Popular Bible Verses from Isaías 62

Share

Mi ja'uc xa ta xa'albat “Ti tenbil bajbilote.” Mi ja'uc xa ta x'albat ti ateclumale “Lilinbil ma' le' une.” Ti ac'oplal ta x'albate, “Jun yutsil ta xquil ma' le' une.” Ti sc'oplal avosil abanomile, “Jnup jchi'il xa ma' le' une.” Yu'un ti vo'ote, sc'upilot ta xayil ti Diose, ti co'ol s'elan c'otem ta malalil yu'un ti avosil abanomile.

Jerusalén, ti ta amoctaque, laj xa jva'an jq'uel-osiletic ti c'ac'al ac'ubal mu xicta sbaic ti xi ta xalique: “Mu xats'ijiic ta sc'oponel sti'inel ti Diose. Ja' to xats'ijiic mi c'ot ta tsutsel ti liquem xa xcha'meltsanel ti Jerusalene, mi c'ot xa ta pasel ti scotol banomil ta xlequil-c'opojic ta stojole.”

Ta xac'ot ta c'upil sba ronail jolil yu'un ajvaliletic ti jech oyot ta yoc ta sc'ob ti Ajvalil Dios avu'une.

Yu'un jech c'u cha'al ti jun querem ta xnupij sts'aquij xchi'uc ti slecome, ja' jech ti Diose ta sbisot ta yajnil. Ta smeltsanot ta ach'. Mu'yuc c'usi sna' ta atojol jech c'u cha'al xmuyubaj ti vinic xchi'uc ti yajnile.