Génesis 21

Ta xvoq'uesat ti Isaaque

1Ti jmoj ti c'u s'elan yaloj ono'oxe, ti Diose lic stij yo'nton ta stojol ti Sarae, ti c'otuc ta pasel yu'un ti strate yaloj ono'oxe. 2Lic xchi'in yol ti Sarae. Laj yilbe sat xnich'on ti Abraham yu'une c'alal mol xa ti stuque.#Heb 11.11. Ja' jech yorail voc' ti olol jech c'u cha'al yaloj ono'ox ti Diose. 3Sbi xnich'on ti Abraham laj yac'be ti voq'uesbat yu'un ti Sarae, ja' Isaac. 4Va'i un, c'alal yich'oj xa xvaxaquibal (8) c'ac'al svoq'uele, laj yac'be yich' circuncisión#Gn 17.12; Hch 7.8. jech c'u cha'al albat yu'un ti Diose. 5Yich'oj xa vo'vinic (100) jabil xch'iel sc'opojel ti Abraham c'alal voc' ti Isaaque. 6Jech ti Sarae xi laj snope: “Ti Diose laj yac' tse'incun, yu'un jmoj ta xlic tse'incuncutic xchi'uc scotolic ti buch'utic ta xa'iic ti oy xa cole. 7¿Mi yu'un oy la buch'u laj yal ti ta to xil xnich'on cu'un ti Abrahame? Manchuc mi jech un, laj to yilbe sat xnich'on cu'un ti c'alal mol xae.”

Ti Agare xchi'uc ti Ismaele, tacatic loq'uel ta sna ti Abrahame

8Ti querem Isaaque muq'uib xa, laj yictabeic ti xchu'e. C'alal jech ictabil xa ti xchu'e, jech ti Abrahame lic spas jun muc' ta q'uin. 9C'u stu un, yol ti egipcioal ants Agar ti ja' xnich'on ti Abrahame, laj yil ti Sara ti ta xlabanat ti Isaaque. 10Va'i un, xi bat yalbe ti Abrahame: “¡Ac'o loc'uc batel ti mosovil ants xchi'uc ti yole! Yu'un ti col Isaaque mu xu' ta xch'acbe sbaic rextoil xchi'uc yol jun mosovil ants.”#Gá 4.29-30.

11Toj c'ux laj ya'i ti Abraham ti va'i s'elan taje, yu'un ja' xnich'on. 12Ja' no'ox un, xi albat yu'un ti Diose: “Mu xavul avo'nton xchi'uc ti aquereme, ti ame' mosove. Paso scotol jech c'u cha'al ta sc'anbot ti Sarae, yu'un ti anitilultaque ta x'ayan talel ta sventa ti Isaaque.#Ro 9.7; Heb 11.18. 13Ja' jech xtoc yol ti me' mosovile, ta xc'ot ta pasel cu'un ta xcac' epajicuc ec yo' jech ta xc'otic ta jun muc' ta lum, yu'un ja' anich'on.”

14Sob xa ta yoc'omal, ti Abrahame laj yac'be batel pan ti Agare, xchi'uc jbej vorxa nucul noj ta vo'. Scotol taje, laj yac'be ech'el xcuch. Laj yac'be ta sc'ob ti yol ti Ismael sbie. Laj xch'ac sbaic. Jech ti antse bat. Mi ja'uc xbein ta beinel ti c'alal yacal ta xanav ech'el ta sbajtical banomil ti Beerseba sbie. 15C'alal laj ti vo' oy ta yavile, ti Agare laj yicta comel ti squerem ol ta yolon jpets te'e. 16Ti bu taje, xi snatil bat chotluc, yu'un mu sc'an sq'ueloj ta xcham ti yole. Ti c'alal chotole, ti quereme lic oc'uc.

17Ti Diose laj ya'i ta x'oc' ti quereme. Jech ti yaj'ánjel Diose, ta vinajel to, laj yavta ti Agar ti xi laj yalbee: “¿C'u cha'alot, Agar? Mu xaxi'. Yu'un ti Diose laj ya'i ta x'oc' ti aquerem bu oye. 18Batan, ba q'uelo ti aquereme. Nitbo ti sc'obe. Mu xacolta. Yu'un ti stuque, ta xc'ot ta jun muc' ta lum cu'un.”

19Va'i un, ti Diose laj yac'be yil Agar jun joc' ti oy vo'e. Jech ti stuque bat snojes talel ti yavil vo'e, laj yac'be yuch' ti Ismaele. 20Ti Diose laj scolta ti quereme. Ch'i c'opoj, naqui ta sbajtical banomil ti oy ta Parane. C'ot ta jun banquilal jten-yolob. 21Ts'acal to un, ac'bat yic' jun egipcioal ants yu'un ti sme'e.

Ti Abimeleque ta spasic jun trate xchi'uc ti Abrahame

22Ja'tic van jech yorail ech'el taje, ti Abimeleque#Gn 26.26. bat sc'opon ti Abrahame, chi'inbil batel yu'un ti Ficole, ti ja' banquilal yu'un ti yajsoldadotaque. Ti Abimeleque xi laj yalbe ya'i ti Abrahame:

—Yu'un scotol ti c'usi ta xapase, ta xquilcutic ti coltabilot yu'un ti Diose. 23Yu'un ti li' bu va'alotique, va'ano aba ta yalel ta jamal ti mu jutebuc ta xapasbun ti c'usi chopole. Mi ja'uc oy c'usi chopol ta xapasbe ti jnich'nabe, mi ja'uc ti jnitilultaque. Alo ta jamal ti ja' no'ox jech ta xac'uxubinvan jech c'u cha'al laj jc'uxubinote, ti ja' no'ox jech ta xapas xtoc ta stojol ti jnaclejetic yu'un ti jteclum li' ti bu nacalot avi tanae.

24—Jamal xcal ja' jech ta jpas —xi laj stac' ti Abrahame.

25Va'i un, ti Abrahame laj yac'be sna' ti Abimelec sc'oplal jun joc' ti pojbat yu'un svinictac ti Abimeleque. 26Ti Abimeleque xi laj staq'ue:

—Mi ja'uc jutebuc ca'binoj sc'oplal taje. Yu'un mu'yuc c'usi xavalbun. Yu'un mi ja'uc jutebuc jna' buch'u laj spas ti va'i s'elan taje.

27Va'i un, ti Abrahame laj stsac talel chij xchi'uc vacax. Laj yac'be yich' ti Abimeleque. Ti jech c'ac'al taj une, laj spasic jun trate ti xchibalique. 28Ti ta scotol xchijtac ti Abraham lic talel ta corrale, laj xch'ac loq'uel vuc-cot, 29xi lic sjac' ti Abimeleque:

—¿C'u cha'al jech ta xach'ac loq'uel ti vuc-cot chije?

30Ti Abrahame xi laj staq'ue:

—Ti vuc-cot chij ta xcac'bot li'e, ja' ta xc'ot ta svinajeb trate ti vu'un laj joc' ti joq'ue.

31Ja' smelol ti c'ot ta sbi Beerseba#Ti sbi Beersebae, “joc' yu'un trate”, mi mo'oje, “joc' yu'un ti vuccote”, xi ta xal smelol ti ta hebreo c'ope. ti bu taje, yu'un ti xchibalique laj yac' strateic ti bu taje.

32C'alal laj xa yac' ti strateic ta Beersebae, jech ti Abimeleque xchi'uc ti Ficole sutic batel ta yosilal ti filisteoetique. 33Ta Beerseba taje, ti Abrahame laj sts'un jpets tamarisco te', ti laj snijan xchiman sba ta stojol Dios Ajvalil sbatel osile. 34Jech ti Abrahame jalij ta naclej ta yosilal ti filisteoetique.

Currently Selected:

Génesis 21: TZC00

Highlight

Copy