Luka MAWU AWAAMBA
MAWU AWAAMBA
Ollikana ni olemba waye wa Luka, othengaaye woomoonihella Yesu wonanko oovullusa a Aisraele oyo allotelliwe khalle navettho wi tti oovullusa a athu attheene a va ellapo yavatthi. Olliyoolla oolembattho dda Yesu wi ahiithaniwa ni Munepa wa Apwiya wi aweena othenga waphaama wa athu oohoowa nave othenga yoolla wooddalliwa ni ddoopaalla ddittheddene dda athu. Woollotattho dda ehakallallo mu etima ddootthopoolla dda owa waye wa Yesu navettho omamallihelloni mvo Yesu awelleeye oya oddullu. Epilli ya wunnuwa ni ovuwa wa echikhulupililo ya oomukhulupilila Yesu awenlle oddullu yoollotiwattho mu Mitteko dda amurummwa.
Mu nibukhu nenna mookhallattho ddeko nnddo ddihinaphwanyeya mu mabukhu mamodda, epilli dda nchipo na angelo ni ayo yayiille nko wayarelliwe Yesu, Yesu mu enyumba ya Mulluku ari mwaana ni maphwanaphwaniho a Musamariya* eechifundo ni dda mwaana aamullopwana oohollowa. Othengaaye woollipihella ollota dda ovekella, Munepa Waweella, orumeyella wa atthiyana mu ollalleya wa Yesu ni okhululukella wa Mulluku va machimo.
Miru dda muwarimmu
Mawu awaamba 1.1-4
Oyariwa ni enamwani ya Yohane Oobatiza ni Yesu 1.5—2.52
Ollalleya wa Yohane Oobatiza 3.1-20
Obatiziwa ni weesiwa wa Yesu 3.21—4.13
Ollalleya wa Yesu o Galileya 4.14—9.50
Ovenyera o Galileya oya o Yerusalemu 9.51—19.27
Mulungu woomalliha mu Yerusalemu nave waatamella Yerusalemu 19.28—23.56
Ovenya wa ookhwa, wooneya, owella oya oddullu wa Apwiya 24.1-53
Currently Selected:
Luka MAWU AWAAMBA: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.