Albeic ya'i ti lum Sión ti vul xa ta loq'uel ti jpojvanej yu'unique.
Ta xic' talel steclumal ti Diose, mi poj col xa talel yu'un ta ts'acal toe.”#Is 40.10.
12“Ch'ul jteclum le'e”, “Ti buch'utic c'otic ta colel yu'un ti Diose”, xi ta x'albat sc'oplalic ti israeletique.
“Juteb ta o'ntonal ma' ti le'e”, “Ma'uc xa ma' ti jteclum jipbil tenbil une”, xi ta x'albat sc'oplal ti Jerusalene.
Currently Selected:
Isaías 62: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
