Luk 17

Unó iboŋ

(Mat 18.6, 7, 21, 22; Mak 9.42)

1Yeso ghayn abú mbə məŋə-anó ma kwi, “Unó mbənə umə aghəy kwi ba u aghəy unó iboŋ umbi mə zaʼa anigə ingəʼ yi inyi igun wa ŋunə unó wu chigə anjim ma izaʼa! 2Wə mi boŋ kwi u tiŋe itey ingəŋ adoʼ ma iŋu maʼa uŋwən ungɨŋ iba chigə umugə umi aghəy ŋwə̂ kukuŋe moʼ akaʼa buŋ mbəŋ u aghəy anó iboŋ! 3#Mat 18.15Anigə mbən num azom akə unó mbənə mbən mə aghəy! U ngwə unya anóm bə aghəy anó iboŋ, nya uŋwən. U bə beŋe fiŋ ma, waʼ anó iboŋ ma. 4U bə aghəy anó iboŋ inigə ighari sambigə igun aney izaʼa ighari sambigə ghayn inigə kwi, ‘Wə beŋe inyi fiŋ waʼ u mbi unó iboŋ’ Wa unó iboŋ ma.”

Ibeni fiŋ

5Ba-tom Asɨyisəg ghayn abú uŋwən kwi, “ghə kwi ita ibeni fiŋ kwey.” 6Asɨyisəg ywiri abú úŋwən kwi, “Mbən bə mə nə ibeni fiŋ ni utɨŋ azad ŋunə yə́ mə́ kweʼe, nji mbən bə ghayn abú azad sikamo zi kwi choʼo iŋu kon iji inyo ungɨŋ iba ayi zəw ngwen.”

Atəw faʼa wa afaʼa

7“Wa moʼ injən akaʼa bə mə ni wa afaʼa nu umə faʼa ambayn, kə umə iney injəg, Amaʼazənə u bə wene zaʼa u mə ghayn abú uŋwən kwi yabi ŋú jəg injə́ aghəy jəgi? 8Aka umi ghayn abú uŋwən kwi, ‘tana inyi aghəy jəgi injaʼ nibi tana injə inyo zaʼa naʼ aghəy jəgi wu ajəg inugə. Amə akə ngwə, ngwə yi sə jəgə inugə asin naʼa.’ 9Ngwə koni kwi amə aghəy wa naʼ uyaka abú wa afaʼa umugə umə aghəy anó zənə u ghayn abú uŋwən? 10Amə nigə mbən məŋi. Amaʼazənə mbən si aghəy unó ujum mbənə mbə́ ghayn inen, mbən ghayn kwi, ‘Mba mə́ aba ba faʼa ma, yə aghəy aba unó mbənə mba mi aghəy.’”

Yeso zwey ba ighum

11amaʼazənə Yeso mə ŋuw a Yerusanem, yə chigə ungɨŋ unere Samariya nə Galeli. 12Amaʼazənə yə́ mə́ inyi ŋuw ungɨŋ abey moʼ anóm ighum ni mbə mə isɨgə akyuŋ bomo nə uŋwən. Mbə təm agha sa. 13Ikyayn akə ikay ghayn kwi, “Yeso! Masa! Kənə akə ngwa.” 14Amaʼazənə Yeso zən úŋwən yə ghayn abú úŋwən kwi, “Mbən ŋuw tey itən inyo abú ba mbənə umə́ faʼa ambəŋ Nwiye” Amaʼazənə mbə́ mə́ ŋuw, inyo ma zayn. 15Amaʼazənə wa feyn akaʼa úŋwən zən kwi inyo ma si zayn, yə wene ŋu sə yere Nwiye akə igəg kaka. 16Wə pey yi gow iyad ughəw Yeso inaʼ uyaka abú uŋwən. Anom wu mə wa Samariya. 17Yeso biri kwi, “Aka amə anóm ighum mə zwey úŋwən ba umbi abəw si umbayn? 18Aton zənə aba wa izoʼ ŋunə u wene zaʼa iyere Nwiye amə da ngiya?” 19Yeso ghayn abú anóm wu kwi, “Noʼo atey iŋu ayə inji beni fiŋ aghəy inji inyo mey.”

Amaʼazənə anó ufon Nwiye mi zaʼa

(Mat 24.23-28, 37-41)

20Ba Farasay moʼ biri abú Yeso kwi, “Amə amaʼ ngiya anó ufon Nwiye ami zaʼa? Wə ywiri abú úŋwən kwi, cha anó ufon Nwiye ami zaʼa ma akə inji zənə ba mi zən. 21Cha wa moʼ mi ghayn ma kwi, ‘ney anə zəŋ!’ Kə ‘Anə azi!’ Damugə anó ufon Nwiye ayə injən akaʼa.” 22Anigə yə́ ghayn abú mbə́ məŋə-anó ma kwi, “Amaʼ yə zaʼa nu mbən mi mbən mi kab izən aney feyn akaʼa unəy Ŋwə̂ Wa anigə cha mbən mi zən. 23Ba mbi zaʼa pey yi ghayn inen kwi, ‘Mbən ney anjin aki kə mbən ney akəŋ!’ Mbən ŋuw mə iney ngwen aboʼo úŋwən. 24Anji zənə imbəŋ mə ŋwaʼa iti aba azobo feyn iŋu pey akə izi, amə nigə Ŋwə̂ Wa mi wene izaʼa. 25Asɨmə u yi dey zən ingəʼ akə unó nanaʼ anigə ba akə amaʼ zəŋ umbi ton uŋwən. 26Anji zənə yə́ məŋi amaʼa Noah, amə nigə ami məŋi aney zənə Ŋwə̂ Wa mi zaʼa. 27Ba ujum mbə jəgə nugə anóm nə ayey mbə nama. Mbə́ mə́ aghəy nigə iŋu pey aney zənə Noah nyi ungɨŋ abaŋ ugwi zənə Nwiye ghayn abú uŋwən kwi utana. Une zaʼa kebere usin izwere ba ujum. 28Ayi məŋi numugə yə məŋi amaʼa Lot. Ba jum umbi mə́ jəgə nugə, umbi mə́ zono u ghəy nə fənə u ghəy, umbi mə kono u ghəy nə chimə na. 29Aba igun anəy zənə Lot aduw sodom Nwiye chi uwəd nə sulfur azobo izwere úŋwən uma ujum. 30Amə nigə ami məŋi aney zənə Ŋwə̂ Wa umi zaʼa. 31#Mat 24.17, 18; Mak 13.15, 16Aney wu, cha wa ŋunə umi idəm na mi swiʼi ma iŋu num aghəy moʼ ana ma. Anigə wa ŋunə umə ambayn cha umi wene zaʼa ana ma. 32Mbən kono anó zənə yə aghəy abú uyey Lot! 33#Mat 10.39; 16.25; Mak 8.35; Luk 9.24; Jon 12.25Wa moʼ ŋunə umə kaba isiy itəni ma uyi isam itəni wu, anigə u ŋunə usam itəni ma u yi jəg itəni wu. 34Ayə ghayn inen kwi akə afəb wu, ba ubigə umbi neŋe igun ukon feyn umbi num wa feyn isayn wa feyn. 35Ayey ubigə umbi mə woʼo ingəŋ umbi num feyn isayn feyn.” 36[Anom ubigə umbi ŋu ambayn umbi num feyn isayn feyn]. 37Mbə məŋə-anó ma biri abú uŋwən kwi, “Asɨyisəg anó zəŋ ami aghəy ngiya.” Yeso ywiri abú úŋwən kwi, “Asin zənə awu wa mə awu, izəm ti ŋu fere awu.”

Currently Selected:

Luk 17: NGI

Highlight

Copy