Exodo 3

Tayta Diosmi Moisesta caćhan

1Juc cutićhümi Madian lädu sasirdüti suydrun Jetrop uwishninta Moises michiyäla. Chayćhümi juc chunyä ulꞌuman calu-calucta atil Horeb nishan-cama ćhächila. Chay ulꞌum Tayta Diospa cala. 2Chayćhümi Tayta Diospa caćhamuśhan anjilnin sarsa jaćhap walayä ćhawpinćhu licalïlun. Moises sumä licapaycunanpämi chay jaćhaca manaña camacaycüta walayäña. 3Chaymi Moises śhunꞌullanćhu: “¡Imapïtá sarsa jaćhaca mana lupanchu! Má, licä lïshä” nin.

4Chaynu Moises licä jiꞌacuycuyaptinmi sarsa waläcäpa ćhawpinpi Tayta Dios nin: “¡Moises, Moises!” nil. Niptinmi: “Cayćhümi cayällá” nin.

5Niptinmi Tayta Dios: “Ama aśhuycamuychu. Cay jaluycuśhayqui allpaca chuya caśhanpam calaćhaquicunayqui.#3.5 calaćhaquiculcäla paycunaćhu rispitayninwanmi. 6Taytayquip Tayta Diosninmi yaꞌa cayá; Abrahampa, Isaacpa, Jacobpa Tayta Diosninmi” nin.

Niptinmi Moises cäranta pacacüla Tayta Diosta licayta manchacuyninwan. 7Chayćhümi Tayta Dios nin: “Egipto malcap maquinćhu Israel malcá ñacaśhantam licaycú. Chaynütacmi mandänincuna ñacachishanpi mañacuynincunactapis uyaliycú. Maynu-maynu ñacapäcuśhantapis tuquictam yaćhaycú. 8Chaymi Egipto nasyunpa maquinpi juluycunäpä jiꞌalpamulá. Chay nasyunpi allin sumä jatun allpamanmi juluycuśhä; imaypis tuqui-tuquicta wayuycachï allpamanmi puśhaycuśhä. Chay allpa cayan Canaan, Amhor, Het, Ferez, Hev, Jebus läducuna yaćhaśhancäćhümi. 9Cay Israel malcap ñacayninpi ayacuynincuna yaꞌacamañam ćhämun. Chaynütacmi Egipto nunacunaca maynu-maynu ñacachishantapis licaycú. 10Chaymi Faraonman canan caćhayac Egiptop maquinpïta Israel malcäta julaycamunayquipä” nil.#Hch 7.30-34.

11Niptinmi Moises: “¿Mayantá yaꞌa cayá Faraonman lil Israel malcäta julamunäpä?” nin. 12Niptinmi Tayta Dios: “Yaꞌa amwanmi caśhä. Quiquí caćhaśhätam tantiachishayqui, Egiptop maquinpïta malcäta julamuptiqui cay ulꞌüćhu alawapämäśhayquiwan” nin.#Hch 7.7.

13Niptinmi Moises: “Israel caśhtacunäman lil awquillunchiccunap#Exo 6.2-3. Tayta Diosninmi amcunaman caćhamäla niptí ‘¿imatan śhutin?’ nipämanꞌaćh. Nipämaptin ¿ima nishätan?” nin.

14Niptinmi Tayta Dios: “YAꞌA QUIQUIN CÄCÄMI cayá.#Juan 8.24, 58; Apo 1.4, 8. Israel caśhtacunäta ninqui: ‘YAꞌA QUIQUIN CÄCÄMI’ amcunaman caćhamäla” nin. 15Chaynütacmi Tayta Dios nin: “Israel caśhtacunäta caynümi ninqui: ‘Awquilluyqui Abrahampa, Isaacpa, Jacobpa Tayta Diosninmi#3.15 Tayta Dios nishan castillänućhuꞌa “Jehová” ütac “Yavé” niyanmi. Pulanpis chay limayllam hebreoćhuꞌa cayan. amcunaman caćhamäla’ nil. Cay śhutïmari wiña-wiñaypä canꞌa. Chay śhutiwantacmi imaycamapis lisipäcamanꞌa. 16Canan lil Israel caśhtap yaśhancunacta juntuycul nimuy: Awquilluyqui Abrahampa, Isaacpa, Jacobpa Tayta Diosninmi licalilcamal caynu niman: ‘Amcuna ñawilläćhümi caycälinqui. Egiptoćhu maynu-maynu ñacachisha capäcuśhayquitapis licayculämi. 17Chaymi nilá Egiptoćhu ñacapäcuśhanpïta juluycamuśhä Canaan, Het, Amhor, Ferez, Hev, Jebus läducunap imaypis tuqui-tuquicta wayuycachï allpanman’ nil. 18Niptiquim chay Israel caśhta yaśhacunaca cäsupäcuśhunqui. Chayćha paycunawan Faraoncäman yaycapäcul nipäcunqui: ‘Israel caśhtacunäpa Diosnïmi yaꞌacunaman śhamula. Chaymi Tayta Diosnïta ulꞌüchu cañaywan uycälinäpä quimsa muyun pulinacta lipäcuśhä’ nil.

19“Chaynu nipäcuptiquipis Egiptop mandacünin mana caćhaycunanta tuquictam yaćhayá. Nana-nanay maquiwanlämari caćhaycunꞌa. 20Chaymi sumä munaynïwan imaymana mućhuchicuycunawan Egipto nunacunäta camacaycuptïlä caćhaycapäcuśhunqui. 21Yaꞌa quiquïtacmi Egipto nunacunäpa śhunꞌunta llampuchaycuśhä yalacalcämunayqui üra jinanlla mana yalayalcämunayquipä. 22Chaymi walmicunaca bisinancunacta jinaman wasinćhu yaćhä walmicunätapis mañapaculcanꞌa ürupi, illaypi imaymana aläjacunacta; jinaman müdanacunactapis mañapaculcanꞌam. Chaycunawanmi wawincunacta müdachipäcunꞌa. Chaynüpam Egipto nunacunäta calapatapäcunqui” nil.#Exo 12.35-36.

Currently Selected:

Exodo 3: QVW

Highlight

Copy