Exodo 11
11
Wamä chulincunacta wañuchinanpämi willacun
1Chaypïtam Moisesta Tayta Dios nin: “Juc mućhuchicuytalämi cay Faraoncäman jinantin Egiptoman caćhamuśhä. Chaywanmi ichá lluyta quiquillan aluypa alupäcuśhunqui. 2Cananmi malcäta ninqui yaćhapäcuśhan bisinuncunacta ürupi, illaypi aläjacunacta mañaculcänanpä” nil.
3Quiquin Tayta Diosmari Egiptocunaca israelcunäta allinpä licaycunanpä śhunꞌunta llampuycachila. Jinaman Egiptoćhümi Faraoncäpa yanapänincunapäpis jinantin malcapäpis allinpä licaśha Moises cala.
4Chayćhu Faraoncäta Moisesmi nin: “Tayta Diosmi caynüta nin: ‘Jinantin Egiptopam ćhawpi tuta pasaśhä. 5Jinaptïmi Egiptoćhu lluy nunap wamä chulin wañunꞌa. Palasyunćhu täcü Faraonpa wamä chulinpi allacuyculmi aśhta malaycäćhu aꞌayä uyway nunap wamä chulincama wañupäcunꞌa. Jinaman lluy uywacunap wamä wawinpis wañunꞌam. 6Chaymi jinantin Egiptoćhu llaqui-llaqui waꞌacuy cacunꞌa. Caynu manam imaypis calachu nïtac imaypis canꞌatacchu. 7Ñatac Israel caśhtacunäćhu jucllay nunallapis, uywallapis mana wañuptinmi nï allꞌullapis awćhuycunꞌachu. Chaymi yaćhanqui Tayta Dios Israel caśhtacunäta Egipto läducunäpïta imanuypa licaycuśhantapis’. 8Jinaptinmi lluy yanapäniquicunapis śhapämul puntäman uyshucaycälil: ‘Ama chaynu caychu, wayra liculcällayña lluy Israel caśhtacunaca’ nipämanꞌa. Chaylämi yalupäcuśhä” nin. Nilculmi Faraoncäpi sumä piñäśha Moises yalula.
9Chaypïmi Moisesta Tayta Dios nin: “Cay Egiptoćhu mas milagrucunacta camalachinäpämi caytapis Faraonca mana uyalïtucuśhunquichu” nil.
10Moiseswan Aaronñatac imaymana milagrucunacta Faraoncäpa puntanćhu lulapäcuptinpis, quiquin Tayta Dios Faraoncäpa śhunꞌunta lumiyächiptin israelcunäta caćhaycuyta mana munalachu.
Currently Selected:
Exodo 11: QVW
Highlight
Share
Copy
Want to have your highlights saved across all your devices? Sign up or sign in
© 2022, AMWAN (Old Testament text)
© 2006, Wycliffe Bible Translators, Inc. (New Testament text)
Print copy NT 2006, Liga Bíblica del Perú
