Mariko 16

Yesu anavenyihiwa wa ookhwa

(Mat 28.1-8; Luk 24.1-12; Yoh 20.1-10)

1Niviralle nllapo na Sabata, Mariya Magadalena ni Mariya, amennya a Yakobo navettho Salome yaakulla makhura a nthuko naphaama wi yazoze mutembo wa Yesu. 2Osaka wene waari Nllapo Namulungu. Ohinase, nndduwa nikhumalle wene yaaya omahame. 3Eri muttilla yaakohana wi, “Ttaani anaaniphikiriselle nlluku niri vamullakoni va nihamenne?” 4 Nllukunna naari nuullupalli wunchichi koma ephiyalle yahoona wi nllukunne noophikirisiwawo khalle. 5Sika yaavollowa mu mahamemmo, emoona musombwe akeraatthille o nnattanatta, awanre mukanjo waweella nave yahoova.

6Nave aallota wi, “Muhoove vawi kinnadduwella wi munamwaasha Yesu a o Nazareti oyo aatthomeyiwe vamutandani. Yooyo khaamo mmu vawi aavenyihiwa wa ookhwa. Ngoonani, vanipuroni yamuvitthalliiwavo. 7#Mat 26.32; Mrk 14.28Vano khaweni mwaalleelle oohudderaaye vamodda ni Petro wi, ‘Ari muhoollo mwanyu oya o Galileya. Muneeromoona wenko moollikana ni mmo allotilleeye ni nyuwaano.’ ”

8Sika yaakhuma, ethamaka ovenyera omahamenko, etthukumellaka navettho yoovaka. Kheyamulleelle muthu ddeereyillennddo kaambiiwa yaamoova.

Omalliha waamodda wakhalle wa Othenga Waphaama woolembiwa ni Mariko#16.9-20: Ddoolemba ddimodda ddakhalle kheddaawanjerere mavesi 9-20.

16.9-20

Yesu anooneya wa Mariya Magadalena

(Mat 28.9-10; Yoh 20.11-18)

[ 9Yesu avenyilleeye wa ookhwa oyaaka ni osa va Nllapo Namulungu, aambille wooneya wa Mariya Magadalena, oyo amukhumihalleeye khalle minepa ddoonanara mitthanu ni miilli. 10Mariyooyo aaya aalleella ayo yamuthwara Yesu, ayo yakhulla moona woopa ekutho ni winlla. 11Koma yiiwalliiwa wi Yesu aari mukumi ni wi aamoona, kheyaamukhulupililalle Mariyooyo.

Yesu anooneya wa oohuddera eelli

(Luk 24.13-35)

12Ddimallille ddenndda Yesu ahooneyattho ni mooneyello oohiyana wa oohudderaaye eelli ayo yeeta ovenyera o Yerusalemu. 13Yaahokollowa eya yaalleella akhwiiwa koma kheyaawakhulupililalle.

Yesu anooneya wa khumi ni mmodda

(Mat 28.16-20; Luk 24.36-49; Yoh 20.19-23; Mit 1.6-8)

14Vatulli viwa ahooneya wa oohuddera khumi ni mmoddaayo mvo yachiiwa. Ahaahumullulla ekaamba yoohikhulupilila ni wumma murima wiwa voohaakhulupililani ayo yamonne avenyille wa ookhwa. 15#Mit 1.8Nave allota wi, “Khaweni o ellapo yavatthi ettheene, mwallalleye othenga waphaama wa athu attheene. 16Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa. 17Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.* 18Yaphara enowa apaalle owirya ddawiipha khevoreyiwana nave eneerekewiiyaatthi mattiiwa va athu oovoriiwa wi echirihiwe.”

Yesu anawellihiwa oya oddullu

(Luk 24.50-53; Mit 1.9-11)

19 # Mit 1.9-11 Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku. 20Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.]

Omalliha waamodda wa khalle wa Othenga Waphaama woolembiwa ni Mariko#16.9-10: Ddoolemba ddimodda ddakhalle ddahaanjereravo omallihanngu vatulli va mavesi 9-20.

16.9-10

[ 9Atthiyana yaaya wa Petro ni akhwaaye yaalleella erive ello yalleelliwiiwa. 10Ddimallille nndda Yesu mwaneenaaye aarumiha othengaaye waweella ni woohimalla wa ovullusiwa woohimalla mu ellapo ettheene oweella mwa oohudderaaye.]

Currently Selected:

Mariko 16: MW2019

Highlight

Copy