Isaías 61
61
Ta xcaj'albat sc'oplal coltael ti Israele
1Xcuxlejal ti Diose oy ta jtojol,
yu'un lic'ot ta yajtunel ti Diose.
Tacbil lital yu'un ta yalbe ya'i ti me'un mu'nate
ti oy c'usi lec ta xc'ot ta stojolique,#Mt 11.5; Lc 7.22.
ta xcuchbel svocolic ti buch'utic mu xnel mu x'ech' ta xa'iique,
ta scaj'albel sc'oplal scolelic ti c'usiuc no'ox chuculic o yu'une,
sc'oplal scolelic ti jchuqueletic ti oy ta chuquinabe.
2Tacbil lital ta yalbel ya'iic ti ja' xa sjabilal vul ta loq'uel ti mu laj yil ya'iic ta sva'an stec'an sba ti Dios ta stojolique,#Lc 4.18-19.
sc'ac'alil ti ta spacbe sutel Dios ti laj yilbotic jvocoltic ti cajcontratique.
Tacbil lital yu'un ta spatbel yo'nton scotol ti buch'utic oyic ta vul o'ntone,#Mt 5.4.
3ta yac'bel sronail sjolic ti buch'u oyic ta vocol ta lum Sión ti q'uelel ta stojolic ta svijbe sbaic ti tanil c'oq'ue,
ta yac'bel muil poxil sventa muyubajel ti q'uelel ta stojolic ti oq'uel avanele,
ti ta xjoybij ta laetel q'uejimol yu'unic ti lajemic xa ta xa'iic ta banomile.
“Jtsalvanej c'an tulan ma' le'e”, xi sc'oplal yu'unic.
Ts'unbil yu'un Dios yo' jech ta svinajes ti yutsilal slequilale.
4Ta xlic yich' cha'va'anel ti c'usitic vo'ne xa jineme.
Ta xich' va'anel liquel ti naetic vo'ne xa lilijeme.
Ta xlic xq'uextaic ta meltsanel ti bu soquemic ta jinel ti jteclumetique.
5Ti jyanlumetique ta x'ochic ta sq'uelel xchabiel ti achijique, ti avosilique, xchi'uc ti ts'unubal avu'unique.
6Ti vo'oxuc une, ta xa'albat ac'oplalic paleoxuc yu'un ti Ajvalile, jtuneloxuc yu'un ti Dios cu'untique.
Ta xatunesic ta sc'upinel sc'ulejal ti yan muc'tiquil lume,
xach'aletic no'ox ta xac'otic xchi'uc ti slequilalique.
7Ti jech mu no'ox albajuc laj yich' svocol ti jteclumale,
ja' jech yepal ta sta ti sc'ulejal
ti sbatel osil xmuyubaj ta sc'upinele.
8Yu'un ti Diose xmuyubaj no'ox xchi'uc ti tuq'uil jol o'ntonale.
Ta scontrain ti elec'ale xchi'uc ti c'usi ta x'ac'van ta lum ach'ele.
Ti stuque, ta yutsil yo'nton ta xac' ta ich'el ti matanale,
ti sbatel osil ta xcom o ti trate ta spas ta stojolique.
9Ti snitilultaque, stuc no'ox ti cajal sc'oplalic ta xc'ot ta stojol ti yan muc'tiquil lume.
Scotolic ti buch'utic ta xile, ta xlic ya'i ta yo'ntonic ti ja' jun lum sva'anoj sba ti Dios ta stojolique.
10Bats'i xlaet no'ox co'nton ta stojol ti Diose.
Ximuyubaj no'ox ta xca'i ta stojol ti Dios cu'une.#Lc 1.46-47.
Laj jta yu'un ti coltaele, ¡jc'u'inoj c'ot yu'un ti tsalvaneje!
Co'ol j'elan junuc jlecomajel laj jlap ti sronail jole,
mi co'ol s'elan jlequel tseb ti ta xch'al sba ta stunesel ti c'usitic alaq'uic sba oy yu'une.#Ap 21.2.
11Jech c'u cha'al ti oy c'usi ta xvoc' ta banomile,
ti potol no'ox ti sq'uelom ta yavil ts'unbil nichime,
ja' jech ta xvul ta loq'uel yu'un Dios ti tsalvaneje.
Scotol ti muc'tiquil lum une, xlaetic no'ox liquel ta jun lametel q'uejimol.
Currently Selected:
Isaías 61: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
